Juan 11:25 - Emberá Chamí

²⁵ Jesusba jarasii: —Mʉ biud̶arã chokae jiradubiabarii maud̶e chokae b̶uai deabarii. Barikiuba mʉʉd̶e ijãaruubʉrã, biurumina ewaricha Dachi Akõre ome chokae nibai.

Juan 11:25 Iomraidhean Croise

Lucas 23:43

Maud̶eeba Jesusba ichimaa jarasii: —Mʉʉba biawãra jaraaruu: Id̶i bichi mʉ ome bajãad̶e b̶uai.

Juan 1:4

Mau bed̶eaba chokae b̶uai dead̶akasii. Mau ʉ̃d̶aa kĩra b̶uasii, ẽbẽrarãmaa ichi ʉ̃rʉbena kuitaabiai b̶uud̶eeba.

Juan 14:19

Kãꞌãabariwãed̶e ẽbẽrarã nau iujãad̶ebenarãba mʉ waa unud̶aabai maamina machiba mʉ unud̶ai. Mʉʉba chokae b̶uai uru b̶uud̶eeba, machia bid̶a chokae b̶uai uru nuread̶ai.

Juan 14:6

Maud̶e Jesusba jarasii: —Mau o mʉʉbʉ. Mʉʉd̶eeba Dachi Akõre biawãra unu panuu maud̶e chokae b̶uai uru panuu. Mʉwãebʉrã ab̶a bid̶a mʉ Chachamaa poyaa neebai.

Juan 3:16

»Dachi Akõreba ẽbẽrarã ãrea kʉ̃riakua b̶uud̶eeba ichi Warr ab̶a nii nau iujãad̶aa bʉisii joma ichid̶e ijãaduu ichid̶ebena awara nurearãad̶amera, maumaarã ichi ome ewaricha chokae nuread̶amera.

Juan 3:36

Chi ichi Warrd̶e ijãa b̶uu Dachi Akõre ome ewaricha chokae b̶uai, maamina chi ichi Warr ida b̶u b̶uu Dachi Akõre ome ewaricha chokae b̶uabai. Mau Dachi Akõreba kastikai.

Juan 5:21

Mʉ Chachaba biud̶arã chokae jiradubiaped̶a chokae duanubiabarii kĩra, maka mʉ chi Warrba chi mʉʉba kʉ̃riakuaruu chokae duanubiabarii.

Juan 5:26

Mʉ Chacha chokae b̶uabarii kĩra, mʉʉba mau chokae b̶uai deabarii ichiba mʉʉmaa deasiid̶eeba.

Juan 6:35

Jesusba jarasii: —Mau Mʉʉbʉ. Mʉ chi chokae b̶uabibarii panbʉ. Maud̶eeba chi mʉʉmaa neeruu waa jarrbisia b̶uabai maud̶e chi mʉʉd̶e ijãa b̶uu waa obisia b̶uabai.

Juan 6:44

Ab̶au bid̶a poyaa mʉʉd̶e ijãabai mʉ Chacha, chi mʉ bʉid̶aba ichi mʉʉmaa eneewẽebʉrã. Maamina mʉ Chachaba eneeruubʉrã nau iujãa baribai ewarid̶e mau ẽbẽra mʉʉba chokae jiradubii.

Hechos 3:15

Maka machiba chi dachi Chokae Nibabiabarii beasid̶au. Maamina Dachi Akõreba ichi biui b̶uad̶a chokae jiradubisii. Mau chokae jiradud̶a unusid̶au.

Romanos 4:17

Dachi Akõre bed̶ead̶e naka b̶ʉ kub̶uu: «Mʉʉba bichi b̶usii puuru ãrea akõre bamera». Biawãra Dachi Akõre daad̶e Abraham joma dachi, chi Dachi Akõred̶e ijãabadaurã akõrebʉ. Abrahamba ijãa b̶uasii chi biuped̶aad̶a chokae jiradubiabarii maud̶e Dachi Akõred̶e chi ne wãꞌãed̶ebena ne waubarii.

Romanos 8:2

Cristod̶eeba Dachi Akõre Jauriba dachimaa chi chokae b̶uai chiwid̶i deasiid̶eeba, dachi kachiruad̶ebena maud̶e biud̶ai bad̶ad̶ebena enakuasii.

1 Corintios 15:18

Makarã joma Cristod̶e ijãabadaurã biuped̶aad̶a wãꞌãesid̶au.

1 Corintios 15:29

Biuped̶aad̶a chokae jiradud̶akaubʉrã, ¿sakãe chi nuree biuped̶aad̶a kakau boro ea panuma? Dachi Akõreba biuped̶aad̶a chokae jiradubiawẽebʉrã, ¿sakãe maarã kakua boro ead̶aima?

2 Corintios 4:14

Dachi Akõreba Dachi Mechiu Jesús chokae jiradubisii, maud̶e daiba kuitaa panuu dai sid̶a Jesús kĩra chokae jiradubiai. Maabae dai machi ome ãbua ara ichi daad̶e b̶ui.

Filipenses 1:23

Chaarea b̶uu jarai baita mau omed̶ebena sãu aude biꞌia b̶uu. Mʉʉmaarã biꞌia b̶uu biui, Cristo ome b̶uai baita.

Filipenses 3:10

Mʉʉba Cristo ãrea unui kʉ̃ria b̶uu. Ichi Dachi Akõre poyaabariid̶eeba chokae jiradusii. Mʉ ara mau poyaabariid̶eeba ichi baara nibai kʉ̃ria b̶uu. Maud̶eeba ichi ãrea biꞌiwãe b̶uad̶a kĩra mʉ sid̶a biꞌiwãe b̶uai kʉ̃ria b̶uu, maud̶e ichi biud̶a kĩra biui kʉ̃ria b̶uu.

1 Tesalonicenses 4:14

Maamina dachiba Jesús biu b̶uad̶ad̶ebena chokae jiradud̶a ijãa panuu. Maud̶eeba kuitaa panuu Jesusd̶e ijãabadaurã biuped̶aad̶a Dachi Akõreba joma chokae jiradubiaped̶a ichi baara uad̶oi.

Apocalipsis 1:18

Mʉ chi Chokae Nima. Mʉ biud̶amina ichiáse chokae nii, maud̶e ewaricha chokae nibai. Mʉa chi biud̶arã poyaa chokae jiradubiai b̶uu.

Apocalipsis 20:5

Mau chokae jiraduped̶aad̶a chi Dachi Akõreba naa chokae jiradubiad̶a basii. Waabenarã biuped̶aad̶arã chokae jiradud̶aabasii ab̶a 1.000 años wãꞌãesiid̶aa.

Apocalipsis 21:4

Ãchi dau b̶aa ichiba joma poabiai. Naed̶e b̶uad̶a joma wãꞌãesiid̶eeba, maarã waa biud̶aabai, jẽad̶aabai, kĩra nomaa jẽad̶aabai, maud̶e waa biꞌiwãe panad̶aabai».

Apocalipsis 22:1

Mau maad̶akare angelba do pawãraa b̶uu mʉʉmaa unubisii. Biirio kĩra dod̶aa b̶uasii. Mau baniaba ewaricha chokae b̶uai deabarii. Dachi Akõre maud̶e Oeja Kaebe Nii rey ãkau bia b̶uareeba mau do puurud̶ebena o jõparrea b̶uu ẽsa eab̶ari b̶uu. Mau do kĩarecha bakuru chi jõo ewaricha chokae b̶uai deabarii poe basii. Añod̶e b̶es 12 ome chaubarii, jed̶ako ewaricha chaubariid̶eeba. Chi kiruu ʉrrmid̶ia kĩra b̶uu, druachabenarã jaiswãe panad̶amera.

Apocalipsis 22:17

Dachi Akõre Jauriba maud̶e chi Oeja Kaebe Nii kima abadauba naka jara b̶uu: «¡Uche!» Chi mau kartad̶e b̶ʉ kub̶uu ũriiruu bid̶a jarai b̶uu «¡Uche!» Chi obisia b̶uuba bania chi ewaricha chokae b̶uai deabarii dod̶e neei b̶uu. Mau bania kʉ̃ria b̶uuba bari dod̶e neei b̶uu.