Hechos 3:2 - Emberá Chamí

² Aria Dachi Akõre de mechiud̶e ed̶a wãbadau Mipitaa ãrea b̶uu abadaud̶e, ẽbẽra chi naweba adaud̶ad̶eed̶ebena jʉ̃rʉ bʉʉ nii b̶uasii. Ẽbẽrarãba ichi ewaricha araa adoebachid̶au chi nejarra id̶ikamera chi aria wãaduurãmaa.

Hechos 3:2 Iomraidhean Croise

Lucas 16:20

Maud̶e ẽbẽra chi nejarr barauwãe nii Lázaro abadau b̶uasii. Lázaro chi nejarra barau nii de poraad̶e jeed̶a akʉ b̶uabachii. Mau chi kakua joma chau b̶uasii.

Lucas 18:35

Jesús Jericó puuru kaita neeruud̶e ẽbẽra dau pãriu nii o iikaa chi nejarra id̶ika akʉ b̶uasii.

Juan 9:8

Ichi de kaita duanuurãba maud̶e ichiba od̶e ne kaebea id̶ibachii unuped̶aad̶arãba jara duanasid̶au: «¿Nau mauwãeka, chi akʉ b̶eeped̶a ne kaebea id̶ibarii?»

Hechos 10:31

Mau ẽbẽraba mʉʉmaa jarasii: “Cornelio, bichiba ʉtaa id̶i b̶uad̶a Dachi Akõreba biꞌia ũrisii. Ichiba kĩraba b̶uu chi bichiba chi nejarr barauwãe nuree aid̶abarii.

Hechos 10:4

Cornelioba chi ángel kĩedarrmaa apii ichiaped̶a ãrea wapeaba id̶isii: —¿Kãare kʉ̃ria b̶uma? Maabae chi angelba jarasii: —Bichiba Dachi Akõremaa ʉtaa id̶ibarii maud̶e chi nejarr barauwãe nuree aid̶abarii ichiba biꞌia unu b̶uu ichimaa ne baa dearuu kĩra.

Hechos 14:8

Listra puurud̶e ẽbẽra chi naweba adaud̶ad̶eed̶ebena jʉ̃rʉ bʉʉ nii b̶uasii. Maka poyaa nibaka basii.

Hechos 3:10

kuitaasid̶au jãu ewaricha Dachi Akõre de mechiud̶e ed̶a wãbadau Mipitaa b̶uu abadaud̶e chi nejarra id̶iiruu akʉ b̶uabachii. Mau unusid̶aud̶e, kãare kʉ̃risiad̶ai adua basii.

Hechos 4:22

chi ẽbẽrarãba ne poyaa waud̶akauba aribiabisiid̶e, mau ẽbẽra 40 años wãyaa uru b̶uasiid̶eeba.