Juan 12:27 - Emberá Chamí

²⁷ »Biawãra mʉ ãrea kĩra nomaa b̶uu. ¿Mʉʉba kãare jaraima? “¿Chacha, mʉ biꞌiwãe b̶uai b̶uud̶ebena karibase aika”? Maka jaraabai mʉ mau kakua need̶ad̶eeba.

Juan 12:27 Iomraidhean Croise

Mateo 11:25

Mau ewarid̶e Jesusba jarasii: «Chacha, bichi bajãad̶ebena Mechiu maud̶e nau iujãad̶ebena Mechiu. Bichiba chi ne adua nureerãmaa mʉʉba jaradead̶a kuitaabiasiid̶eeba mʉʉba bichi bia jarai. Ne kuitaa nureerãmaa bichiba kuitaabiabasii.

Mateo 11:26

Maerã, Chacha, bichiba maka wausii maka waui kʉ̃ria b̶uasiid̶eeba.

Mateo 26:42

Maabae Jesús waya wãped̶a Dachi Akõremaa ʉtaa id̶isii: «Mʉ Chacha, mʉ ãrea biꞌiwãe b̶uai ida makabiwẽebʉrã, bichiba kʉ̃ria b̶uu kĩra wause».

Mateo 26:45

Maabae ichi baara nibabadaurãmaa waya neeped̶a jarasii: —Machi ¿wabid̶a kãi duanuka? Mʉ ewari basii. Mʉ, chi Ẽbẽra Ba B̶uad̶a ẽbẽrarã kachiruarã juad̶e deaduu.

Lucas 22:44

Jesús ãrea kĩra nomaa b̶uud̶eeba Dachi Akõremaa waya ʉtaa id̶isii. Maud̶e ichi jʉa oa kĩra iorod̶e b̶aesii.]

Lucas 22:53

Ewaricha mʉ Dachi Akõre de mechiu dud̶a machi tãed̶e b̶uad̶akaud̶e jidaud̶aka basii. Maamina biawãra ʉ̃raud̶aa Dachi Akõreba jʉbawãe niimaa ida kabi b̶uu. Maka machiba wau kʉ̃ria panuu wau panuu.

Juan 11:41

Maka b̶uud̶e ẽbẽrarãba chi mo ãyaa bʉraasid̶au. Maabae Jesusba ʉtaa ichiaped̶a jarasii: —Chacha, mʉʉba bichimaa biꞌia jarai mʉʉba ʉtaa id̶id̶a ũrisiid̶eeba.

Juan 12:23

Maud̶e Jesusba jarasii: —Chi ewari basii. Dachi Akõreba mʉ, chi Ẽbẽra Ba B̶uad̶a chi Mechiu b̶ui.

Juan 13:21

Maka jaraped̶a Jesús ãrea kĩra nomaa b̶eesii. Maabae jarasii: —Mʉʉba biawãra jaraaruu: ab̶a machid̶ebenaba mʉ jidaubii.

Juan 18:37

Maud̶eeba Pilatoba jarasii: —¿Maka b̶uubʉrã biawãra bichi ẽbẽrarã reyka? Jesusba panausii: —Maerã, bichiba maka jara kʉ̃ria b̶uubʉrã, mʉ ẽbẽrarã reybʉ. Maamina mʉ nau iujãad̶aa neesii biawãra bed̶ea jaradeai baita. Joma chi biawãrad̶e nureeba mʉ bed̶ea ijãabadau.

1 Timoteo 1:15

Nau bed̶ea biawãrad̶eeba jomaurãba mau ijãad̶ai panuu: Jesucristo nau druad̶aa neesii kachirua waubadaurã karibai baita. Maarãd̶ebena mʉ chi aude kachirua b̶uasii.

Hebreos 2:14

Maarã kiuru maud̶e oa nureed̶eeba Jesús sid̶a arab̶aud̶e maarã ẽbẽra kĩra neesii ichi biuruuba jʉbawãe nii poyaai baita. Jʉbawãe niiba poyaa biubiabarii.

Hebreos 5:7

Cristo nau kakuad̶e b̶uasiid̶e jẽa b̶uuba Dachi Akõremaa jĩwa chi chuburia id̶isii, Dachi Akõreba ichi biuid̶ebena poyaa karibai b̶uasiid̶eeba. Maud̶e Dachi Akõreba kʉ̃ria b̶uu kĩra waui asiid̶eeba, Dachi Akõreba ichiba ʉtaa id̶id̶a biꞌia ũrisii.