Juan 10:13 - Emberá Chamí

¹³ Mau ẽbẽra miru wãbarii ab̶a chi nejarra kakúaburu oeja nubariid̶eeba. Ichiba kʉ̃risiakau oeja biꞌia panad̶amera.

Juan 10:13 Iomraidhean Croise

Juan 10:12

Maamina ab̶aba chi nejarra kakua oeja nu b̶uaruubʉrã, usa kachirua neeruud̶e oeja duanuiped̶a miru wãi. Oeja ichid̶iwãed̶eeba biawãra nukau. Maud̶e usa kachiruaba oeja ab̶a kaa adauruud̶e waabenarã jĩichoabadau.

Juan 10:14

»Mʉ oeja nubarii biabʉ. Mʉʉd̶erã kuitaa b̶uu, chi oeja nubariiba ichi oeja kuitaa b̶uu kĩra. Maud̶e maarãba mʉ kuitaa panuu.

Juan 12:6

Maamina ichiba maka jaraabasii chi nejarr barauwãe nuree aid̶ai kʉ̃risia b̶uasiid̶eeba, maumaarã maka jarasii nechiruabariid̶eeba. Ãchi chi nejarra nubadau ũabisa ichiba uru b̶uabachii maamina maud̶ebena chiruabachii.

Hechos 18:17

Maud̶e jomaurãba judiorã araa ãbua imibadau ded̶ebena chi karr Sóstenes jidaud̶aped̶a ara aria sĩsid̶au. Maamina Galionba mau ʉ̃rʉbena kʉ̃risiabasii.

1 Corintios 7:32

Mʉʉba kʉ̃ria b̶uu machi jirukaraad̶awẽa panad̶ayu, nau iujãa ʉ̃rʉbena. Chi mukĩra kimawãe b̶uuba biꞌia kʉ̃risia b̶uabarii Dachi Mechiuba kʉ̃ria b̶uu waui baita. Dachi Mechiu kĩrajʉʉbii kʉ̃ria b̶uu.

1 Corintios 7:33

Maamina chi mukĩra wẽra uru b̶uuba nau iujãad̶e ichi wẽra biꞌia uru b̶uai ãrea kʉ̃risia b̶uabarii. Ichi wẽra kĩrajʉʉbii kʉ̃ria b̶uu.

Filipenses 2:20

Nama mʉ baara ichi kĩra nii wãꞌãe. Ichiba machi biawãra aid̶a kʉ̃ria b̶uu.