Hechos 2:2 - Emberá Chamí

² Maka panuud̶e jĩwaaruu ũrisid̶au bajãad̶ebena mimichia pũatu uruu kĩra. Chi ded̶e jomaurãba mau jĩwa ũrisid̶au.

Hechos 2:2 Iomraidhean Croise

Lucas 2:13

Ara makʉd̶e Dachi Akõreba chi angelerã ãrea unubiasii. Joma ãchiba Dachi Akõre ʉ̃rʉbena naka biꞌia berreasid̶au:

Juan 3:8

Pũaturã barikiareeba pũatubarii. Chi jĩwa ũribarimina kuitaakau samareeba neeruu maud̶e samaa wãaruu. Ara mau kĩra Dachi Akõre Jauri unud̶akamina kuitaa panuu ẽbẽra sõd̶e saka maka wau b̶uu.

Hechos 2:3

Maabae ãchi ʉ̃rʉ aoko kub̶uu kẽrame kĩra uruu unusid̶au. Mau ãchi ab̶aab̶aa ʉ̃rʉ b̶eesii.

Hechos 2:6

Mau jĩwa ũrisid̶aud̶e ichiad̶e wãsid̶au. Maud̶e ũrisid̶au chi Jesusd̶e ijãabadaurãba ãchi berreabadaucha berrea panuu. Maud̶eeba kuitaa kʉ̃risiad̶aabasii.

Hechos 4:31

Dachi Akõremaa ʉtaa id̶id̶ai ida b̶usid̶aud̶e chi panad̶amare de uri kob̶eesii. Maud̶e joma Dachi Akõre Jaurid̶eeba duaneesid̶au. Mauba Dachi Akõre bed̶ea wapead̶awẽa jara kopaneesid̶au.

1 Pedro 1:12

Maamina Dachi Akõreba kuitaabiad̶a ãchiba berreaped̶aad̶a ãchi baitawãe basii, maumaarã machi baita b̶uu. Ãchiba berreaped̶aad̶a jãabae chi bed̶ea bia Cristo ʉ̃rʉbena jaradeabadaurã dachimaa biꞌia kuitaabia panuu Dachi Akõre Jauri bajãad̶ebena bʉisiid̶eeba. Mau angelerã bid̶a kuitaa kʉ̃ria panuu.