Hechos 21:40 - Emberá Chamí

⁴⁰ Chi kokoroarã aude mechiuba ida berreabisii. Maabae Pablo jʉ̃rʉmetad̶e b̶ari nub̶uuba ichi juaba ẽbẽrarã chũpeabiasii. Chũpeabiasiid̶e hebreo bed̶ead̶e berreasii.

Hechos 21:40 Iomraidhean Croise

Hechos 12:17

Maamina Pedroba ichi juaba jarasii chũpead̶amera. Maabae joma nebʉrʉsii sakaburu Dachi Mechiuba ichi jʉ̃a b̶uad̶a aid̶asii. Joma nebʉrʉped̶a jarasii: —Joma mau Santiagomaa maud̶e waabena ãbarãmaa jarásturu. Maad̶akare Pedro ãyaa wãsii.

Hechos 26:14

Joma dai jeed̶a b̶aesid̶au. Maud̶e mʉʉba mimi ũrisii. Mau mimiba mʉʉmaa hebreo bed̶ead̶e naka jarasii: “Saulo, Saulo, ¿sakãe mʉ kachirua waui baita wãraa b̶uma? Chi subariimaa ʉ̃rʉ tʉaruud̶e, bichi ara du ab̶a puꞌuai”.

Hechos 22:2

Ichi hebreo bed̶ead̶e berrea b̶uu ũriped̶aad̶ad̶eeba ãchi chũpea duaneesid̶au. Maud̶e Pabloba jarasii:

Juan 5:2

Jerusalén puurud̶e ẽbẽrarã kuibadau wauped̶aad̶a nub̶uasii. Hebreo bed̶ead̶e Betzatá abadau. Mau kuibadau puurud̶e ed̶a wãbadau Oeja abadau kaita b̶uu. Chi kuibadau jãkaa de cheke jua ab̶a kob̶easii.

Hechos 21:35

Chi jʉ̃rʉmetamaa neesid̶aud̶e mamauba kokoroarãba Pablo jira adoesid̶au, judiorã ãrea kĩramaa panuud̶eeba.

Hechos 19:33

Maka panuud̶e judiorãba Alejandro jʉrʉ adausid̶au ichiba kãare jarai b̶uu a jarad̶ai baita. Maabae chi puuru daad̶e wãbisid̶au, ãchimaa berreamera. Maud̶e Alejandroba juaba chũpeabiasii ichi nebʉra ʉ̃rʉbena arakʉd̶e berreai kʉ̃ria b̶uasiid̶eeba.

Apocalipsis 9:11

Chi maarã sisi rey chi eakarr ed̶aa chob̶ead̶ebena angelbʉ. Ichi trʉ̃ hebreo bed̶ead̶e Abadón abadau maud̶e griego bed̶ead̶e Apolión.

Hechos 13:16

Maud̶e Pablo jiraduped̶a juaba jarasii joma chũpead̶amera. Maabae jarasii: —Israeld̶ebena maud̶e judiowãerã Dachi Akõre wapea nureerã, ũrísturu:

Hechos 6:1

Mau ewarid̶e chi Jesusd̶e ijãabadaurã maucha aude baraasii. Maud̶e chi griego bed̶ead̶e berreabadaurã judiorãba chi hebreo bed̶ead̶e berreabadaurã kachirua jara kopaneesid̶au. Jarasid̶au ãbarãba pẽdrãarã ewaricha aid̶aaduud̶e ãchi pẽdrãarã aid̶ad̶akau.

Juan 19:20

Mau bed̶ea hebreo bed̶ead̶e b̶ʉsii, latín bed̶ead̶e maud̶e griego bed̶ead̶e. Ãrea judiorãba mau bed̶ea unusid̶au, Jesús cruzd̶e jirab̶uped̶aad̶a puuru kaita b̶uud̶eeba.

Juan 19:17

Jesusba ichi cruz atauped̶a kokoroarãba ichi adoesid̶au drua “Boro B̶ʉʉrʉ” abadaumaa. Hebreo bed̶ead̶e Gólgota abadau.

Juan 19:13

Pilatoba mau ũrisiid̶e Jesús awara adoebisii. Maabae Pilato ichi juez ãkaud̶e akʉ b̶eesii, dud̶a Mo Kakayaa Waud̶a abadaumare. Hebreo bed̶ead̶e Gabatá abadau.

Lucas 23:38

Jesús boro ʉ̃rʉ cruzd̶e bed̶ea naka b̶ʉ nub̶usid̶au kuitaabiad̶ai baita ichi kãare kakua beaduu: «Nau judiorã Reybʉ».

Hechos 1:19

Joma Jerusalend̶ebenarãba mau kuitaasid̶aud̶e chi drua trʉ̃ jarasid̶au Acéldama. Mau trʉ̃ ãchi bed̶ead̶e jara b̶uu «Oa Drua»).