Hechos 20:3 - Emberá Chamí

³ Aria jed̶ako õbea b̶uasii. Pablo Siria druad̶aa jãbad̶e wãi baita kub̶ud̶e kuitaasii judiorãba ichi kachirua waud̶ai baita bed̶ea deasid̶au. Maud̶eeba Macedonia druad̶aa wãsii.

Hechos 20:3 Iomraidhean Croise

Mateo 4:24

Maud̶eeba ichi joma Siria druad̶ebenarãba trʉ̃ poasid̶au. Maud̶eeba ẽbẽrarãba joma barikiu ẽpermo nureerã eneebachid̶au, kakua puꞌua nuree, jai kachirua bara nuree, kakua wawaaduuba biꞌiwãe nuree maud̶e b̶akara suriidu nuree ichimaa eneebachid̶au. Jesusba ãchi joma aribiabibachii.

Hechos 16:12

Arabena Filiposd̶aa wãsid̶au. Mau drua Macedoniad̶ebena puuru mechiu basii. Mau puurud̶e Romad̶ebenarã ãrea panabachid̶au. Aria ewari b̶aꞌãra panasid̶au.

Hechos 16:9

Ẽsabud̶aa Dachi Akõreba Pablo daumaa unubisii ẽbẽra Macedonia druad̶ebena ʉkʉ nub̶uu. Mau ẽbẽraba Pablomaa naka chi chuburia id̶isii: «Macedoniad̶aa dai aid̶ad̶e neese».

Hechos 18:18

Pablo Corintod̶e ewari ãrea b̶eesii. Maabae chi ãbarãmaa wãaruu aped̶a, Siria druad̶aa wãsii Priscila maud̶e Aquila baara. Jãbad̶e ataui naed̶e Cencrea puurud̶e Pabloba ichi boro metabisii. Mau wausii unubiyua chi Dachi Akõremaa waui a jarad̶a ichiba mau joma waud̶a.

Hechos 19:21

Mau maad̶akare Pabloba ichi sõd̶e kʉ̃risiasii Macedonia druad̶e maud̶e Acaya druad̶e nibaped̶a Jerusalén puurud̶aa wãi. Maud̶e jarasii: «Jerusalend̶e b̶uaped̶a mʉ Roma puurud̶aa wãi b̶uu».

Hechos 20:1

Maka kĩrubika duanuu apiisid̶aud̶e Pabloba chi Jesusd̶e ijãa nuree iukuaped̶a ãchi ome berreasii Dachi Mechiud̶e biꞌia ijãad̶amera. Maabae wãaruu aped̶a Macedonia druad̶aa wãsii.

Hechos 20:19

Mʉʉba chi Dachi Akõreba waubi b̶uu wau b̶uasiid̶e chi aude mechiu nibai kʉ̃riabasii. B̶esed̶e jẽa b̶uabachii, judiorãba mʉ kachirua wau kʉ̃ria panasiid̶eeba.

Hechos 20:2

Joma mau druad̶e nibasiid̶e ãbarã aid̶abachii Dachi Mechiud̶e biꞌia ijãad̶amera. Maabae Grecia druad̶e neesii.

Hechos 21:3

Wãaduud̶e Chipre isla mechiu jua sordoare unusid̶au maamina Siria druare wãsid̶au, aria Tiro puurud̶e chi trajabadaurãba chi jãbad̶ebena chi ne adoeduu awara jirakuad̶ai panasid̶aud̶eeba.

Hechos 25:3

Chi chuburia id̶isid̶au Pablo Jerusalend̶aa adoebimera. Maka jarasid̶au Pablo od̶e bead̶ai kʉ̃risia panuud̶eeba.

2 Corintios 1:15

Machi biawãra kĩrajʉʉd̶ai mʉ kakua mʉʉba kʉ̃risia b̶uud̶eeba, naa mʉʉba kʉ̃risia b̶uasii b̶es ome machi ichiad̶e wãi ãrea aid̶ai baita.

2 Corintios 11:26

Mʉ od̶e wãaruud̶e, do che nub̶uud̶e nibabachii, maud̶e nechiruabadau baraumare nibabachii. Ara mʉ ẽbẽrarã judiorã tãed̶e maud̶e judiowãerã tãed̶e mʉ kachiruad̶e b̶uasii. Puurud̶e maud̶e puuru awara mʉ kachiruad̶e b̶uasii. Mard̶e bid̶a kachiruad̶e b̶uasii. Biawãra ãbarãwãe kakua mʉ kachiruad̶e b̶uasii.

2 Corintios 7:5

Macedonia druad̶e neesid̶aud̶e dai poyaa kʉrrjĩrud̶awẽa panasid̶au, maumaarã ne jomad̶e ãrea biꞌiwãe panasid̶au. Ẽbẽrarã dai ome oa kachirua berreabachid̶au maud̶e dai ne wapea nibabachid̶au.

Gálatas 1:21

Jerusalend̶aa wãsiid̶e mʉ Siria druad̶aa maud̶e Cilicia druad̶aa wãsii.