Hechos 5:16 - Emberá Chamí

¹⁶ Maud̶e Jerusalén kaita puurud̶ebenarãba ẽpermo nureerã ãrea eneebachid̶au maud̶e ãchi kakuad̶e jai kachirua nuree miru b̶ee sid̶a eneebachid̶au. Maabae maarã joma aribiabiabachid̶au.

Hechos 5:16 Iomraidhean Croise

Mateo 2:16

Herodesba kuitaasii pusterrea kuitaa jarabadaurãba ichi setaa kũruasid̶au. Maabae ãrea kĩruped̶a Belend̶ebena warrarã año ome baidia nuree joma kenabiasii. Ara kaitabena sid̶a kenabiasii. Maka wausii pusterrea kuitaa jarabadaurãba pusterrea unuped̶aad̶a ewari ichimaa jaraped̶aad̶ad̶eeba.

Mateo 4:24

Maud̶eeba ichi joma Siria druad̶ebenarãba trʉ̃ poasid̶au. Maud̶eeba ẽbẽrarãba joma barikiu ẽpermo nureerã eneebachid̶au, kakua puꞌua nuree, jai kachirua bara nuree, kakua wawaaduuba biꞌiwãe nuree maud̶e b̶akara suriidu nuree ichimaa eneebachid̶au. Jesusba ãchi joma aribiabibachii.

Mateo 8:16

Kiusiid̶e ẽbẽrarãba, ãrea ẽpermo nuree Jesusmaa eneesid̶au. Maud̶e Jesusba jaraaruuba chi jai kachiruarã joma duabʉikasii maud̶e ẽpermo nuree joma aribiabiasii.

Lucas 5:17

Earab̶a Jesusba jaradea b̶uud̶e fariseorã maud̶e Moisesba b̶ʉd̶a jaradeabadaurã aria sĩu panasid̶au. Ãchi Galilea druad̶ebena, Judea druad̶ebena maud̶e Jerusalén puurud̶ebena neeped̶aad̶a basii. Maud̶e Dachi Mechiu poyaad̶eeba Jesusba ẽpermo nuree aribiabiabachii.

Lucas 6:18

neesid̶au Jesusba jaradea b̶uu ũrid̶ai baita maud̶e ẽpermo nuree aribiabiamera. Mau awara Jesusba jai kachiruarã ẽbẽrarã kakuad̶ebena duabʉikasii.

Lucas 9:11

Maamina ẽbẽrarãba ichi aria b̶uu kuitaad̶aped̶a araa wãsid̶au. Maud̶e Jesusba ãchi biꞌia irsibiped̶a jaradea kob̶eesii Dachi Akõreba ichid̶irã ichi juad̶e ua b̶uai ʉ̃rʉbena. Mau bed̶ea bia jaradea b̶uud̶e chi ẽpermo nuree aribiabiasii.

Juan 14:12

Mʉʉba biawãra jaraaruu: barikiuba mʉʉd̶e ijãa b̶uubʉrã, mʉʉba wau b̶uu ichiba waui. Biawãra mʉʉba wau b̶uu audeara ichiba waui, mʉ, mʉ Chachamaa b̶uad̶e wãid̶eeba.

Hechos 4:30

Bichi poyaabarii sid̶a dease chi ẽpermo nuree aribiabiad̶ai baita maud̶e bichi baita bari trajabarii jipa nii Jesús trʉ̃d̶eeba ẽbẽrarãba ne poyaa waud̶akau waud̶ai baita».

Hechos 5:15

Jesusba bʉid̶arãba ẽbẽrarãba ne poyaa waud̶akau ãrea wau panuud̶eeba ẽbẽrarãba ãchi ẽpermo nureerã od̶e jira adoebadaud̶e adoebachid̶au, Pedro wãaruu niid̶e, ichi jauriba ãchi ʉ̃rʉ borooruba aribiabimera.

Hechos 5:17

Chi paare mechiuba maud̶e saduceorã chi ichi baara duanad̶aba chi Jesusba bʉid̶arã jiwaa kopaneesid̶au.

1 Corintios 12:9

Dachi Akõre Jauri ara ab̶a niiba chi nureemaa dea b̶uu poyaa ãrea ijãa panad̶amera. Maud̶e Dachi Akõre Jauri ara ab̶a niiba chi nureemaa dea b̶uu ẽpermo nuree poyaa aribiabiad̶amera.

Santiago 5:16

Mau baita machiba kachirua wauped̶aad̶a chiya jarásturu. Maud̶e ãbua Dachi Akõremaa ʉtaa id̶ísturu biꞌia duanad̶ai baita. Ẽbẽra jipa b̶uuba Dachi Akõremaa ʉtaa id̶iiruubʉrã Dachi Akõre poyaabariid̶eeba ne aribia waubarii.