Juan 10:27 - Emberá Chamí

²⁷ Mʉ oejarãba mʉ mimi kauwa kuitaa panuu. Mʉʉba ãchi unubarii. Maud̶eeba ãchiba mʉ baara wãbadau.

Juan 10:27 Iomraidhean Croise

Mateo 16:24

Maabae Jesusba ichi baara nibabadaurãmaa jarasii: —Ab̶a mʉ baara nibai kʉ̃ria b̶uubʉrã, mauba wau kʉ̃ria b̶uu ida b̶uped̶a ãrea biꞌiwãe b̶uai baita b̶uai b̶uu. Maabae mʉ baara wãi b̶uu.

Mateo 17:5

Pedro maka berrea b̶uud̶e jʉ̃rʉara ʉ̃d̶aa b̶uu ãchi ʉ̃rʉ neesii. Mau jʉ̃rʉarad̶ebena nau bed̶ea jĩwa ũrisid̶au: «Nau mʉ Warrbʉ. Mʉʉba mau ãrea kʉ̃ria b̶uu maud̶e mau kakua kĩrajʉʉ b̶uu. Mauba jara b̶uu ũrísturu».

Mateo 25:12

Maamina chi miakãiruu mukĩraba jarasii: “Mʉʉba biawãra jaraaruu: mʉʉba machi unukau”.

Mateo 7:23

Maud̶e mʉʉba arakʉd̶e jaraaruu: “Kachirua waubadaurã, ãyaa wã́sturu. Mʉʉba machi unukau”.

Marcos 10:21

Maud̶e Jesusba ẽbẽra kʉ̃riad̶eeba ichiaped̶a jarasii: —Wabid̶a bichiba ne ab̶a waui b̶uu. Bichiba uru b̶uu joma nedobʉid̶e wãped̶a chi nejarr barauwãe nureerãmaa dead̶akase. Maka bajãad̶e ne bia uru b̶uai. Maabae mʉ baara nibad̶e neese.

Marcos 8:34

Jesusba ichi baara nibabadaurã maud̶e waabenarã iukuaped̶a jarasii: «Ab̶a mʉ baara nibai kʉ̃ria b̶uubʉrã, mauba wau kʉ̃ria b̶uu ida b̶uped̶a ãrea biꞌiwãe b̶uai baita b̶uai b̶uu. Maabae mʉ baara wãi b̶uu.

Lucas 13:27

Maud̶e ichiba machimaa jaraaruu: “Mʉʉba machi kai aduama maud̶e samabena aduama. Kachirua waubadaurã, ãyaa wã́sturu”.

Lucas 9:23

Jesusba jomaurãmaa jarasii: —Ab̶a mʉ baara nibai kʉ̃ria b̶uubʉrã, chi mauba wau kʉ̃ria b̶uu, ida b̶ui b̶uu, maud̶e ewaricha ãrea biꞌiwãe b̶uai baita b̶uai b̶uu. Maabae mʉ baara wãi b̶uu.

Juan 10:14

»Mʉ oeja nubarii biabʉ. Mʉʉd̶erã kuitaa b̶uu, chi oeja nubariiba ichi oeja kuitaa b̶uu kĩra. Maud̶e maarãba mʉ kuitaa panuu.

Juan 10:16

Mʉʉba oeja june ua b̶uu nau oeja nubadaumarebenawaẽ. Maarã sid̶a mʉʉba ed̶a adooi. Ãchiba mʉ bed̶ea ijãad̶ai. Maka joma ãbua panad̶ai. Maud̶e ãchi nubarii ab̶a b̶uai.

Juan 10:8

Mʉ neei naed̶e ãrea oeja nechiruabadaurã kĩra maud̶e ẽbẽrarã kachiruarã neebachid̶au. Maamina chi Dachi Akõred̶e ijãabadaurãba maarã bed̶ea ijãad̶aabasii.

Juan 12:26

Barikia mʉ baita bari trajabarii ba kʉ̃ria b̶uubʉrã, mʉ baara nibai b̶uu. Mʉ wãaruumaa, mʉ baita bari trajabarii sid̶a wãi. Barikiu mʉ baita bari trajabariibʉrã, mʉ Chachaba mau chi mechiu b̶ui.

Juan 21:22

Jesusba panausii: —Mʉʉba kʉ̃ria b̶uubʉrã ichi chokae b̶uai ab̶a mʉ waya neeruud̶aa ¿bichiba mau sakaima? Mʉʉba kʉ̃ria b̶uu bichi mʉ baara nibai.

Juan 5:25

Mʉʉba biawãra jaraaruu: chi ewari neei b̶uad̶a jãabae neesii. Id̶iid̶eeba biud̶a kĩra nureeba mʉ, Dachi Akõre Warr bed̶ea ũrid̶ai. Chi mʉʉd̶e ijãaduu chokae panad̶ai.

Juan 8:12

Mau maad̶akare Jesusba ẽbẽrarãmaa waya jarasii: —Mʉ nau iujãad̶e ʉ̃d̶aa kĩra nii. Barikia mʉ baara wãaruubʉrã pãriud̶e nibaabai, maumaarã ʉ̃d̶aad̶e b̶uud̶eeba chokae b̶uai uru b̶uai.

Juan 8:43

Mʉʉba jara b̶uu ¿sakãe machiba kauwa ʉ̃rid̶awẽa panuma? Machiba kauwa ʉ̃rid̶awẽa panuu, mʉ bed̶ea ũrid̶ai kʉ̃riad̶akaud̶eeba.

Hechos 3:23

Mauba jara b̶uu ab̶auba ijãawẽebʉrã, mau ẽbẽra ichi puurud̶ebena awara biui b̶uu”.

1 Corintios 8:3

Maamina ab̶auba Dachi Akõre kʉ̃ria b̶uubʉrã, Dachi Akõreba mau kuitaa b̶uu.

Gálatas 4:9

Maamina jãabae machiba Dachi Akõre unubadau. Mʉʉba arakʉd̶e jaraaruubʉrã, Dachi Akõreba machi unubarii. Maka ¿sakãe nau iujãad̶ebena jauri mechiurã waya ijãad̶ai kʉ̃ria panuma, chibari baita bari trajabadaurã kĩra? Mauba machi aid̶akau.

2 Timoteo 2:19

Maamina ẽbẽrarã Dachi Akõred̶erãba Cristod̶e ãrea ijãa panuu de jʉ̃rʉ kad̶aba de chaarea uru b̶uabarii kĩra. De poraamaa ne b̶ʉ nubadau kĩra, Dachi Akõreba naka jarasii: «Dachi Mechiuba joma ichid̶irã kuitaa b̶uu». Maud̶e jarasii: «Joma Dachi Mechiud̶e ijãa panuu abadaurãba kachirua ida b̶ud̶ai panuu».

Hebreos 3:7

Maud̶eeba Dachi Akõre Jauriba naka jara b̶uu: «Id̶i Dachi Akõre bed̶ea ũriiduud̶e machi sõ chaarearã́sturu machi nabẽrarã sõ chaareaped̶aad̶a kĩra. Maarã drua sirua wãꞌãe b̶uud̶e duanasid̶aud̶e Dachi Akõreba jarad̶a ida b̶usid̶au ichiba kãare waui kuitaad̶ayua.

Apocalipsis 14:4

Maarã ẽbẽrarã wẽra aud̶ua nureasii. Dachi Akõre baita maarã b̶aꞌãra bid̶a kachiruaswãe nureasii. Maarã chi Oeja Kaebe Nii baara chi wãaruumaa wãbadau. Dachi Akõreba nau iujãad̶ebena chi maarã ichi baita karibakuasii, ichi baita maud̶e chi Oeja Kaebe Nii baita bid̶a panad̶amera chi nabena chaud̶a ichimaa dearuu kĩra.

Apocalipsis 3:20

¡Ũrísturu! Mʉ poraad̶e b̶uma. Awareeba iu b̶uma machiba mʉ deed̶aa ida neebid̶amera. Barikiuba mʉ mimi ũriped̶a chi poraa ewaaruubʉrã, mʉ ed̶a wãped̶a mau baara koi.