Juan 10:31 - Emberá Chamí

³¹ Maud̶eeba judiorãba waya mo adoesid̶au ichi b̶ata bead̶ai baita.

Juan 10:31 Iomraidhean Croise

Mateo 12:14

Maabae chi fariseorã awara wãsid̶aud̶e, berreasid̶au saka Jesús bead̶ai baita.

Mateo 21:35

Maamina chi uu nub̶uu nubadaurãba mau trajabadaurã jidausid̶au. Ab̶a sĩsid̶au, ab̶a beasid̶au maud̶e ab̶a mokaraba b̶ata duabʉisid̶au.

Mateo 23:35

Maud̶eeba joma nabẽraed̶ebenarã ẽbẽrarã jipa nuree beaped̶aad̶a kakua Dachi Akõreba machi kastikai: Abel jipa nii beaped̶aad̶a kakua, Berequías warr Zacarías beaped̶aad̶a kakua maud̶e joma waabenarã beaped̶aad̶a kakua bid̶a. Zacarías Dachi Akõre de mechiu dud̶a chi ne baa deabadau kĩraare beasid̶au.

Juan 1:19

Nau chi Juanba ara ichi ʉ̃rʉbena jarad̶abʉ. Judiorã paare mechiurãba Jerusalend̶ebena paarerã maud̶e levid̶ebenarã, Juanmaa bʉisid̶au. Maarãba Juanmaa id̶isid̶au: —¿Bichi kaima? ¿Bichi Dachi Akõreba Dachi Karibabarii deai jarad̶aka?

Juan 10:24

Maka b̶uud̶e chi nuree judiorãba Jesús ad̶u orrod̶aped̶a id̶isid̶au: —Ab̶a ¿sakaed̶aa bichiba dai kʉ̃risia adua ua b̶uaima? Bichi Dachi Akõreba Dachi Karibabarii deai jarad̶abʉrã, daimaa ab̶aed̶e jarase.

Juan 10:32

Maud̶e Jesusba jarasii: —Mʉ Chachad̶eeba ãrea ne bia machimaa unubiasii. ¿Sãu ne bia waud̶a kakua mʉ mooba b̶ata bead̶aima?

Juan 11:8

Maud̶eeba ichi baara nibabadaurãba jarasid̶au: —Jaradeabarii, ewari ãrea bawẽe Judead̶ebenarãba bichi mooba b̶ata bea kʉ̃ria panad̶a. ¿Bichi waya mamaa wãaruka?

Juan 5:18

Maud̶eeba judiorã mechiurãba ichi aude bead̶ai kʉ̃ria paneesid̶au. Ichiba bari panabadau ewarid̶e ẽbẽrarãba ne poyaa waud̶akau waud̶a kʉ̃riad̶aabasii. Mau awara mʉ Chacha ad̶a kakua aude kʉ̃riad̶aabasii, ara ichi Dachi Akõre asiid̶eeba.

Juan 8:59

Jesusba maka jarad̶a kakua judiorãba mo adausid̶au ichi b̶ata bead̶ai baita. Maamina Jesús miruped̶a Dachi Akõre de mechiud̶ebena awara ãyaa wãsii.

Hechos 7:52

Ãchiba Dachi Akõre baita berreabadaurã joma wãraasid̶au kachirua waud̶ai baita. Ẽbẽra Jipa nii neei jaraped̶aad̶arã sid̶a beabachid̶au. Ara mau kĩra machiba mau Ẽbẽra Jipa nii jidaud̶aped̶a beasid̶au.