Juan 11:44 - Emberá Chamí

⁴⁴ Ara makʉd̶e Lázaro biu b̶uad̶a awara neesii. Ichi jua, chi jʉ̃rʉ wabid̶a paruba bʉra b̶uasii. Maud̶e ichi kĩedarr paruba bʉra b̶uasii. Maud̶e Jesusba jarasii: —Enad̶aped̶a ida bʉ́isturu.

Juan 11:44 Iomraidhean Croise

Marcos 5:43

Maamina Jesusba ãchimaa ãrea jarasii ab̶aumaa bid̶a jararãad̶amera. Maud̶e jarasii wẽrakaumaa ne kobid̶amera.

Lucas 19:20

»Maabae ab̶a june ichi baita bari trajabarii neeped̶a jarasii: “Mʉ mechiu, bichiba chi nejarra dead̶a nama b̶uu. Mʉʉba parud̶e bʉra mera uru b̶uasii.

Lucas 7:15

Ara makʉd̶e chi biu b̶uad̶a jiraduped̶a berreasii. Maabae Jesusba mau chi nawemaa deasii.

Juan 10:30

Mʉ, mʉ Chacha ome arab̶au nid̶au.

Juan 11:39

Maud̶e Jesusba jarasii: —Jãu mo ãyaa bʉrásturu. Marta, chi biud̶a neekauba Jesusmaa jarasii: —Mʉ Mechiu, jãu biud̶a ewari kimare baaruud̶eeba mikia kub̶uẽka.

Juan 11:43

Maka jaraped̶a Jesusba jĩwa jarasii: —¡Lázaro, awara neese!

Juan 19:40

Ãchiba Jesús kakua adoed̶aped̶a mau mirra jãra kera áloe ome perad̶a paru torroad̶e posid̶au. Pod̶aped̶a ichi kakua mau paru torroaba bʉrasid̶au judiorãba naed̶e maka jau b̶ubachid̶au kĩra.

Juan 20:5

Neesiid̶e ed̶a ichiai baita akõratusii. Maud̶e paru chi kakua bʉra b̶uad̶a aria b̶ari b̶uu unusii, maamina ed̶a wãabasii.

Juan 20:7

Mau awara paru Jesús boro bʉra b̶uad̶a unusii. Mau paru waabena paru ome ãbua b̶uabasii, maumaarã awara b̶ed̶a kub̶uasii.

Juan 5:21

Mʉ Chachaba biud̶arã chokae jiradubiaped̶a chokae duanubiabarii kĩra, maka mʉ chi Warrba chi mʉʉba kʉ̃riakuaruu chokae duanubiabarii.

Juan 5:25

Mʉʉba biawãra jaraaruu: chi ewari neei b̶uad̶a jãabae neesii. Id̶iid̶eeba biud̶a kĩra nureeba mʉ, Dachi Akõre Warr bed̶ea ũrid̶ai. Chi mʉʉd̶e ijãaduu chokae panad̶ai.

Filipenses 3:21

Ichi neeruud̶e chi kakua biui b̶uu ãyaa waui. Maud̶e ichi kakua kĩra ãrea biꞌia b̶eei. Ichi poyaabariid̶eeba maka waui. Mau poyaabariid̶eeba ichiba ne joma poyaai.

Apocalipsis 1:18

Mʉ chi Chokae Nima. Mʉ biud̶amina ichiáse chokae nii, maud̶e ewaricha chokae nibai. Mʉa chi biud̶arã poyaa chokae jiradubiai b̶uu.