Hechos 8:3 - Emberá Chamí

³ Maud̶e Sauloba chi Jesusd̶e ijãabadaurã jʉrʉsii waa ijãarãad̶amera. Decha wãped̶a mukĩrarã maud̶e wẽrarã jidaukuaped̶a jʉ̃a b̶ubadaumaa errb̶ari adoebachii.

Hechos 8:3 Iomraidhean Croise

Hechos 16:19

Maud̶e chi ãwera chibarirãba kuitaasid̶au ichid̶eeba waa chi nejarra adaud̶aabai. Maud̶eeba Pablo maud̶e Silasba jidaud̶aped̶a puurud̶ebena karrarãmaa adoesid̶au.

Hechos 22:19

Mʉʉba naka panausii: “Maamina, mʉ Mechiu, ãchiba ãrea kuitaa panuu naed̶e mʉ judiorã araa ãbua imibadau decha wãped̶a chi bichid̶e ijãa nuree jidauped̶a sĩbachii maud̶e jʉ̃a b̶ubachii.

Hechos 7:58

Puuru awara adoed̶aped̶a mooba b̶ata kopaneesid̶au bead̶ayua. Chi ichi ʉ̃rʉbena jidea panaped̶aad̶aba ãchiba chi anab̶ari jʉ̃badau enad̶aped̶a kũudrãa kaita bʉikasid̶au numera. Mau kũudrãa Saulo abachid̶au.

Hechos 9:21

Joma mau ũriiduuba kuitaa kʉ̃risiad̶aabasii. Ãchiba naka id̶i duanasid̶au: «¿Nauwãeka chi Jerusalend̶e Jesusd̶e ijãabadaurã kenai baita wãraa b̶uad̶a? ¿Nama nee b̶uuwãeka ãchi paare mechiurãmaa jʉ̃a b̶uu adooi baita?»

1 Corintios 15:9

Biawãra chi Jesucristoba bʉid̶ad̶ebena mʉ chi aude kaebeu nii. Ẽbẽrarã Dachi Akõred̶erã kachirua waui baita wãraa b̶uasiid̶eeba biꞌia b̶uwãema ẽbẽrarãba mʉ ichiba bʉid̶a jarad̶ai.

Gálatas 1:13

Machiba ũrisid̶au mʉ saka nibasii judiorãba jaradeabadau joma wau b̶uasiid̶e. Machiba kuitaa panuu mʉʉba ẽbẽrarã Dachi Akõred̶erã ãrea kachirua waubachii. Joma perdonai kʉ̃ria b̶uasii.

Filipenses 3:6

Mau judiorã ley ãrea waubachiid̶eeba Cristod̶e ijãa nuree wãraabachii kachirua waui baita. Mau judiorã ley ãrea waubachiid̶eeba ab̶au bid̶a mʉ ʉ̃rʉbena kachirua jarad̶ayuswãe nii.

1 Timoteo 1:13

Naed̶e mʉʉba ichi ʉ̃rʉbena kachirua berreabachii maud̶e ichid̶irã kachirua waui baita wãraabachii. Waabenarãmaa kachirua berreabachii. Ichid̶e wabid̶a ijãawẽa b̶uasiid̶eeba maud̶e adua b̶uasiid̶eeba maka kachirua waubachii. Maamina ichiba mʉ kĩra chuburiasii.

Santiago 2:6

Maamina machiba chi mau chi nejarr barauwãe nii biꞌia nii ichiad̶akau. Mʉʉba id̶iiruu: ¿Kairãba machi kachirua waubadama? Chi maka waubadaurã ¿chi nejarra barau nureewãeka? ¿Maarãba machi juezrãmaa erta adoebadauwãeka?