Hechos 4:6 - Emberá Chamí

⁶ Paare mechiu Ana aria b̶uasii. Maud̶e ichi ded̶ebenarã ãrea panasid̶au: Caifás, Juan, Alejandro maud̶e ichi ded̶ebenarã.

Hechos 4:6 Iomraidhean Croise

Mateo 26:3

Maumisa paare mechiurã, Moisesba b̶ʉd̶a jaradeabadaurã maud̶e paare mechiurã Caifás de mechiud̶e ãbua panasid̶au. Mau Caifás paarerã jaradea ua b̶uabarii mechiu basii.

Lucas 3:2

Anás maud̶e Caifás paarerã chi mechiurã basii. Mau ewarid̶e drua sirua wãꞌãe b̶uud̶e Dachi Akõreba Juan Zacarías warrmaa berreasii.

Juan 11:49

Aria ab̶a Caifás abadau b̶uasii. Mau nau añod̶e paare mechiu basii. Mau Caifasba jarasii: —¡Machi kʉ̃risiaswãe nuree!

Juan 18:24

Maabae Anasba Jesús jua jʉ̃ b̶uu Caifasmaa bʉisii, ichi paarerã mechiu basiid̶eeba.

Hechos 4:7

Ãchiba Pedro maud̶e Juan adoebisid̶au. Ãchi daad̶e akʉ nub̶ud̶aped̶a naka id̶isid̶au: —Jãu ẽbẽra jʉ̃rʉ bʉʉ nibad̶a machiba ¿kai poyaad̶eeba aribiabisid̶ama? ¿Kai trʉ̃d̶eeba jãka wau panuma?

Hechos 5:21

Maka ũrid̶aped̶a norema daped̶e maarã Dachi Akõre de mechiud̶e ed̶a wãsid̶au maabae jaradea kopaneesid̶au. Maumisa mau paare mechiuba maud̶e ichi baara panad̶aba iud̶e bʉisid̶au joma chi Israeld̶ebenarã chõrarã araa ãbua imid̶amera maud̶e berread̶amera. Maabae chi Jesusba bʉid̶arã chi ẽbẽra jʉ̃abadaumarebena adaubiasid̶au.