Juan 12:2 - Emberá Chamí

² Aria Jesusd̶e kĩrabad̶aped̶a ichimaa chiko bia kobisid̶au. Martaba dead̶aka b̶uasii maud̶e Lázaro waabenarã baara Jesús ome komaa b̶uasii.

Juan 12:2 Iomraidhean Croise

Mateo 26:6

Mau ewarid̶e Jesús Betania puurud̶e Simón kakua chau nii abadau ded̶e b̶uasii.

Marcos 14:3

Mau ewarid̶e Jesús Betania puurud̶e Simón kakua chau nii abadau ded̶e b̶uasii. Ko akʉ b̶uud̶e wẽra ichimaa neesii. Mau wẽraba b̶otia alabastro mo waud̶a eneesii. B̶otia nardo keraara waabiru b̶uasii. Mau nardo kera ãrea id̶i b̶uu b̶uasii. Maud̶e wẽraba chi b̶otia osta b̶ʉaped̶a kera chi Jesús boro ʉ̃rʉ easii.

Lucas 12:37

Chi chibari neeped̶a, ichi baita bari trajabadaurã chokae panuu unuubʉrã, maarã bia ichiai. Mʉʉba biawãra jaraaruu: ara maud̶e ichi chibariba chi ichi baita bari trajabarii paru jʉ̃ped̶a ichi baita bari trajabadaurã chi mesad̶e akʉ b̶eebiai kobiai baita.

Lucas 14:12

Maabae Jesusba ichi iud̶amaa naka jarasii: —Bichiba ẽbẽrarã kod̶e iuruud̶e bichi kõpaerorã, bichi ãbarã, bichi ab̶aarakaurã maebʉrã chi nejarra bara nuree iurã́se. Maarãba bichi poyaa iubadau kod̶e wãmera. Maka bichiba waud̶a kakua ne adaui.

Lucas 22:27

Ẽbẽrarãmaarã, ¿kai chi mechiu nima: chi mesad̶e koi baita akʉ b̶eebarii maebʉrã chi chiko dead̶akabarii? ¿Chi mesad̶e akʉ b̶eebarii chi mechiu niiwãeka? Maamina mʉ chi mechiu nimina nama machi tãed̶e chi chibari baita bari trajabarii kĩra nii.

Lucas 5:29

Maabae Jesús baita Leviba ichi ded̶e kod̶ai baita ãrea wausii. Ãrea Romad̶ebena baita chi nejarra pebadaurã maud̶e waabena ẽbẽrarã ãchi baara ko panasid̶au.

Apocalipsis 3:20

¡Ũrísturu! Mʉ poraad̶e b̶uma. Awareeba iu b̶uma machiba mʉ deed̶aa ida neebid̶amera. Barikiuba mʉ mimi ũriped̶a chi poraa ewaaruubʉrã, mʉ ed̶a wãped̶a mau baara koi.