Hechos 26:10 - Emberá Chamí

¹⁰ Mʉʉba Jerusalend̶e biawãra maka wausii. Paare mechiurãba ãchi trʉ̃d̶eeba mʉʉmaa ida Jesusd̶e ijãabadaurã ãrea jʉ̃a b̶ubisid̶au. Maud̶e mau ẽbẽrarã beabisid̶aud̶e mʉa bid̶a biꞌia b̶uu asii.

Hechos 26:10 Iomraidhean Croise

Hechos 7:58

Puuru awara adoed̶aped̶a mooba b̶ata kopaneesid̶au bead̶ayua. Chi ichi ʉ̃rʉbena jidea panaped̶aad̶aba ãchiba chi anab̶ari jʉ̃badau enad̶aped̶a kũudrãa kaita bʉikasid̶au numera. Mau kũudrãa Saulo abachid̶au.

Hechos 8:1

Sauloba Esteban beaped̶aad̶a biꞌia unusii. Maud̶e chi nuree Dachi Akõre kʉ̃riabadaurãba Esteban jau b̶ud̶aped̶a, ãrea jẽasid̶au. Mau ewarid̶e ẽbẽrarãba Jerusalend̶e Jesusd̶e ijãabadaurã ãrea kachirua wau paneesid̶au. Maud̶eeba Jesusd̶e ijãabadaurã joma Judea druad̶aa maud̶e Samaria druad̶aa miru wãsid̶au. Jesusba bʉid̶arã Jerusalend̶e paneesid̶au.

Hechos 8:3

Maud̶e Sauloba chi Jesusd̶e ijãabadaurã jʉrʉsii waa ijãarãad̶amera. Decha wãped̶a mukĩrarã maud̶e wẽrarã jidaukuaped̶a jʉ̃a b̶ubadaumaa errb̶ari adoebachii.

Hechos 9:21

Joma mau ũriiduuba kuitaa kʉ̃risiad̶aabasii. Ãchiba naka id̶i duanasid̶au: «¿Nauwãeka chi Jerusalend̶e Jesusd̶e ijãabadaurã kenai baita wãraa b̶uad̶a? ¿Nama nee b̶uuwãeka ãchi paare mechiurãmaa jʉ̃a b̶uu adooi baita?»

Hechos 9:26

Saulo waya Jerusalend̶aa wãsiid̶e chi Jesusd̶e ijãabadaurã ome b̶uai kʉ̃ria b̶uasii. Maamina ichi wapea panasid̶au. Ãchiba ijãad̶aabasii ichiba biawãra Jesusd̶e ijãa b̶uu.

Hechos 9:32

Mau ewarid̶e Pedro ẽbẽrarã Dachi Akõred̶erã ichia nibabachii joma mau druad̶e. Ewari ab̶a ãbarã Lida puurud̶e nuree ichiad̶e wãsii.

Hechos 9:41

Pedroba ichi juad̶e jidauped̶a jiradubisii. Maabae ãbarã maud̶e pẽdrãarã iukuaped̶a Dorcas chokae jiradud̶a unubiasii.

1 Corintios 15:9

Biawãra chi Jesucristoba bʉid̶ad̶ebena mʉ chi aude kaebeu nii. Ẽbẽrarã Dachi Akõred̶erã kachirua waui baita wãraa b̶uasiid̶eeba biꞌia b̶uwãema ẽbẽrarãba mʉ ichiba bʉid̶a jarad̶ai.

Gálatas 1:13

Machiba ũrisid̶au mʉ saka nibasii judiorãba jaradeabadau joma wau b̶uasiid̶e. Machiba kuitaa panuu mʉʉba ẽbẽrarã Dachi Akõred̶erã ãrea kachirua waubachii. Joma perdonai kʉ̃ria b̶uasii.

Efesios 1:1

Mʉ Pablobʉ. Dachi Akõreba kʉ̃riasiid̶eeba mʉ Jesucristoba bʉid̶abʉ. Mʉʉba nau karta b̶ʉmaa b̶uu joma Dachi Akõred̶erã ẽbẽrarã Jesucristod̶e ijãa nuree Éfeso puurud̶ebenarã baita.

Apocalipsis 17:6

Mʉʉba ichiasiid̶e kuitaasii mau wẽra ẽbẽrarã Dachi Akõred̶erã oaba itua biu b̶uasii, chi Jesusd̶e ijãabadaurã maud̶e chi ichi ʉ̃rʉbena jarabadaurã beaped̶aad̶a oaba. Mau wẽra unud̶akare kãare kʉ̃risiai adua basii.