Hechos 5:2 - Emberá Chamí

² Maamina Ananías chi wẽra ome bed̶ea deasid̶au chi nejarra joma deabai baita. Maka Ananiasba chi nejarrd̶ebena b̶aꞌãraburu chi Jesusba bʉid̶arãmaa deasii, maud̶e chi ʉ̃rʉ b̶eed̶a uru b̶eesii.

Hechos 5:2 Iomraidhean Croise

Mateo 23:5

»Ãchiba ne joma waubadau waabenarãba biꞌia unud̶amera. Dachi Akõre bed̶ea kartad̶e b̶ʉd̶a ũabisa kaebeud̶e ed̶a b̶ud̶aped̶a ãchi daub̶ʉʉrʉd̶e jʉ̃badau maud̶e juapotad̶e bid̶a jʉ̃badau. Maamina chi ũabisa jõparrea waubadau waabenarãba biꞌia unud̶amera. Maud̶e mau baita ãchiba paru id̶e kapipia deseroa b̶ee kaapirud̶aped̶a jʉ̃badau.

Juan 12:6

Maamina ichiba maka jaraabasii chi nejarr barauwãe nuree aid̶ai kʉ̃risia b̶uasiid̶eeba, maumaarã maka jarasii nechiruabariid̶eeba. Ãchi chi nejarra nubadau ũabisa ichiba uru b̶uabachii maamina maud̶ebena chiruabachii.

Hechos 2:44

Joma chi Jesusd̶e ijãa nuree ãbua biꞌia duanabachid̶au. Chi nureerãba ãchi drua maud̶e ne kaebea nedobʉid̶aped̶a chi nejarr barauwãe nureerãmaa ãchi nejarra deabachid̶au. Maka chi ãchiba uru panuuba chiya aid̶abachid̶au.

Hechos 4:37

Mau Bernabeba drua nedobʉiped̶a chi nejarra adoesii, chi Jesusba bʉid̶arãba dead̶akad̶amera.

Hechos 5:1

Maud̶e ẽbẽra Ananías abadau b̶uasii. Ichi wẽra Safira abachid̶au. Maarã bid̶a drua nedobʉisid̶au.

Hechos 5:3

Pedroba jarasii: —Ananías, ¿Sakãe Satanasba waubi b̶uu kĩra wausma? Bichiba Dachi Akõre Jaurimaa setaa jaraaruu. Bichi drua nedobʉid̶ad̶ebena chi nejarr b̶aꞌãra uru b̶eeruu.

Hechos 5:8

Pedroba maumaa id̶isii: —Mʉʉmaa jarase ¿Biawãraka machiba nau chi nejarr bare drua nedobʉisid̶au? Safiraba panausii: —Maerã, ara mau kĩra nedobʉisid̶au.

Filipenses 2:3

Waabenarã audeara biꞌia nuree kʉ̃risia panuud̶eeba ne ab̶a bid̶a waurã́sturu. Maud̶e waurã́sturu machi báitaburu biꞌia nuread̶ai baita. Maumaarã kʉ̃risiásturu waabenarã machi audeara biꞌia nuree.

1 Timoteo 6:10

Chi nejarra kʉ̃ria b̶uud̶eeba ne kachirua ãrea neebarii. Ara mau kʉ̃ria panuud̶eeba waabenarãba Cristod̶e ijãa panad̶a ida b̶usid̶au. Maka ãchi ãrea biꞌiwãe panasid̶au.