Juan 1:45 - Emberá Chamí

⁴⁵ Maud̶e Felipeba Natanael jʉrʉd̶e wãsii. Unusiid̶e jarasii: —Moisesba b̶ʉd̶ad̶e jara b̶uu ẽbẽra daiba unusid̶au. Dachi Akõre baita berreabadaurãba mau ʉ̃rʉbena b̶ʉsid̶au. Ichi José warr Jesús Nazaretd̶ebena.

Juan 1:45 Iomraidhean Croise

Mateo 10:3

Felipe; Bartolomé; Tomás; Romad̶ebena baita chi nejarra pebarii b̶uad̶a Mateo; Alfeo warr Santiago; Tadeo;

Mateo 13:55

¿Ichi dachi puurud̶ebena bakuruba ne kaebea waubarii warrwãeka? Ichi nawe ¿Mariawãeka? Ichi ãbarã ¿Santiago, José, Simón maud̶e Judaswãeka?

Mateo 2:23

Aria baaruud̶e Nazaret puurud̶e b̶uad̶e wãsii. Joma makasii Dachi Akõre baita berreabadaurã jaraped̶aad̶a kĩra: “Ichi Nazaretd̶ebena ad̶ai”.

Mateo 21:11

Id̶iiduucha Jesús ome neeped̶aad̶arãba panausid̶au: —Jãu Jesusbʉ, Dachi Akõre baita berreabarii. Ichi Nazaret puurud̶ebena, Galilea druad̶ebenabʉ.

Marcos 14:67

Mau wẽraba Pedro tʉbʉchia jãkaa kãmaa b̶uu unusiid̶e, biꞌia ichiaped̶a maabae jarasii: —Bichi sid̶a Jesús Nazaretd̶ebena baara nibasii.

Marcos 6:3

¿Nau mukĩra bakuruba ne kaebea waubariiwãeka? ¿Nau María wauwãeka? ¿Santiago, José, Judas maud̶e Simón ichi ãbarãwãeka? ¿Ichi neekaurã sid̶a dachi tãed̶e panuuwãeka? Maarãba Jesusd̶e ijãad̶ai kʉ̃riad̶aabasii.

Lucas 18:37

Maud̶e waabenarãba jarasid̶au: —Jesús Nazaretd̶ebena naud̶e wãaruud̶eeba ãrea panuu.

Lucas 2:4

Mau ewarid̶e José Galilea druad̶e Nazaret puurud̶e b̶uabachii. Ichi nabẽra Davidd̶ebena neesiid̶eeba Judea druad̶e Belén puurud̶aa wãsii. Belén David adaud̶a puuru basii.

Lucas 2:48

Chi akõrerãba ichi unusid̶aud̶e kauwa kʉ̃risiad̶aabasii. Chi naweba ichimaa id̶isii: —Wau, ¿bichiba sakãe jãkasma? ¿Sakãe nama b̶eesma? Mʉ maud̶e bichi akõre omeeba ãrea kĩra nomaa panuud̶eeba bichi jʉrʉ panasid̶au.

Lucas 24:27

Maabae Dachi Akõre kartad̶e ichi ʉ̃rʉbena b̶ʉped̶aad̶a joma kuitaa jarasii. Moisesba b̶ʉd̶a maud̶e Dachi Akõre baita berreabadaurãba b̶ʉped̶aad̶a joma kuitaa jarasii.

Lucas 24:44

Mau maad̶akare ãchimaa jarasii: —Mʉ wabid̶a machi baara b̶uasiid̶e jara b̶uabachii mʉ ʉ̃rʉbena naa b̶ʉped̶aad̶a joma makai b̶uu. Mau Moisesba b̶ʉsii, Dachi Akõre baita berreabadaurãba b̶ʉsid̶au, maud̶e Salmos kartad̶e bid̶a b̶ʉ kub̶uu.

Lucas 3:23

Jesusba jaradea kob̶eesiid̶e 30 año nibasiika b̶uasii. Ẽbẽrarãmaarã, mau José warr basii. José Elí warr basii.

Lucas 4:22

Jomaurãba ichi ʉ̃rʉbena biꞌia berreasid̶au. Ichiba chi bia jaradea b̶uud̶eeba pera duanuu kĩra duaneesii. Ara ãchi du ab̶a jara duanasid̶au: —¿Nau José warrwãeka?

Juan 1:44

Mau Felipe Betsaida puurud̶ebena basii. Andrés maud̶e Pedro sid̶a arabena basii.

Juan 12:21

Maarã Felipemaa wãsid̶au. Mau Felipe Galilead̶e b̶uu puuru Betsaidad̶ebena basii. Ãchiba Felipemaa jarasid̶au: —Daiba Jesús unu kʉ̃ria panuu.

Juan 14:8

Maud̶e Felipeba ichimaa jarasii: —Dai Mechiu, Dachi Akõre daimaa unubiáse. Mauba biꞌia b̶uaika.

Juan 18:5

Ãchiba panausid̶au: —Jesús Nazaretd̶ebena. Jesusba jarasii: —Mʉʉbʉ. Maud̶e Judas, chi Jesús jidaubii b̶uu ãchi baara nibasii.

Juan 18:7

Maabae Jesusba waya id̶isii: —¿Kai jʉrʉ panuma? Ãchiba waya panausid̶au: —Jesús Nazaretd̶ebena.

Juan 19:19

Mau awara Pilatoba bed̶ea b̶ʉd̶a Jesús boro ʉ̃rʉed̶e nub̶ubisii. Naka b̶ʉsii: «Jesús Nazaretd̶ebena, judiorã Reybʉ».

Juan 21:2

Mau ewarid̶e ãbua panasid̶au, Simón Pedro, Tomás chi Mikisu abadau, Natanael Caná puuru Galilead̶ebena, Zebedeo warrarã, maud̶e maucha ome.

Juan 6:42

Naka jarasid̶au: —¿Nau Jesús, José warrwãeka? Chi akõre, chi nawe dachiba unubadau. ¿Ichiba sakãe bajãad̶ebena neesii a b̶uma?

Juan 6:5

Maud̶e Jesusba ẽbẽrarã ãrea ichimaa needuu unusiid̶e, Felipemaa naka id̶isii: —Pan ¿sama nedod̶aima joma naarã ẽbẽrarã kobiad̶ai baita?

Juan 6:7

Felipeba panausii: —Ab̶a año baidia trajad̶a bare paaped̶aad̶aba poyaa pan nedod̶aabai b̶uu, ẽbẽrarã ab̶aab̶aamaa b̶aꞌãra bid̶a kobiad̶ai baita.

Hechos 10:38

Mau ewarid̶e Dachi Akõreba ichi Jauri maud̶e ichi poyaabarii Jesús Nazaretd̶ebenamaa deasii. Dachi Akõre ichi ome b̶uasiid̶eeba Jesusba ne bia wau nibasii maud̶e ẽbẽrarã jʉbawãe niiba kachirua uru panuu joma aribiabiabachii.

Hechos 2:22

»Machi Israeld̶ebenarã, nau bed̶ea ũrísturu: Dachi Akõreba Jesús Nazaretd̶ebenamaa ẽbẽrarãba ne poyaa waud̶akau mechiu machi tãed̶e waubisii. Maka wau b̶uud̶eeba Jesusba kuitaabiasii Dachi Akõre ichi ome b̶uu. Mau machiba biꞌia kuitaa panuu.

Hechos 22:8

Mʉʉba id̶isii: “Mʉ Mechiu, ¿bichi kaima?” Ichiba panausii: “Mʉ Jesús Nazaretd̶ebenabʉ, chi bichiba wãraa b̶uu”.

Hechos 26:9

»Mʉʉba naed̶e kʉ̃risia b̶uasii ne joma waui b̶uu ẽbẽrarãba Jesús Nazaretd̶ebena ijãarãad̶amera.

Hechos 3:6

Pedroba jarasii: —Mʉ chi nejarra maud̶e nee wãꞌãe, maamina chi mʉʉba uru b̶uu bichimaa dearuu: ¡Jesucristo Nazaretd̶ebena trʉ̃d̶eeba jiraduped̶a nibad̶ease!