Juan 10:15 - Emberá Chamí

¹⁵ Ara mau kĩra mʉ Chachaba mʉ kuitaa b̶uu maud̶e mʉʉba mʉ Chacha kuitaa b̶uu. Mʉ michi oeja kakua biui b̶uu.

Juan 10:15 Iomraidhean Croise

Mateo 11:27

»Mʉ Chachaba mʉʉmaa ara ichi ʉ̃rʉbena joma kuitaabisii. Ab̶au bid̶a adua panuu mʉ, chi Warr saka nii; ab̶a mʉ Chacháburu kuitaa b̶uu. Ara mau kĩra ab̶au bid̶a adua panuu mʉ Chacha saka nii; ab̶aburu mʉ, chi Wárrburu kuitaa b̶uu. Mʉʉba ab̶aumaa mʉ Chacha kuitaabiiruubʉrã, mau ẽbẽraba kuitaai.

Mateo 20:28

Ara mau kĩra mʉ, chi Ẽbẽra Ba B̶uad̶a neewẽa b̶uu ẽbẽrarã mʉ baita bari trajabadaurã nuread̶amera. Maumaarã nee b̶uu ẽbẽrarã baita bari trajabarii b̶uai baita. Maka mʉ biui ãrea ẽbẽrarã karibai baita.

Lucas 10:21

Maka berrea panuud̶e Jesús Dachi Akõre Jaurid̶eeba ãrea kĩrajʉʉ nub̶eesii. Maud̶eeba Dachi Akõremaa naka jarasii: «Chacha, bichi bajãad̶ebena Mechiu maud̶e nau iujãad̶ebena Mechiu. Bichiba ne adua nureerãmaa mʉʉba jaradead̶a kuitaabiasiid̶eeba mʉʉba bichi bia jarai. Ne kuitaa nureerãmaa bichiba kuitaabiabasii. Maerã, Chacha, bichiba maka wausii maka waui kʉ̃ria b̶uasiid̶eeba.

Lucas 10:22

»Mʉ Chachaba mʉʉmaa ara ichi ʉ̃rʉbena joma kuitaabisii. Ab̶au bid̶a adua panuu mʉ, chi Warr saka nii; ab̶a mʉ Chacháburu kuitaa b̶uu. Ara mau kĩra ab̶au bid̶a adua panuu mʉ Chacha saka nii; ab̶aburu mʉ, chi Wárrburu kuitaa b̶uu. Mʉʉba ab̶aumaa mʉ Chacha kuitaabiiruubʉrã, mau ẽbẽraba kuitaai».

Juan 1:18

Ab̶au bid̶a Dachi Akõre unud̶akau. Maamina chi Warr ab̶aburu nii Dachi Akõred̶eeba maud̶e chi Akõre ome ãbua b̶uud̶eeba, dachimaa kuitaabiasii Dachi Akõre biawãra saka nii.

Juan 10:11

»Mʉ oeja nubarii bia niibʉ. Chi oeja nubarii bia nii ichi oeja kakua biui b̶uu.

Juan 15:13

Ẽbẽra ichi kõpaero karibai baita biuruubʉrã, ab̶au bid̶a mau audeara poyaa kʉ̃ria b̶uabai.

Juan 17:25

Chacha, bichi jipa nii. Nau iujãad̶ebenarãba bichi unud̶akau, maamina mʉʉba bichi unubarii. Maud̶e cha duanuu bid̶a kuitaa panuu bichiba mʉ bʉisii.

Juan 6:46

Mauba jarawẽa b̶uu ab̶aba Dachi Akõre unusii. Ab̶aburu mʉʉba Dachi Akõre unubarii ichimarebena neesiid̶eeba.

Juan 8:55

Maamina ichi unud̶akau. Maud̶e mʉʉba ichi unubarii. Ichi unukau ad̶a basirã mʉ machi kĩra seta id̶aa nibai basii. Maamina mʉʉba ichi kuitaa b̶uud̶eeba ichi bed̶ea wau b̶uu.

Gálatas 1:4

Ara mau Jesucristoba ichi dachi kachirua kakua ida beabisii nau ewari kachiruad̶ebena karibai baita. Maka wausii Dachi Bajãad̶ebena Akõreba maka kʉ̃riasiid̶eeba.

Gálatas 3:13

Moisesba b̶ʉd̶a kĩra wau panuwãed̶eeba, nebʉra barau ai. Maud̶ebena Jesucristoba dachi karibasii. Ichi Dachi Akõreba dachi kakua nebʉra baraabisii. Moisesba b̶ʉd̶ad̶e naka b̶ʉ kub̶uu: «Ab̶a bakurud̶e jira b̶eed̶a Dachi Akõreba mau nebʉra barau ai».

Efesios 5:2

Jomaurã kʉ̃riásturu Cristoba dachi kʉ̃ria b̶uu unubid̶a kĩra. Kʉ̃riad̶eeba dachi kakua ara ichi beabisii Dachi Akõremaa ãnimara baa dearuu kĩra. Dachi Akõreba mau biꞌia unusii.

Tito 2:14

Dachi baita Jesucristoba ara ichi ida beabisii ne joma kachiruad̶ebena karibai baita. Dachi ara ichi baita biꞌia b̶usii ichi puurud̶e panad̶amera maud̶e ne joma biꞌia wau kʉ̃ria panad̶amera.

1 Pedro 2:24

Cristoba dachi kachirua ichi ʉ̃rʉ cruzd̶e adoesii dachi kachiruad̶ebena biud̶aped̶a jipa nuread̶amera. Ichi kakua puꞌuasid̶aud̶eeba machi biꞌia paneesid̶au.

1 Pedro 3:18

Cristo jipa b̶umina kachirua kakua b̶es ab̶a biꞌiwãe b̶uasii. Mauba dachi chi jipawãe nuree Dachi Akõre ome biꞌia b̶usii. Ichi beasid̶au, maamina Dachi Akõre Jaurid̶eeba chokae jiradusii.

1 Juan 2:2

Ichi biusii Dachi Akõreba dachi kachirua perdonamera. Dachi kachirua báitaburu biubasii, maumaarã biusii joma nau iujãad̶e panuurã kachirua baita bid̶a.