Juan 1:14 - Emberá Chamí

¹⁴ Chi Bed̶ea ẽbẽra kakuad̶e b̶uaped̶a dachi tãed̶e nibabachii. Ichi sõbiad̶eeba dachi ãrea aid̶asii. Ichiba dachimaa arakʉd̶e kuitaabiasii Dachi Akõre biawãra saka nii. Maud̶e daiba ichi joma mechiu nii unusid̶au, Dachi Akõre Warr maka niid̶eeba.

Juan 1:14 Iomraidhean Croise

Mateo 1:16

Jacob José akõre basii. José María kima basii. María Jesús nawe basii. Ara mau Jesús Dachi Akõreba Dachi Karibabarii deai jarad̶a abadau.

Lucas 2:11

Id̶i David chi naweba adaud̶a puuru Belend̶e machi karibabarii adausii. Mau Cristobʉ, Dachi Mechiu.

Lucas 2:7

Kãibadau de bari wãꞌãed̶eeba ichi warr imina adaud̶a paruba bʉraped̶a ãnimara kobadaud̶e nub̶usii.

Lucas 9:32

Maka b̶uud̶e Pedro maud̶e waabenarã ãrea dapokea panasid̶amina kãi duaneed̶aabasii. Maud̶e Jesús ted̶echoa b̶uu maud̶e ẽbẽra ome ichi jãkaa panuu unusid̶au.

Juan 1:1

Arab̶aed̶eed̶e chi Bed̶ea b̶uasii. Mau Bed̶ea Dachi Akõre ome b̶uasii. Biawãra mau Dachi Akõre maka b̶uasii.

Juan 11:40

Maamina Jesusba jarasii: —¿Mʉʉba jaraabaska bichiba biawãra ijãaruubʉrã, Dachi Akõre chi mechiu nii unui?

Juan 14:6

Maud̶e Jesusba jarasii: —Mau o mʉʉbʉ. Mʉʉd̶eeba Dachi Akõre biawãra unu panuu maud̶e chokae b̶uai uru panuu. Mʉwãebʉrã ab̶a bid̶a mʉ Chachamaa poyaa neebai.

Juan 14:9

Maud̶e Jesusba jarasii: —Felipe, mʉ ãrea baaruu machi baara b̶uu. Bichiba mʉ ¿wabid̶a unuwẽa b̶uka? Chi mʉ unubariiba mʉ Chacha sid̶a unubarii. Bichiba ¿saka jara b̶uu “Dachi Akõre daimaa unubiáse”?

Juan 17:22

Bichiba mʉ adoesii dachi ãbua panad̶amera. Maka mʉ chi mechiu b̶usii. Ara mau kĩra mʉʉba ãchi chi mechiu b̶usii dachi ome chi kakua ab̶a nii kĩra panad̶amera.

Juan 17:24

»Chacha, bichiba nau iujãa waui naed̶e mʉ kʉ̃ria b̶uu. Maud̶eeba bajãad̶e mʉ chi mechiu b̶usii. Mʉʉba kʉ̃ria b̶uu joma bichiba mʉʉmaa dead̶arã aria mʉ baara nuread̶ai bichiba mʉ chi mechiu b̶ud̶a unud̶amera.

Juan 18:37

Maud̶eeba Pilatoba jarasii: —¿Maka b̶uubʉrã biawãra bichi ẽbẽrarã reyka? Jesusba panausii: —Maerã, bichiba maka jara kʉ̃ria b̶uubʉrã, mʉ ẽbẽrarã reybʉ. Maamina mʉ nau iujãad̶aa neesii biawãra bed̶ea jaradeai baita. Joma chi biawãrad̶e nureeba mʉ bed̶ea ijãabadau.

Juan 2:11

Mau ẽbẽrarãba ne poyaa waud̶akau naed̶e waud̶a Jesusba Caná puurud̶e Galilea druad̶e wausii. Maud̶ebena ichi chi Mechiu unubisii. Maka ichi baara nibabadaurãba ichi biawãra ijãasid̶au.

Juan 3:16

»Dachi Akõreba ẽbẽrarã ãrea kʉ̃riakua b̶uud̶eeba ichi Warr ab̶a nii nau iujãad̶aa bʉisii joma ichid̶e ijãaduu ichid̶ebena awara nurearãad̶amera, maumaarã ichi ome ewaricha chokae nuread̶amera.

Juan 3:18

Dachi Akõreba ichi Warrd̶e ijãa b̶uu kastikaabai. Maamina chi ichi Warrd̶e ijãawẽa b̶uu Dachi Akõreba kastikabarii, ichi Warr ab̶a nii ida b̶u b̶uud̶eeba.

Juan 6:51

Mʉ chi panbʉ, chi chokae b̶uabibarii, chi bajãad̶ebena need̶a. Barikiuba mau pan kooruubʉrã ewaricha chokae b̶uai. Chi mʉʉba dea b̶uu pan mʉ kakuabʉ. Mʉʉba mʉ kakua deai, mauba ẽbẽrarã chokae nuread̶amera.

Juan 8:32

Mʉʉd̶eeba machiba Dachi Akõre biawãra kuitaad̶ai. Mauba machi chi chibari baita bari trajabadaurã nuread̶a karibakuai.

Romanos 8:3

Moisesba b̶ʉd̶aba dachi kachiruad̶ebena poyaa enabiaibasii. Chi nau kakuaba wau kʉ̃ria b̶uud̶eeba nibabadaurãba mau Moisesba b̶ʉd̶a waud̶ai bad̶amaarã kachirua waubadau. Maamina Dachi Akõreba ichi Warr bʉisii dachi chi kachiruarã kĩra b̶uamera. Maud̶e dachiba kachirua wauped̶aad̶a kakua biusii. Maka chi dachi kakua kachirua wauped̶aad̶a Dachi Akõreba kastikasii.

Romanos 9:5

Ãchi nabẽraed̶ebenarã chi mechiurã nureasii. Ãchid̶ebena Cristo ẽbẽra kakuad̶e chi naweba adausii. Mau jomaurã Akõrebʉ. Ichimáburu dachiba ewaricha biꞌia berread̶ai panuu. Biꞌia b̶uu maka b̶uai.

1 Corintios 15:47

Chi nabena ẽbẽra Adán abadau ioro waud̶ad̶eeba, nau iujãad̶ebena basii. Chi mawãarebena ẽbẽra Jesucristo abadau bajãad̶ebenabʉ.

2 Corintios 12:9

Maamina ichiba jarasii: «Mʉ sõbiad̶eeba bichi aid̶ai joma dauchia jãadua b̶uamera. Bichi meserãaswãe b̶uud̶e mʉ jua aude meserãa b̶uu». Mʉ meserãaswãe b̶uud̶e Cristo poyaa b̶uabariid̶eeba mʉ meserãaswãe b̶uu ʉ̃rʉbena kĩrajʉʉba biꞌia berreai.

Gálatas 4:4

Maamina Dachi Akõreba jarad̶a ewari neesiid̶e ichi Warr nau iujãad̶aa bʉisii. Mau Warr wẽraba adausii maud̶e Moisesba b̶ʉd̶a waui b̶uasii.

Efesios 3:8

Joma ẽbẽrarã Dachi Akõred̶erã tãed̶e mʉ kaebeu nimina, ichi sõbiad̶eeba mʉ b̶usii judiowãerãmaa Cristo ʉ̃rʉbena ne bia chi wãꞌãekau jaradead̶e wãmera.

Colosenses 1:19

Dachi Akõreba kʉ̃riasii Cristo ara ichi kĩra b̶uai.

Colosenses 2:3

Ichiaburu Dachi Akõre kʉ̃risia kuitaad̶ai maud̶e ne ãrea kuitaad̶ai baita poyaa deai. Mau kʉ̃risia kuitaad̶ai maud̶e ne kuitaad̶ai ãrea biꞌia nuree.

Colosenses 2:9

Cristo ẽbẽra kakuad̶e biawãra Dachi Akõrebʉ.

1 Timoteo 3:16

Biawãra Dachi Akõreba mau bed̶ea kuitaabiad̶a ãrea biꞌia b̶uu: Cristo nau kakuad̶e neesii. Dachi Akõre Jauriba kuitaabiasii ichi jipa nii. Angelerãba ichi unusid̶au. Ãbarãba ichi ʉ̃rʉbena drua awarabenarãmaa jaradeasid̶au. Ãreaba nau iujãad̶e ichid̶e ijãasid̶au. Dachi Akõreba ichi bajãa bia b̶uud̶aa waya adoesii.

Hebreos 1:3

Ichi Warrba Dachi Akõre kĩrawãrea ted̶echoa unubiabarii. Ara ichid̶eeba Dachi Akõre saka nii kuitaabiabarii. Ichi bed̶ea poyaabarii b̶uuba joma waud̶a ichi juad̶e arakʉd̶e uru b̶uu. Ichiba dachi kachirua jeraaped̶a Dachi Akõre Mechiu jua biare bajãad̶e akʉ b̶eesii.

Hebreos 1:5

Dachi Akõreba ángel ab̶aumaa bid̶a naka jaraabasii: «Bichi mʉ Warrbʉ. Id̶i bichi mʉ Warr aaruu». Maud̶e jãarã ʉ̃rʉbena nau jaraabasii: «Mʉ ichi akõre bai, maud̶e ichi mʉ warr bai».

Hebreos 10:5

Maud̶eeba Cristo nau iujãad̶aa neesiid̶e ichiba Dachi Akõremaa naka jarasii: «Bichiba ãnimara bichimaa baa dead̶ai maud̶e ne kaebea dead̶ai kʉ̃riawẽa b̶uu. Maamina bichiba mʉʉmaa kakua deasii mau deamera.

Hebreos 2:11

Jesusba ẽbẽrarã biꞌia b̶ubarii Dachi Akõre baita. Ichiba, mau ẽbẽrarã bid̶a arab̶au Akõre uru panuu. Maud̶eeba Jesús kĩra nejasiakau ãchi ichi ãbarã ai baita.

Hebreos 5:5

Ara mau kĩra Cristo ara ichi du ab̶a Paare Mechiu b̶eebasii, maumaarã Dachi Akõréburu ichi maka b̶usii. Dachi Akõreba ichimaa naka jarasii: «Bichi mʉ warrbʉ. Id̶i bichi mʉ Warr aaruu».

1 Juan 4:14

Daiba ichi Warr unusid̶aud̶eeba jara panuu Dachi Bajãad̶ebena Akõreba mau biawãra bʉisii nau iujãad̶ebenarã karibamera.

1 Juan 4:9

Dachi Akõreba dachi kʉ̃ria b̶uu unubiasii ichi Warr ab̶a nii nau iujãad̶aa bʉisiid̶e ichid̶eeba ewaricha chokae nuread̶amera.

2 Juan 1:7

Chi nuree setaa kũruabadaurã nau iujãad̶e ãrea nibabadau. Maarãba ijãad̶akau Jesucristo nau kakuad̶e dachi kĩra neesii. Chi maka b̶uu waabenarã setaa kũruabarii maud̶e Cristo kĩramaabʉ.

Apocalipsis 19:13

Ichi paru oad̶e ũrad̶a b̶uu jʉ̃ nibasii. Ichi trʉ̃ «Dachi Akõre Bed̶ea» abadau.

Apocalipsis 21:3

Maabae mʉʉba ũrisii ab̶a Dachi Akõre rey ãkau b̶uareeba naka jĩwa berrearuu: «¡Ũrísturu! Id̶i Dachi Akõre ẽbẽrarã tãed̶e b̶uu. Ichi ãchi baara b̶uai. Maud̶e ãchi ichi puurud̶ebenarã nuread̶ai. Ichi ãchi Akõre bai maud̶e biawãra ichi ãchi baara b̶uabarii.