Hechos 24:12 - Emberá Chamí

¹² Cha mʉ kachirua jara panuuba mʉ unud̶aabasii waabena ome kĩru berrea nub̶uu maebʉrã ẽbẽrarã kĩrubika b̶uu. Dachi Akõre de mechiud̶e, judiorã araa ãbua imibadau ded̶e, ne ab̶a bid̶a puurud̶e bid̶a mʉʉba maka wau b̶uu unud̶aabasii.

Hechos 24:12 Iomraidhean Croise

Marcos 9:14

Jesús, Pedro, Santiago maud̶e Juan waabenarã Jesús baara nibabadaurã panuumaa neesid̶au. Maud̶e unusid̶au ãrea ẽbẽrarã ãchimaa pĩchuka imi nub̶uu. Chi nuree Moisesba b̶ʉd̶a jaradeabadaurã ãchi ome kĩru berrea duanasid̶au.

Juan 18:21

¿Sakãe mʉʉmaa mau id̶i b̶uma? Mʉ bed̶ea ũriped̶aad̶amaa id̶iyase. Maarãba jarad̶aika, mʉʉba jarabarii kuitaa panuud̶eeba.

Hechos 24:18

Maka b̶uud̶e chi Dachi Akõre daad̶e biꞌia panad̶ai baita mʉʉba joma wausiid̶e, Dachi Akõre de mechiud̶e chi Asiad̶ebena judiorãba mʉ unusid̶au. Maamina ẽbẽrarã ãrea wãꞌãe basii maud̶e ẽbẽrarã kĩrubikad̶ai sid̶a wãꞌãe basii.

Hechos 24:5

Daiba kuitaa panuu nau ẽbẽraba nebʉra wau b̶uabarii. Ichiba joma nau druad̶e judiorã kĩrubika b̶uabiabarii. Ichi nazarenod̶ebenarã chi jaradea ua b̶uabariibʉ.

Hechos 25:8

Maud̶e Pabloba panausii: —Mʉʉba ab̶a bid̶a kachirua wauwẽa b̶uu. Moisesba b̶ʉd̶a ida b̶uwẽa b̶uu, Dachi Akõre de mechiu kachiruabiwẽa b̶uu maud̶e Romad̶ebena chi aude mechiu nii sid̶a ida b̶uwẽa b̶uu.

Hechos 28:17

Ewari õbea basiid̶e Pabloba Romad̶ebena judiorã chi mechiurã iubiasii. Joma imisid̶aud̶e Pabloba jarasii: —Ãbarã, mʉ ab̶au bid̶a dachi judiorãmaa biꞌiwãe wau b̶uasmina, maud̶e dachi nabẽraed̶ebenarãba waubadau kachirua berreawẽa b̶uasmina, mʉ Jerusalend̶e jʉ̃a b̶ud̶aped̶a, maabae romad̶ebenarã juad̶e b̶usid̶au.