Juan 1:31 - Emberá Chamí

³¹ Naed̶e mʉʉba adua b̶uasii jãu Jesús basii. Maamina Israeld̶ebenarã mʉʉba baniaba boro eakua b̶uu kuitaad̶amera kai Dachi Akõreba bʉid̶a».

Juan 1:31 Iomraidhean Croise

Mateo 3:13

Mau ewarid̶e Jesús Galilea druad̶ebena Jordán dod̶aa neesii Juanba ichi boro eamera.

Mateo 3:6

Ãchiba kachirua wauped̶aad̶a ichi daad̶e jarabachid̶au. Maabae Juanba ãchi Jordán dod̶e boro eakuabachii.

Lucas 1:17

Eliasba uru b̶uad̶a jauri maud̶e chi poyaabarii bichi warrba uru b̶uai. Maud̶eeba ichi Dachi Mechiu naa wãi chi akõrerã ãchi warrarã baara waya kĩrajʉʉ panabiai baita. Mau awara chi ijãad̶akau nuree sid̶a aid̶ai, jipa nureerãba kʉ̃risiabadau kĩra kʉ̃risiad̶amera. Maka aid̶ai puurud̶ebenarãba Dachi Mechiu biꞌia irsibid̶amera.

Juan 1:30

Ichi ʉ̃rʉbena mʉʉba naed̶e jara b̶uasii: “Chi mʉare neeruu mʉ audeara chi mechiu nii, mau mʉ naed̶e nibasiid̶eeba”.

Juan 1:32

Maud̶e jarasii: «Mʉʉba unusii Dachi Akõre Jauri bajãad̶ebena paloma kĩra neeped̶a Jesús baara b̶eeruu.

Juan 1:33

Ara mʉʉba mau unuka basii. Maamina mʉʉba boro eamera Dachi Akõreba bʉisiid̶e naka jarasii: “Bichiba unui mʉ Jauri ẽbẽra ʉ̃rʉ neeped̶a mau baara b̶eeruu. Unuuruud̶e bichiba kuitaai mauba ichi Jaurid̶eeba boro earuu”.

Juan 1:7

mau ʉ̃d̶aa ʉ̃rʉbena berreamera, ichid̶eeba jomaurãba ijãad̶amera.

Hechos 19:4

Maud̶e Pabloba jarasii: —Juanba jarabachii ẽbẽrarãba kachirua waubadau ida b̶ud̶aped̶a Dachi Akõremaa need̶amera. Maka wauduubʉrã ichiba boro eabachii. Mau awara jarabachii chi ichi kaad̶e neeruu ijãad̶amera. Mau Jesús basii.