Hechos 5:15 - Emberá Chamí

¹⁵ Jesusba bʉid̶arãba ẽbẽrarãba ne poyaa waud̶akau ãrea wau panuud̶eeba ẽbẽrarãba ãchi ẽpermo nureerã od̶e jira adoebadaud̶e adoebachid̶au, Pedro wãaruu niid̶e, ichi jauriba ãchi ʉ̃rʉ borooruba aribiabimera.

Hechos 5:15 Iomraidhean Croise

Mateo 14:36

Ãchiba ichimaa chi chuburia id̶isid̶au ichiba ichi anab̶ari jʉ̃barii id̶e waubiamera. Joma ẽpermo nureeba mau wauduud̶e aribiabachid̶au.

Mateo 9:21

Maka wausii kʉ̃risiaped̶a mau anab̶ari jʉ̃barii wauruuba ichi aribia b̶eei.

Marcos 6:55

Maud̶eeba puurucha pira wãsid̶au chi ẽpermo nuree Jesusmaa adoed̶amera. Ẽbẽrarãba Jesús sama b̶uu ũriiduud̶e chi ẽpermo nuree chi jira adoebadaud̶e araa adoebachid̶au.

Juan 14:12

Mʉʉba biawãra jaraaruu: barikiuba mʉʉd̶e ijãa b̶uubʉrã, mʉʉba wau b̶uu ichiba waui. Biawãra mʉʉba wau b̶uu audeara ichiba waui, mʉ, mʉ Chachamaa b̶uad̶e wãid̶eeba.

Hechos 28:9

Maud̶eeba waabenarã ẽpermo nuree neeped̶aad̶a Pabloba aribiabiasii.

Hechos 5:16

Maud̶e Jerusalén kaita puurud̶ebenarãba ẽpermo nureerã ãrea eneebachid̶au maud̶e ãchi kakuad̶e jai kachirua nuree miru b̶ee sid̶a eneebachid̶au. Maabae maarã joma aribiabiabachid̶au.