Juan 12:36 - Emberá Chamí

³⁶ Ʉ̃d̶aa machi tãed̶e uru panuumisa mau ʉ̃d̶aad̶e ijã́sturu ẽbẽrarã ʉ̃d̶aad̶ebena nuread̶amera. Mau bed̶ea jarasiid̶e Jesús wãped̶a mirusii.

Juan 12:36 Iomraidhean Croise

Mateo 21:17

Maabae Jesusba ãchi b̶ʉiped̶a Jerusalend̶ebena Betania puurud̶aa kãi b̶uad̶e wãsii.

Mateo 5:14

Machi ʉ̃d̶aa kĩra nuree, nau iujãad̶e nureeba machi tãed̶eeba Dachi Akõre unubadaud̶eeba. Puuru ead̶e kub̶uu ¿saka merad̶aima?

Lucas 16:8

»Maud̶e chi chibariba jarasii mau chi nejarra nubarii kachirua nii chi kauwa ãrea b̶uasii, ichiba maka waud̶ad̶eeba. Biawãra Dachi Akõred̶erã ẽbẽrarã audeara nau iujãad̶ebenarãba ne adaud̶ai baita ãchi ab̶aarakaurã ome ãchi kuitaad̶eeba waubadau.

Juan 1:7

mau ʉ̃d̶aa ʉ̃rʉbena berreamera, ichid̶eeba jomaurãba ijãad̶amera.

Juan 11:54

Maud̶eeba Jesús judiorã tãed̶e ãrea nibaka basii, maumaarã Judead̶ebena ãyaa wãsii. Efraín puurud̶e ichi baara nibabadaurã baara b̶uad̶e wãsii. Mau puuru drua sirua wãꞌãe b̶uu kaita b̶uu.

Juan 12:37

Jesusba ẽbẽrarãba ne poyaa waud̶akau ẽbẽrarã ãrea daad̶e wausmina ãchiba wabid̶a ijãad̶aabasii.

Juan 12:46

Mʉ nau iujãad̶aa ʉ̃d̶aa kĩra neesii chi mʉʉd̶e ijãaduu pãriud̶e nurearãad̶amera.

Juan 3:21

Maamina joma chi biawãra waubadaurã ʉ̃d̶aad̶aa neebadau ãchiba Dachi Akõreba kʉ̃ria b̶uu kĩra waubadau jomaurãba kuitaad̶amera.

Juan 8:12

Mau maad̶akare Jesusba ẽbẽrarãmaa waya jarasii: —Mʉ nau iujãad̶e ʉ̃d̶aa kĩra nii. Barikia mʉ baara wãaruubʉrã pãriud̶e nibaabai, maumaarã ʉ̃d̶aad̶e b̶uud̶eeba chokae b̶uai uru b̶uai.

Juan 8:59

Jesusba maka jarad̶a kakua judiorãba mo adausid̶au ichi b̶ata bead̶ai baita. Maamina Jesús miruped̶a Dachi Akõre de mechiud̶ebena awara ãyaa wãsii.

Efesios 5:8

Naed̶e machi pãriud̶ebena basii, maamina id̶ibae Dachi Mechiu ome panuud̶eeba machi ʉ̃d̶aad̶ebenarãbʉ. Maud̶eeba ʉ̃d̶aad̶ebena warrarã kĩra nibásturu.

1 Tesalonicenses 5:5

Joma machi ʉ̃d̶aad̶ebenarã maud̶e ãyadaabenarã. Dachi ẽsabud̶ebenawãema maud̶e pãriud̶ebenawãema.

1 Tesalonicenses 5:8

Maamina dachi chi ãyadaabenad̶eeba kĩrabia nuread̶ai panuu. Cristod̶e ijãa panad̶ai panuu, waabenarã kʉ̃ria nuread̶ai panuu maud̶e Dachi Akõreba kastikai bad̶ad̶ebena karibai esed̶au panad̶ai panuu. Maka ara dachi biꞌia nu panad̶ai, kokoroaba ichi borod̶e chaarea b̶uu jʉ̃barii kĩra, maud̶e kakuad̶e jʉ̃barii chaarea jʉ̃barii kĩra.