Juan 1:44 - Emberá Chamí

⁴⁴ Mau Felipe Betsaida puurud̶ebena basii. Andrés maud̶e Pedro sid̶a arabena basii.

Juan 1:44 Iomraidhean Croise

Mateo 10:3

Felipe; Bartolomé; Tomás; Romad̶ebena baita chi nejarra pebarii b̶uad̶a Mateo; Alfeo warr Santiago; Tadeo;

Mateo 11:21

Naka jarasii: —¡Corazín puurud̶ebenarã maud̶e Betsaidad̶ebenarã miichuburi nuree Dachi Akõreba kastikaid̶eeba! Mʉʉba machi tãed̶e ẽbẽrarãba ne poyaa waud̶akau ãrea wausii. Mʉʉba maka waud̶a basirã Tirod̶e maud̶e Sidond̶e, mau puurud̶ebenarãba isa ãchi kachirua ida b̶ud̶aped̶a Dachi Akõred̶e ijãad̶ai basii. Maud̶eeba paru parr jʉ̃d̶ai basii maud̶e etab̶arr jora boro ʉ̃rʉ kuikuad̶ai basii.

Marcos 3:18

Naarã sid̶a duanusii: Andrés, Felipe, Bartolomé, Mateo, Tomás, Alfeo warr Santiago, Tadeo maud̶e Simón Cananeo.

Marcos 6:45

Mau maad̶akare Jesusba ichi baara nibabadaurã jãbad̶e wãbiasii ichi naa kĩaraa wãd̶aped̶a Betsaida puurud̶aa wãd̶amera. Maud̶e ichi b̶eesii ẽbẽrarã ãchi deed̶aa wãbiai baita.

Marcos 8:22

Betsaida puurud̶e neesid̶aud̶e waabenarãba ẽbẽra dau pãriu nii Jesusmaa adoed̶aped̶a chi chuburia id̶isid̶au aribiabimera.

Lucas 10:13

»¡Corazín puurud̶ebenarã maud̶e Betsaidad̶ebenarã miichuburi nuree Dachi Akõreba kastikaid̶eeba! Mʉʉba machi tãed̶e ẽbẽrarãba ne poyaa waud̶akau ãrea wausii. Mʉʉba maka waud̶a basirã Tirod̶e maud̶e Sidond̶e, mau puurud̶ebenarãba isa ãchi kachirua ida b̶ud̶aped̶a Dachi Akõred̶e ijãad̶ai basii. Maud̶eeba etab̶arr jora machi boro ʉ̃rʉ kuikuad̶ai basii maud̶e kĩra nomaaba paru parr jʉ̃d̶ai basii.

Lucas 6:14

Ãchi trʉ̃ nau: Simón (maud̶e Pedro abadau), chi ãba Andrés, Santiago, Juan, Felipe, Bartolomé,

Lucas 9:10

Jesusba bʉid̶arã waya neesid̶aud̶e ãchiba wauped̶aad̶a joma nebʉrʉsid̶au. Mau maad̶akare Jesusba ãchi Betsaida puurud̶aa adoesii ãbua panad̶aud̶ai baita.

Juan 1:43

Norema Jesusba Galilea druad̶aa wãi kʉ̃risiasii. Maud̶eeba Felipe jʉrʉsii. Unuped̶a jarasii: —Mʉʉba kʉ̃ria b̶uu bichi mʉ baara nibai.

Juan 1:45

Maud̶e Felipeba Natanael jʉrʉd̶e wãsii. Unusiid̶e jarasii: —Moisesba b̶ʉd̶ad̶e jara b̶uu ẽbẽra daiba unusid̶au. Dachi Akõre baita berreabadaurãba mau ʉ̃rʉbena b̶ʉsid̶au. Ichi José warr Jesús Nazaretd̶ebena.

Juan 1:46

Natanaelba Felipemaa jarasii: —¿Makarã Nazaretd̶ebena ne biꞌia neeika? Felipeba jarasii: —Wãd̶a ichiad̶e.

Juan 1:48

Natanaelba Jesús unuka basiid̶eeba id̶isii: —Bichiba mʉ ʉ̃rʉbena ¿saka kuitaa b̶uma? Jesusba panausii: —Felipeba bichi jʉrʉd̶e wãi naed̶e mʉʉba kuitaa b̶uasii bichi higo bakuru ekare b̶uu.

Juan 12:21

Maarã Felipemaa wãsid̶au. Mau Felipe Galilead̶e b̶uu puuru Betsaidad̶ebena basii. Ãchiba Felipemaa jarasid̶au: —Daiba Jesús unu kʉ̃ria panuu.

Juan 12:22

Maud̶eeba Felipeba Andresmaa jarad̶e wãsii. Maabae ãchiba Jesusmaa jarasid̶au.

Juan 6:5

Maud̶e Jesusba ẽbẽrarã ãrea ichimaa needuu unusiid̶e, Felipemaa naka id̶isii: —Pan ¿sama nedod̶aima joma naarã ẽbẽrarã kobiad̶ai baita?

Juan 6:7

Felipeba panausii: —Ab̶a año baidia trajad̶a bare paaped̶aad̶aba poyaa pan nedod̶aabai b̶uu, ẽbẽrarã ab̶aab̶aamaa b̶aꞌãra bid̶a kobiad̶ai baita.

Hechos 1:13

Jerusalend̶e need̶aped̶a de jã ʉtʉbenad̶e ãchi panabadaumaa wãsid̶au. Ãchi naarã basii: Pedro, Juan, Santiago, Andrés, Felipe, Tomás, Bartolomé, Mateo, Alfeo warr Santiago, Simón Celote maud̶e Santiago warr Judas.