Juan 11:50 - Emberá Chamí

⁵⁰ Romad̶ebenarãba joma dachi judiorã bead̶ai kãyabãra biꞌia b̶uu ẽbẽra ab̶a jomaurã kakua biui.

Juan 11:50 Iomraidhean Croise

Mateo 5:29

»Maud̶eeba bichi dau jua biarebenaba bichimaa kachirua waubiiruubʉrã, chi dau ẽetaped̶a jiratase, mau kachirua waurãamera. Bichi kakuad̶ebena ab̶a wãꞌãerumina ewaricha Dachi Akõre ome b̶uai. Mau bibuara b̶uu Dachi Akõreba joma bichi kakua tʉbʉchia aoko kub̶uu kiikaud̶e jiratai bad̶amaarã.

Lucas 24:46

Naka jarasii: —Dachi Akõre kartad̶e naka b̶ʉ kub̶uu: Dachi Akõreba Dachi Karibabarii deai jarad̶a biꞌiwãe b̶uai b̶uu. Biuped̶a ewari õbead̶e chokae jiradui.

Juan 11:48

Ichi ida nibabiiduubʉrã jomaurãba ichid̶e ijãad̶ai. Maka Romad̶ebena kokoroarã imid̶aped̶a, ãchiba Dachi Akõre de mechiu ãrid̶ai maud̶e joma dachi judiorã sid̶a kenad̶ai.

Juan 18:14

Ara mau Caifasba judiorãmaa jarasii biꞌia b̶uu ẽbẽra ab̶a jomaurã kakua biui.

Juan 19:12

Mau ũrisiid̶e Pilato kʉ̃risia b̶eesii Jesús saka ida bʉi. Maamina judiorãba waya jĩwa jara kopaneesid̶au: —Bichiba jãu ẽbẽra ida bʉiruubʉrã bichiba Romad̶ebena chi aude mechiu ome biawãra kõpaerowãe. Barikiuba ara ichi rey nii aaruubʉrã, mau ẽbẽra Romad̶ebena chi aude mechiu ome kĩramaa nii.

Romanos 3:8

Makarã ¿dachiba kachirua waud̶ai panuka ẽbẽrarãba Dachi Akõremaa biꞌia berread̶amera? Chi nureerãba ãchi kʉ̃risia kachiruad̶eeba jarabadau daiba maka jaradea panuu. Chi maka jara nuree Dachi Akõreba biawãra nebʉra barau ai.