Juan 12:29 - Emberá Chamí

²⁹ Mau bed̶ea ũrisid̶aud̶e chi nureerãba jarasid̶au bã tosii. Maud̶e chi nureerãba jarasid̶au: —Angelba Jesusmaa berreasii.

Juan 12:29 Iomraidhean Croise

Hechos 9:7

Chi Saulo ome wãaduu ãrea perasid̶au. Ãchiba bed̶ea ũrisid̶amina ab̶a bid̶a unud̶aabasii.

Apocalipsis 11:19

Maabae Dachi Akõre de mechiu bajãad̶e kub̶uu ewa wãsii. Aria chi Dachi Akõreba waubid̶a baúl kub̶uu mʉʉba unusii. Ara maud̶e bã puri chebi kob̶eesii, bã to kob̶eesii, maud̶e chi bã ãrea ʉrʉrʉa wã kob̶eesii. Nau iujãa uri kob̶eesii maud̶e hielo sid̶a kui kĩra ãrea che kob̶eesii.

Apocalipsis 14:2

Maabae mʉʉba bajãad̶e do ʉrʉrʉa kĩra ũrisii, bã ʉrʉrʉa kĩra. Chi mʉʉba ũrisii, arpa chaamaa panuud̶e jĩwabarii kĩra b̶uasii.

Apocalipsis 6:1

Maabae mʉʉba unusii chi Oeja Kaebe Niiba chi kartamaabena wãa kub̶uu ab̶a oetasii. Maka b̶uud̶e chi kimare chokae nureed̶ebena ab̶auba naka jaraaruu ũrisii: «¡Neese!» Chi mimi bã kĩra jĩwa b̶uasii.

Apocalipsis 8:5

Maabae chi angelba kera baa deabadaud̶ebena tʉbʉ kĩra adauped̶a, chi paratu waabirubisii. Mau tʉbʉ kĩra nau iujãad̶aa jiratasii. Mauba bã tosii, ʉrʉrʉa wã kob̶eesii, bajãa puri chebi kob̶eesii maud̶e nau iujãa sid̶a uri kob̶eesii.