Juan 10:33 - Emberá Chamí

³³ Judiorãba panausid̶au: —Daiba bichi mooba b̶atad̶aabai ne biꞌia wau b̶uu kakua, maumaarã b̶atad̶ai bichi ẽbẽra niikaud̶e ara Dachi Akõre a b̶uud̶eeba. Mauba bichiba Dachi Akõre ʉ̃rʉbena kachirua jara b̶uu.

Juan 10:33 Iomraidhean Croise

Juan 10:24

Maka b̶uud̶e chi nuree judiorãba Jesús ad̶u orrod̶aped̶a id̶isid̶au: —Ab̶a ¿sakaed̶aa bichiba dai kʉ̃risia adua ua b̶uaima? Bichi Dachi Akõreba Dachi Karibabarii deai jarad̶abʉrã, daimaa ab̶aed̶e jarase.

Juan 10:30

Mʉ, mʉ Chacha ome arab̶au nid̶au.

Juan 10:32

Maud̶e Jesusba jarasii: —Mʉ Chachad̶eeba ãrea ne bia machimaa unubiasii. ¿Sãu ne bia waud̶a kakua mʉ mooba b̶ata bead̶aima?

Juan 19:7

Maamina judiorãba panausid̶au: —Daiba Moisesba b̶ʉd̶a uru panuu. Mau Moisesba b̶ʉd̶ad̶e jara b̶uu kĩra jãu biui b̶uu ichi Dachi Akõre Warr a b̶uud̶eeba.

Juan 5:18

Maud̶eeba judiorã mechiurãba ichi aude bead̶ai kʉ̃ria paneesid̶au. Ichiba bari panabadau ewarid̶e ẽbẽrarãba ne poyaa waud̶akau waud̶a kʉ̃riad̶aabasii. Mau awara mʉ Chacha ad̶a kakua aude kʉ̃riad̶aabasii, ara ichi Dachi Akõre asiid̶eeba.

Romanos 13:1

Dachi jomaurã chi nau iujãad̶ebena jaradea ua b̶uabadaurã juad̶e panad̶ai panuu Dachi Akõreba maarã b̶usiid̶eeba. Ab̶a bid̶a wãꞌãe Dachi Akõreba b̶ud̶awãe.

Filipenses 2:6

Ichi Dachi Akõremina, ara Dachi Akõre kĩra arab̶aud̶e b̶uai kʉ̃risiabasii.