Hechos 2:5 - Emberá Chamí

⁵ Pentecostés ewarid̶eeba judiorã druachad̶ebena chi Dachi Akõre kʉ̃ria nuree Jerusalend̶e duanasid̶au.

Hechos 2:5 Iomraidhean Croise

Mateo 24:14

Maud̶e chi bed̶ea bia Dachi Akõreba ichid̶irã ichi juad̶e ua b̶uu ʉ̃rʉbena joma nau druad̶e jaradead̶ai puurucha ũrid̶amera. Mau maad̶akare nau ewari baribai.

Lucas 17:24

Bajãa puri chebibarii ʉ̃d̶aaruud̶e joma nau iujãa ʉ̃d̶aabarii. Ara mau kĩra mʉ, chi Ẽbẽra Ba B̶uad̶a neeruud̶e jomaurãba unud̶ai.

Lucas 2:25

Mau ewarid̶e ẽbẽra Simeón abadau Jerusalend̶e b̶uasii. Mau Simeón jipa b̶uasii maud̶e Dachi Akõreba jara b̶uu biꞌia waubachii. Ichiba esed̶au b̶uasii Dachi Akõreba Israel puuru sõbiabii ewari. Dachi Akõre Jauri ichi ome b̶uasii.

Lucas 24:18

Ab̶a Cleofás abadauba panausii: —Chi ẽbẽrarã ãrea Jerusalend̶e imiped̶aad̶ad̶ebena ¿ab̶a bichiaburu adua b̶uka nau ʉ̃raud̶e makad̶a?

Juan 12:20

Mau kĩrajʉʉ bara b̶uabarii ewari waumaa panuud̶e chi nuree griegorã Dachi Akõremaa biꞌia berread̶ai baita Jerusalend̶e neesid̶au.

Hechos 10:2

Mau Cornelio ichi ded̶ebenarã baara joma jipa nureasii. Dachi Akõre wapeadee panasid̶au. Cornelioba judiorã aid̶ai baita chi nejarra ãrea deabachii maud̶e Dachi Akõremaa ʉtaa id̶i b̶uabachii.

Hechos 10:7

Ángel ichi ome berreaped̶a wãsii. Wãsiid̶e Cornelioba chi ichi baita bari trajabadau ome maud̶e kokoroa ab̶a iusii. Mau kokoroaba Cornelio aid̶abachii maud̶e Dachi Akõre wapeadee nibasii.

Hechos 13:50

Maamina judiorãba Dachi Akõre wapea nuree wẽrarã chi mechiurãmaa maud̶e mukĩra chi mechiurãmaa jarasid̶au Pablo maud̶e Bernabé kachirua waud̶amera. Maka ãchi puurud̶ebena duabʉisid̶au.

Hechos 2:1

Mau maad̶akare Pentecostés bari panabadau ewari basii. Maud̶e joma chi Jesusd̶e ijãa nuree araa ãbua duanasid̶au.

Hechos 22:12

»Aria ẽbẽra Ananias abadau b̶uasii. Mau ẽbẽraba Dachi Akõre wapea b̶uud̶eeba Moisesba b̶ʉd̶ad̶e jara b̶uu kĩra waubachii. Maud̶eeba joma judiorã Damasco puurud̶ebenaba ichi ʉ̃rʉbena biꞌia berreasid̶au.

Hechos 8:27

Ara makʉd̶e Felipe wãsii. Od̶e niid̶e ẽbẽra Etiopía druad̶ebena unusii. Mau ẽbẽra chi Etiopiad̶ebena reina baita trajabarii mechiu basii. Maud̶eeba mauba chi reina chi nejarra joma nubachii. Ichi Jerusalend̶aa wã b̶uasii Dachi Akõremaa biꞌia berreai baita.

Colosenses 1:23

Maud̶eeba Cristod̶e ãrea ijãa panuud̶eeba dauchia jãadua nuread̶ai panuu. Chi bed̶ea bia Cristo ʉ̃rʉbena machiba ũriped̶aad̶a ida b̶ud̶aabai panuu, maumaarã Dachi Akõreba deai jarad̶a esed̶aud̶ai panuu. Mau bed̶ea bia joma nau iujãad̶e jaradea panuu. Ara mau bed̶ea mʉa bid̶a jaradea b̶uu.