Hechos 3:16 - Emberá Chamí

¹⁶ Ara mau Jesús poyaabariiba nau ẽbẽra machiba unubadau aribiasii. Daiba ijãa panuu Jesusba chi ẽpermo nuree aribiabiabarii. Maka ijãa panuud̶eeba nau ẽbẽra biawãra aribiasii. Mau machiba arakʉd̶e unu panuu.

Hechos 3:16 Iomraidhean Croise

Mateo 14:29

Ara makʉd̶e Jesusba jarasii: —¡Neese! Ara makʉd̶e Pedro jãbad̶ebena ed̶aa wãped̶a Jesusmaa bania ʉ̃rʉ kãribasii.

Mateo 9:22

Jesusba waya ekarrnaa ichiaped̶a mau wẽra unusiid̶e naka jarasii: —Kau, kĩrajʉʉse. Bichiba biawãra ijãasiid̶eeba aribiasii. Ara makʉd̶e mau wẽra aribiasii.

Juan 14:12

Mʉʉba biawãra jaraaruu: barikiuba mʉʉd̶e ijãa b̶uubʉrã, mʉʉba wau b̶uu ichiba waui. Biawãra mʉʉba wau b̶uu audeara ichiba waui, mʉ, mʉ Chachamaa b̶uad̶e wãid̶eeba.

Juan 7:23

Moisesba b̶ʉd̶a waud̶ai baita machiba bari panabadau ewarid̶e wãwa chi kakua tõobadau. Mau machi ¿sakãe mʉ ome kĩru panuma bari panabadau ewarid̶e ẽbẽra aribiabid̶a kakua?

Hechos 14:9

Mau ẽbẽraba ũri akʉ b̶uasii Pabloba Jesús ʉ̃rʉbena berreamaa b̶uu. Pabloba maumaa ichiaruud̶e kuitaasii ichiba biawãra ijãa b̶uu Jesusba ichi poyaa aribiabii.

Hechos 16:18

Ichiba ewari ãrea maka jĩwa b̶ia nibasiid̶eeba Pablo waa ũri kʉ̃riabasii. Ichimaa ichiaped̶a chi jai kachiruamaa jarasii: —Mʉʉba Jesucristo trʉ̃d̶eeba bichimaa jaraaruu: nau ãwerad̶ebena ãyaa wãse. Ara makʉd̶e chi jai kachirua wãsii.

Hechos 3:6

Pedroba jarasii: —Mʉ chi nejarra maud̶e nee wãꞌãe, maamina chi mʉʉba uru b̶uu bichimaa dearuu: ¡Jesucristo Nazaretd̶ebena trʉ̃d̶eeba jiraduped̶a nibad̶ease!

Hechos 3:8

Ara makʉd̶e ʉtʉ jĩidruped̶a nibad̶easii. Kĩrajʉʉd̶eeba jĩidruped̶a Dachi Akõremaa biꞌia berreaped̶a ãchi baara Dachi Akõre de mechiud̶e ed̶a wãsii.

Hechos 4:10

Maka b̶uubʉrã daiba machi daad̶e jaraaduu machi joma israeld̶ebenarãba kuitaad̶amera. Nau ẽbẽra machi daad̶e ʉkʉ nub̶uu Jesucristo Nazaretd̶ebena poyaad̶eeba aribiabisii. Mau Jesucristo machiba cruzd̶e jirab̶u beasid̶au, maamina Dachi Akõreba ichi chokae jiradubisii.

Hechos 4:30

Bichi poyaabarii sid̶a dease chi ẽpermo nuree aribiabiad̶ai baita maud̶e bichi baita bari trajabarii jipa nii Jesús trʉ̃d̶eeba ẽbẽrarãba ne poyaa waud̶akau waud̶ai baita».

Hechos 4:7

Ãchiba Pedro maud̶e Juan adoebisid̶au. Ãchi daad̶e akʉ nub̶ud̶aped̶a naka id̶isid̶au: —Jãu ẽbẽra jʉ̃rʉ bʉʉ nibad̶a machiba ¿kai poyaad̶eeba aribiabisid̶ama? ¿Kai trʉ̃d̶eeba jãka wau panuma?

Romanos 3:22

Maka Dachi Akõreba waubarii ara ichiba jara b̶uu kĩra, Jesucristo dachi kakua biusiid̶e, ichi ũribaba nibad̶a unubiasiid̶eeba. Maka ichiba joma chi Jesusd̶e ijãaduurã chi ichid̶irã jipa nuree baara duanubarii. Ab̶a bid̶a kĩra awara unukau.

1 Corintios 13:2

Mʉ Dachi Akõre baita berrearuubʉrã, Dachi Akõreba kʉ̃risia kuitaabiwẽa b̶uad̶a joma kuitaa b̶uubʉrã, Dachi Akõre kʉ̃risia kuitaa joma kuitaa b̶uubʉrã, maud̶e sõd̶eeba biawãra ijãa b̶uud̶eeba ea poyaa ãyaa b̶uuruubʉrã, maud̶e waabenarã kʉ̃riawẽa b̶uubʉrã, mʉ baleswãe nii kĩra nii.