Hechos 4:13 - Emberá Chamí

¹³ Chi karrarãba Pedro maud̶e Juan wapeawẽa berrea panuu unusid̶aud̶e kuitaa kʉ̃risiad̶aabasii. Ãchiba kuitaa panasid̶au Pedro maud̶e Juan ãrea karta adua nuree. Mau awara kuitaasid̶au ãchi Jesús baara nibabachid̶au.

Hechos 4:13 Iomraidhean Croise

Mateo 11:25

Mau ewarid̶e Jesusba jarasii: «Chacha, bichi bajãad̶ebena Mechiu maud̶e nau iujãad̶ebena Mechiu. Bichiba chi ne adua nureerãmaa mʉʉba jaradead̶a kuitaabiasiid̶eeba mʉʉba bichi bia jarai. Ne kuitaa nureerãmaa bichiba kuitaabiabasii.

Mateo 26:71

Maabae Pedro, de dud̶abena poraamaa wãsii. Maud̶e june wẽra trajabariiba mau unuped̶a aria panuurãmaa jarasii: —Nau Jesús Nazaretd̶ebena baara nibasii.

Mateo 26:73

Kãꞌãabariwãed̶e chi aria panuuba Pedromaa wãd̶aped̶a jarasid̶au: —Biawãra bichi maarãd̶ebenabʉ. Bichiba poyaa merawẽe, Galilead̶ebena kĩra berrea niid̶eeba.

Lucas 22:8

Maud̶eeba Jesusba Pedro maud̶e Juan bʉisiid̶e, naka jarasii: —Dachi Pascua ewarid̶e chi kobadau joma waud̶e wã́sturu.

Juan 19:26

Jesusba ichi nawe unusiid̶e maud̶e ichi baara nibabarii «ichiba ãrea kʉ̃ria b̶uu» abadau. Mau ara jãma b̶uasii. Maud̶e Jesusba ichi nawemaa jarasii: —Dana, nau bichi warrbʉ.

Juan 7:15

Maka b̶uud̶e judiorã aria duanuu kʉ̃risia bia baraa bara b̶eesii maabae id̶isid̶au: «¿Sakaburu nau ẽbẽraba ãrea kuitaa nima, Dachi Akõre bed̶ea kawad̶awãe niikaud̶e waabenarã kĩra?»

Juan 7:49

Chi ichid̶e ijãa nureeba Moisesba b̶ʉd̶a adua nuree. Dachi Akõreba ãchi kastikai.

Hechos 4:14

Mau awara chi ẽbẽra aribiabid̶a ãchi baara b̶uud̶eeba ãchi ʉ̃rʉbena poyaa kachirua jarad̶aabasii.

Hechos 4:19

Maamina Pedroba maud̶e Juanba jarasid̶au: —Biꞌia kʉ̃risiásturu. ¿Biꞌia b̶uka Dachi Akõred̶e ijãad̶ai maebʉrã chi machiba jara panuu ijãad̶ai? Daimaarã biꞌia b̶uu Dachi Akõred̶e ijãad̶ai.

Hechos 4:29

»Jãabae Dai Mechiu, ichiáse chi daimaa kachirua waud̶ai berrea panuurãmaa maud̶e bichi bed̶ea daimaa aude wapeawẽa jaradeabiáse.

Hechos 4:31

Dachi Akõremaa ʉtaa id̶id̶ai ida b̶usid̶aud̶e chi panad̶amare de uri kob̶eesii. Maud̶e joma Dachi Akõre Jaurid̶eeba duaneesid̶au. Mauba Dachi Akõre bed̶ea wapead̶awẽa jara kopaneesid̶au.

Hechos 9:27

Maamina Bernabeba Saulo adoesii chi Jesusba bʉid̶arãmaa. Maabae ichiba nebʉrʉsii saka Sauloba Dachi Mechiu od̶e unusii, Dachi Mechiu ichi ome berread̶a maud̶e saka Sauloba Damasco puurud̶e Jesús ʉ̃rʉbena wapeawẽa berreabachii.

Hechos 9:28

Maka Saulo ãchi ome b̶eesii. Maud̶e Jerusalend̶e Dachi Mechiu Jesús ʉ̃rʉbena wapeawẽa berrea nibabachii.

1 Corintios 1:27

Maud̶eeba chi ne kuitaa nureerãmaarã machi ne adua nuree. Maamina Dachi Akõreba chi ne adua nuree jʉrʉ adausii chi ne kuitaa nuree kĩrakayad̶amera. Dachi Akõreba chi meserãaswãe nuree jʉrʉ adausii chi meserãa nuree kĩrakayad̶amera.

1 Corintios 14:25

Ichi sõd̶e mera uru b̶uad̶a biꞌia kuitaai. Maud̶e õdarrd̶e kob̶eeped̶a Dachi Akõremaa biꞌia berreai maud̶e «Dachi Akõre biawãra machi ome b̶uu» ai.

2 Corintios 3:12

Mau bed̶ea chiwid̶i dead̶a biawãra wãꞌãekau kuitaa panuud̶eeba daiba biꞌia jaradeabadau.