Hechos 26:2 - Emberá Chamí

² —Rey Agripa, mʉ kĩrajʉʉ b̶uu id̶i bichi daad̶e berreai baita. Mʉʉba kuitaabii judiorãba jideadumina mʉ nebʉraswãe nii.

Hechos 26:2 Iomraidhean Croise

Mateo 10:19

Machi jidau adoeduud̶e jirukaraarã́sturu saka berread̶ai. Chi jaradea ua b̶uabadaurã daad̶e panuud̶e Dachi Akõreba kuitaabiai kãare jarad̶ai.

Lucas 12:11

»Machi mʉʉd̶e ijãa panuu kakua judiorã araa ãbua imibadau deemaa adoeped̶aad̶akare, maebʉrã chi juezrã daad̶e maebʉrã chi jaradea ua b̶uabadaurãmaa jideai baita, jirukaraarã́sturu saka panaud̶ayu maebʉrã kãare jarad̶ayu.

Lucas 21:12

»Maamina joma makai naed̶e machi wãraad̶ai biꞌiwãe paneebiad̶ai baita. Chi nuree jidaud̶aped̶a judiorã araa ãbua imibadau ded̶e adoed̶ai. Maabae machi nebʉra ichiad̶aped̶a chi jʉ̃abadau ded̶e jʉ̃akuad̶ai. Mʉʉd̶e ijãa panuu kakua ãchiba machi chi jaradea ua b̶uabadaurã maud̶e chi reyrã daad̶e adoed̶ai.

Hechos 25:26

Maamina mʉʉba biawãra kuitaawẽe kãare b̶ʉi ichi nebʉra ʉ̃rʉbena, chi aude mechiuba mau kuitaamera. Maud̶eeba ichi machi daad̶e eneebisii. Judiorã rey Agripa, mʉʉba kʉ̃ria b̶uu bichiaburu biꞌia ũrii. Maka machiba ichimaa ãrea id̶id̶aped̶a mʉʉba dachi aude mechiu baita ichiba kachirua waud̶a poyaa kartad̶e b̶ʉi.

Hechos 26:1

Maabae Agripaba Pablomaa jarasii: —Ara bichi kakua ida berreabiiruu. Ara makʉd̶e Pablo jua jiraped̶a berreasii:

Hechos 26:19

»Mʉ rey Agripa, Jesusba mau ewarid̶e mʉʉmaa jarad̶a joma wausii.

Hechos 26:26

Chi rey Agripaba mau ʉ̃rʉbena kuitaa b̶uu. Maud̶eeba mʉ ichi daad̶e wapeawẽa berrea b̶uu. Mʉʉmaarã ichiba Jesús ʉ̃rʉbena joma kuitaa b̶uu jomaurãba ãrea nebʉrʉbadaud̶eeba.

Hechos 26:3

Bichiba ãrea kuitaa b̶uu dachi judiorã saka nureabadau maud̶e kĩra awara berreabadau. Maud̶eeba chi chuburia id̶iiruu mʉ bed̶ea kakua ãkaawẽa ũrimera.

Hechos 26:7

Biawãra joma Israel 12 warrarãd̶ebena neeped̶aad̶arãba ijãa panuu Dachi Akõreba dachi chokae jiradubii. Maud̶eeba dachiba ãyadaa maud̶e ẽsabud̶e Dachi Akõremaa biꞌia berreabadau. Mʉ rey Agripa, mau ijãa b̶uu kakua waabena judiorãba mʉ jidea panuu. Maud̶e Pabloba chi judiorã aria nureerãmaa jarasii: —Dachi Akõreba dachi chokae jiradubii ijãa panuubʉrã ¿sakãe ijãad̶awẽa panuma ichiba biu b̶uad̶a ab̶a chokae jiradubid̶a?