Hechos 26:7 - Emberá Chamí

^7-8 Biawãra joma Israel 12 warrarãd̶ebena neeped̶aad̶arãba ijãa panuu Dachi Akõreba dachi chokae jiradubii. Maud̶eeba dachiba ãyadaa maud̶e ẽsabud̶e Dachi Akõremaa biꞌia berreabadau. Mʉ rey Agripa, mau ijãa b̶uu kakua waabena judiorãba mʉ jidea panuu. Maud̶e Pabloba chi judiorã aria nureerãmaa jarasii: —Dachi Akõreba dachi chokae jiradubii ijãa panuubʉrã ¿sakãe ijãad̶awẽa panuma ichiba biu b̶uad̶a ab̶a chokae jiradubid̶a?

Hechos 26:7 Iomraidhean Croise

Mateo 19:28

Jesusba panausii: —Mʉʉba biawãra jaraaruu: Dachi Akõreba ne joma chiwid̶i waui ewarid̶e mʉ, chi Ẽbẽra Ba B̶uad̶a mʉ rey ãkau biad̶e akʉ b̶eei. Maud̶e machi mʉ baara nibabadaurã 12 rey ãkaud̶e akʉ paneed̶ai Israeld̶ebena neeped̶aad̶a 12 puuru nebʉra ichiad̶ai baita.

Lucas 2:25

Mau ewarid̶e ẽbẽra Simeón abadau Jerusalend̶e b̶uasii. Mau Simeón jipa b̶uasii maud̶e Dachi Akõreba jara b̶uu biꞌia waubachii. Ichiba esed̶au b̶uasii Dachi Akõreba Israel puuru sõbiabii ewari. Dachi Akõre Jauri ichi ome b̶uasii.

Lucas 22:30

Mʉ puurud̶e machi mʉ ome kod̶ai. Machi rey ãkaud̶e akʉ paneed̶ai Israeld̶ebena neeped̶aad̶a 12 puuru nebʉra ichiad̶ai baita».

Hechos 20:31

Maud̶eeba kauwa panásturu. Kĩrabásturu mʉʉba año õbea ãyadaa maud̶e ẽsabud̶e jẽa b̶uuba machicha chi setaa jaradeabadaurã ʉ̃rʉbena kauwa nuread̶ai jara b̶uasii.

Hechos 24:15

Chi naarã judiorãba esed̶au panuu chi jipa nuree maud̶e chi jipawãe nuree biuped̶aad̶a Dachi Akõreba joma chokae jiradubiai. Mʉa bid̶a mau esed̶au b̶uu.

Hechos 26:2

—Rey Agripa, mʉ kĩrajʉʉ b̶uu id̶i bichi daad̶e berreai baita. Mʉʉba kuitaabii judiorãba jideadumina mʉ nebʉraswãe nii.

Hechos 26:3

Bichiba ãrea kuitaa b̶uu dachi judiorã saka nureabadau maud̶e kĩra awara berreabadau. Maud̶eeba chi chuburia id̶iiruu mʉ bed̶ea kakua ãkaawẽa ũrimera.

Hechos 28:20

Maud̶eeba mʉʉba machi unu kʉ̃ria b̶uasii machi ome berreai baita. Dachi Akõreba Dachi Karibabarii deai jarad̶a joma israeld̶ebenarãba esed̶au panuu. Ichi kakua mʉ naka kaenaba jʉ̃ b̶uu.

Filipenses 3:11

Maka kʉ̃ria b̶uu Dachi Akõreba mʉ chokae jiradubiid̶eeba.

1 Tesalonicenses 3:10

Ãsaed̶e, ẽsabud̶aa bid̶a daiba Dachi Akõremaa ʉtaa id̶ibadau machi ichiad̶e wãd̶ai baita. Maka machiba Cristo ʉ̃rʉbena wabid̶a adua panuu daiba poyaa jaradead̶ai joma aude ijãad̶amera.

1 Timoteo 5:5

Pẽdrãa biawãra ichi du ab̶a b̶uuba ãrea kuitaa b̶uu joma ichiba uru b̶uai b̶uu Dachi Akõréburu deai. Ãyadaa maud̶e ẽsabud̶e Dachi Akõremaa ʉtaa id̶ibarii karibamera.

Santiago 1:1

Mʉ Santiagobʉ, Dachi Akõre baita bari trajabarii maud̶e Dachi Mechiu Jesucristo baita bari trajabarii. Nau karta b̶ʉʉruu Israel 12 warrarãd̶ebena neeped̶aad̶arã druacha nuree baita. Mʉʉba kʉ̃ria b̶uu machi biꞌia panad̶ayu.