Juan 11:49 - Emberá Chamí

⁴⁹ Aria ab̶a Caifás abadau b̶uasii. Mau nau añod̶e paare mechiu basii. Mau Caifasba jarasii: —¡Machi kʉ̃risiaswãe nuree!

Juan 11:49 Iomraidhean Croise

Mateo 26:3

Maumisa paare mechiurã, Moisesba b̶ʉd̶a jaradeabadaurã maud̶e paare mechiurã Caifás de mechiud̶e ãbua panasid̶au. Mau Caifás paarerã jaradea ua b̶uabarii mechiu basii.

Lucas 3:2

Anás maud̶e Caifás paarerã chi mechiurã basii. Mau ewarid̶e drua sirua wãꞌãe b̶uud̶e Dachi Akõreba Juan Zacarías warrmaa berreasii.

Juan 11:51

Caifasba ara ichi kʉ̃risiad̶eeba maka jarawẽa b̶uasii. Maumaarã ichi paare mechiu niid̶eeba Dachi Akõréburu ichimaa jarabisii Jesús joma judiorã kakua biui b̶uu.

Hechos 4:6

Paare mechiu Ana aria b̶uasii. Maud̶e ichi ded̶ebenarã ãrea panasid̶au: Caifás, Juan, Alejandro maud̶e ichi ded̶ebenarã.

1 Corintios 1:20

Biawãra Dachi Akõreba nau iujãad̶ebena kʉ̃risia kuitaa biꞌiwãe b̶uu kuitaabiasii. Maud̶eeba ¿chi ãrea kuitaa nuree kãare sãasma? ¿Chi Moisesba b̶ʉd̶a jaradeabadaurã kãare sãasma? ¿Chi id̶ibaebena kʉ̃risia kuitaad̶eeba berreabadaurã kãare sãasma?

1 Corintios 2:6

Maka b̶uud̶e daiba jaradea panuu chi Dachi Akõred̶e ãrea ijãa nureemaa. Ãchi baita mau jaradea panuu chi kʉ̃risia kuitaabʉ. Mau kʉ̃risia kuitaa nau iujãad̶ebenawãema maud̶e nau iujãad̶ebena karrarã kʉ̃risia kuitaawãema. Maarã ãrea panad̶aabai.