Juan 13:13 - Emberá Chamí

¹³ Machiba mʉʉmaa “mʉ Jaradeabarii” abadau maud̶e “mʉ Mechiu abadau”. Biawãra arakʉd̶e jara panuu, mʉ maka niid̶eeba.

Juan 13:13 Iomraidhean Croise

Mateo 20:28

Ara mau kĩra mʉ, chi Ẽbẽra Ba B̶uad̶a neewẽa b̶uu ẽbẽrarã mʉ baita bari trajabadaurã nuread̶amera. Maumaarã nee b̶uu ẽbẽrarã baita bari trajabarii b̶uai baita. Maka mʉ biui ãrea ẽbẽrarã karibai baita.

Lucas 10:28

Maud̶e Jesusba jarasii: —Bichiba ara panausii. Bichiba maka wauruubʉrã ewaricha Dachi Akõre ome chokae b̶uai.

Lucas 6:46

»¿Sakãe mʉ “Dai Mechiu, Dai Mechiu” abadama maamina mʉʉba jara b̶uu machiba waud̶akama?

Lucas 7:43

Simonba panausii: —Mʉa kʉ̃risia b̶uu chi aude deai b̶uad̶aba aude biꞌia kʉ̃riai. Jesusba jarasii: —Bichiba arakʉd̶e panausii.

Juan 11:28

Makaped̶a Marta wãsii ichi neekaumaa. Maabae chũpea jarasii: —Chi Jaradeabarii nama b̶uu. Ichiba bichimaa ne jara kʉ̃ria b̶uu.

Juan 11:3

Maud̶e Lázaro neekaurãba Jesusmaa jarad̶e bʉisid̶au: —Dai Mechiu, bichi kõpaero ãrea ẽpermo b̶uu.

1 Corintios 12:3

Maud̶eeba mʉʉba kʉ̃ria b̶uu machiba nau kuitaad̶ayu: Chi Dachi Akõre Jaurid̶eeba berrea b̶uuba «Jesús kachirua nii» akau. Maud̶e chi Dachi Akõre Jaurid̶eeba berreawẽa b̶uuba «Jesús jomaurã Mechiu» akau.

1 Corintios 8:6

Maamina dachimaarã Dachi Akõre ab̶aburu nii. Ichi dachi Bajãad̶ebena Akõrebʉ. Ichiaburu ne joma wausii. Dachi ichi baita chokae panuu. Maud̶e Dachi Mechiu Jesucristo ab̶aburu nii. Ichid̶eeba Dachi Akõreba ne joma wausii. Ichid̶eeba dachi chokae panuu.

Efesios 6:9

Ara mau maka, machi chi chibarirã bid̶a chi machi baita bari trajabadaurã biꞌia wáusturu. Ãchi iadaad̶ai arã́sturu. Kĩrabásturu chi maarã Chibari bajãad̶ebena ara machi Chibaribʉ. Ichiba joma arab̶aud̶e ichiabarii.

Filipenses 2:11

Maud̶e jomaurãba Jesucristo jomaurã Mechiu a jarad̶ai maud̶e Dachi Bajãad̶ebena Akõremaa biꞌia berread̶ai.

Filipenses 3:8

Biawãra mʉ Mechiu Jesucristo kuitaai ne joma audeara bibuara b̶uu. Mʉʉba kʉ̃risia b̶uad̶a ichi kakua joma ida b̶usii. Joma mau nejarr kĩra unusii Cristo kuitaai baita

Santiago 2:19

Bichiba ijãa b̶uu Dachi Akõre ab̶aburu nii. ¡Ãrea biꞌia b̶uu! Jai kachiruarã bid̶a maka ijãa panuu, maamina Dachi Akõre wapeaba uribadau.