Hechos 8:12 - Emberá Chamí

¹² Maamina Felipeba Jesucristod̶eeba Dachi Akõreba ichid̶irã ichi juad̶e ua b̶uu ʉ̃rʉbena ãchimaa jaradea b̶uabachii. Maud̶e ãrea mukĩrarãba maud̶e wẽrarãba chi bed̶ea bia ijãad̶aped̶a boro easid̶au.

Hechos 8:12 Iomraidhean Croise

Mateo 28:19

Maud̶eeba joma puuru b̶eecha wãd̶aped̶a jaradeásturu mʉ baara wãd̶amera. Maarã Dachi Akõre trʉ̃d̶eeba, chi Warr trʉ̃d̶eeba, Dachi Akõre Jauri trʉ̃d̶eeba boro eásturu.

Lucas 9:2

Maud̶e ãchi bʉikasii Dachi Akõreba ichid̶irã ichi juad̶e ua b̶uai ʉ̃rʉbena jarad̶e wãd̶amera maud̶e ẽpermo nuree aribiabiad̶amera.

Lucas 9:60

Jesusba ichimaa jarasii: —Chi biuped̶aad̶aba chi biud̶arã jau b̶ud̶ai panuu. Maamina bichiba ẽbẽrarãmaa jarad̶e wãse Dachi Akõreba ichid̶irã ichi juad̶e ua b̶uu ʉ̃rʉbena.

Hechos 1:3

Jesús biusiid̶e ãchimaa ara ichi b̶es ãrea unubiasii kuitaad̶amera ichi biawãra chokae jiradusii. Maud̶e ãchimaa jaradeabachii ichid̶eeba, Dachi Akõreba ichid̶irã ichi juad̶e ua b̶uu ʉ̃rʉbena. Cuarenta ewari maka wausii.

Hechos 11:20

Maka panuud̶e chi nuree Jesusd̶e ijãabadaurã Chipred̶ebena maud̶e Cirene puurud̶ebena Antioquiad̶e panad̶e wãsid̶au. Maarãba griegorãmaa chi bed̶ea bia Dachi Mechiu Jesús ʉ̃rʉbena jara kopaneesid̶au.

Hechos 18:8

Judiorã araa ãbua imibadau ded̶ebena chi karr Crispo abachid̶au. Mau Crispoba maud̶e joma ichi ded̶ebenarãba Dachi Mechiud̶e ijãasid̶au. Mau awara ãrea Corintod̶ebenarãba ũrisid̶au Pabloba Jesús ʉ̃rʉbena jaradea b̶uu. Chi ijãad̶aped̶a boro easid̶au.

Hechos 19:5

Mau ũrisid̶aud̶e Dachi Mechiu Jesús trʉ̃d̶eeba boro easid̶au.

Hechos 2:38

Maud̶e Pedroba panausii: —Kachirua ida b̶ud̶aped̶a Dachi Akõremaa nésturu. Jesucristo trʉ̃d̶eeba boro eásturu. Maud̶e machiba kachirua wauped̶aad̶a Dachi Akõreba perdonaped̶a ichi Jauri machimaa deai.

Hechos 2:41

Ãrea ẽbẽrarãba ichi bed̶ea ijãad̶aped̶a boro easid̶au. Mau ewarid̶e chi Jesusd̶e ijãaped̶aad̶a 3.000 panasid̶au.

Hechos 20:21

Judiorãmaa maud̶e judiowãerãmaa mʉʉba jarasii kachirua waubadau ida b̶ud̶aped̶a Dachi Akõremaa need̶amera maud̶e Dachi Mechiu Jesucristod̶e ijãad̶amera.

Hechos 20:25

»Dachi Akõreba ichid̶irã ichi juad̶e ua b̶uai ʉ̃rʉbena mʉʉba machimaa jara b̶uabachii. Maamina jãabae kuitaa b̶uu machiba mʉ waa unud̶aabai.

Hechos 28:31

Ichiba wapeawẽa berreabachii Dachi Mechiu Jesucristod̶eeba, Dachi Akõreba ichid̶irã ichi juad̶e ua b̶uu ʉ̃rʉbena. Maud̶e ab̶au bid̶a ichimaa makarã́bad̶e ad̶aka basii.

Hechos 5:14

Aude maucha Dachi Mechiud̶e ijãaduu ãrea neesid̶au, mukĩrarã maud̶e wẽrarã.

Hechos 8:4

Maamina Jerusalend̶ebena miru wãped̶aad̶aba ãchi wãaduucha chi bed̶ea bia Jesús ʉ̃rʉbena jarabachid̶au.

Romanos 10:10

Biawãra chi mauba sõd̶eeba ijãaruubʉrã, chi Dachi Akõre daad̶e jipa nuree baara b̶uai. Iiba Jesús jomaurã Mechiu aaruubʉrã Dachi Akõreba karibai.

1 Corintios 11:11

Maamina machiba Dachi Mechiud̶e ijãabadaud̶eeba wẽra chi mukĩra baita b̶uu maud̶e mukĩra chi wẽra baita b̶uu.

Gálatas 3:28

Mau jara b̶uu judio griego ome arab̶aud̶e panuu, chibari baita bari trajabarii chi chibariswãe nii ome arab̶aud̶e panuu, maud̶e mukĩra wẽra ome arab̶aud̶e panuu. Joma machi ẽbẽra ab̶a nii kĩra nureebʉ, Jesucristo ome ãbua nureed̶eeba.

1 Pedro 3:21

Mau baniaba nau ʉ̃raud̶e boro eabadau ʉ̃rʉbena jara b̶uu. Boro eaduud̶e Jesucristo chokae jiradusiid̶eeba dachi kariba b̶uu. Boro earuuba dachi kakua jayoa jeraakau, maumaarã maka waubadau dachi kʉ̃risia jipa b̶uuba, biawãra Dachi Akõre ome nibad̶ai kʉ̃ria panuud̶eeba.