Hechos 2:10 - Emberá Chamí

¹⁰ Frigiad̶ebena, Panfiliad̶ebena, Egiptod̶ebena, Libia druad̶e Cirene puuru kaitad̶ebena maud̶e Romad̶ebena nama panuu. Dachi chi judiorã maud̶e chi griegorã judiorã kĩra panabadaurã nama panuu.

Hechos 2:10 Iomraidhean Croise

Mateo 2:15

Ãchi aria paneesid̶au ab̶a Herodes biuruud̶aa. Joma makasii Dachi Mechiuba jarad̶a kĩra. Ichi baita berreabariiba naka jarasii: «Mʉʉba mʉ warr iusii Egipto druad̶ebena neemera».

Mateo 23:15

»¡Machi fariseorã, Moisesba b̶ʉd̶a jaradeabadaurã, chi setaa ẽbẽra bia nuree abadau, miichuburi nuree Dachi Akõreba kastikaid̶eeba! Machi nau iorod̶e maud̶e mard̶e bid̶a jaradea nibabadau ab̶aumaa ijãabid̶ai baita. Maamina mau ijãaruu machi audeara kachirua b̶eeped̶a aude tʉbʉchia aoko kub̶uu kiikaud̶e b̶uai.

Mateo 27:32

Arabena wãsid̶aud̶e kokoroarãba ẽbẽra Simón abadau unusid̶au. Mau Cirene puurud̶ebena basii. Ãchiba mau Simonmaa Jesús cruz adoebisid̶au.

Marcos 15:21

Jesús puuru awara adoesid̶aud̶e ẽbẽra Simón abadau Jerusalend̶aa neeruu basii. Mau Alejandro maud̶e Rufo akõre basii. Mau Cirene puurud̶ebena basii. Kokoroarãba ichimaa Jesús cruz adoebisid̶au.

Hechos 11:20

Maka panuud̶e chi nuree Jesusd̶e ijãabadaurã Chipred̶ebena maud̶e Cirene puurud̶ebena Antioquiad̶e panad̶e wãsid̶au. Maarãba griegorãmaa chi bed̶ea bia Dachi Mechiu Jesús ʉ̃rʉbena jara kopaneesid̶au.

Hechos 13:1

Ãbarã Antioquía puurud̶ebena tãed̶e Dachi Akõre baita berreabadaurã, maud̶e Cristo ʉ̃rʉbena jaradeabadaurã nureasii. Bernabé, Saulo, Lucio Cirened̶ebena maud̶e Simón b̶uasii. Simón trʉ̃ «Chi Parr» abachid̶au. Manaén sid̶a b̶uasii. Ichi Galilea druad̶ebena jaradea ua b̶uabarii Herodes ome ãbua warisii.

Hechos 13:13

Pablo maud̶e ichi ome nibad̶a Pafos puurud̶ebena Panfilia druad̶aa jãbad̶e wãsid̶au. Aria puurud̶e neesid̶au. Maamina Juan Marcosba ãchi b̶ʉiped̶a Jerusalend̶aa waya wãsii.

Hechos 13:43

Chi araa ãbua duanad̶a wãꞌãesiid̶e ãrea judiorã maud̶e chi griegorã judiorã kĩra panabadaurã Pablo maud̶e Bernabé baara wãsid̶au. Ãchiba mau ẽbẽrarãmaa ãrea jarasid̶au Dachi Akõreba ichi sõbiad̶eeba ãchi kariba b̶uu ijãa panad̶amera.

Hechos 14:24

Mau maad̶akare Pisidia druare wãsid̶au Panfilia druad̶aa needuud̶aa.

Hechos 15:38

Maamina Pabloba mau adoe kʉ̃riabasii, mau Juan Marcosba ãchi naed̶e Panfilia druad̶e b̶ʉisiid̶eeba, maud̶e ãchi baara chi Dachi Akõre traju wau nibai ida b̶usiid̶eeba.

Hechos 16:6

Pablo ichi ome nibad̶a sid̶a Frigia druad̶e maud̶e Galacia druad̶e nibasid̶au Dachi Akõre Jauriba chi bed̶ea Jesús ʉ̃rʉbena Asia druad̶e ida jarabiad̶aabasiid̶eeba.

Hechos 17:21

Joma Atenas puurud̶ebenarãba maud̶e ãibena druad̶ebenarã aria nureeba kʉ̃risia wid̶i ũrid̶áituru nebʉrʉbadaud̶eeba maka id̶isid̶au.

Hechos 18:2

Aria judio Aquila abadau unusii. Mau Aquila Ponto druad̶ebena basii. Chi kima Priscila ome Italia druad̶ebena neeped̶aad̶a b̶aꞌãra ba b̶uasii. Italiad̶ebena nee panasii, Romad̶ebena chi karr Claudioba joma judiorã Romad̶e nuree duabʉikasiid̶eeba. Corintod̶e Pablo ãchimaa wãsii ãchi kĩra paru de wau kuitaa b̶uud̶eeba. Maabae ãchi baara b̶eesii ãbua trajai baita.

Hechos 18:23

Pablo aria aribia b̶uasiid̶e Galacia druad̶e maud̶e Frigia druad̶e nibasii. Puurucha chi Jesusd̶e ijãabadaurã jaradeasii biꞌia ijãad̶amera.

Hechos 2:11

Maud̶e ẽbẽrarã Creta islad̶ebena maud̶e Arabiad̶ebena nama panuu. ¡Jomaurãba ara dachi bed̶ead̶e chi Dachi Akõreba biꞌia waud̶a ʉ̃rʉbena berrea panuu ũri panuu!»

Hechos 23:11

Mau ẽsabud̶e Dachi Mechiu Pablomaa unubiped̶a naka jarasii: «Pablo, kĩrajʉʉse. Mʉ ʉ̃rʉbena nama Jerusalend̶e berread̶a kĩra Roma puurud̶e bid̶a berreai b̶uu».

Hechos 27:5

Cilicia drua kĩraare maud̶e Panfilia kĩraare wãd̶aped̶a Liciad̶ebena Mira puurud̶e neesid̶au.

Hechos 28:15

Ãbarã Romad̶ebenaba dai wãaduu ũrisid̶aud̶e biꞌia irsibid̶e neesid̶au. Waabenarã Apio puurud̶aa neesid̶au maud̶e waabenarã Tres Taberna puurud̶aa neesid̶au. Pabloba maarã unusiid̶e Dachi Akõremaa ichíturu kid̶ibai aped̶a, maarã kakua kĩrajʉʉsii.

Hechos 6:5

Ãchiba jaraped̶aad̶a jomaurãba biꞌia ũrisid̶au. Maud̶eeba Esteban jʉrʉ adausid̶au. Mau Estebanba Jesusd̶e ãrea ijãa b̶uasii; Dachi Akõre Jaurid̶eeba b̶uasii. Ichi awara Felipe, Prócoro, Nicanor, Timón, Parmenas maud̶e Nicolás Antioquía puurud̶ebena jʉrʉ adausid̶au. Mau Nicolás griego basii maamina judio kĩra b̶uabachii.

Hechos 6:9

Maud̶e waabenarã judiorã Cirene druad̶ebena maud̶e Alejandría puurud̶ebena panasid̶au. Ãchi judiorã araa ãbua imibadau de “Chi chibari baita bari trajabarii enakuaped̶aad̶arã” abachid̶au. Waabena judiorã Cilicia druad̶ebena maud̶e Asia druad̶ebena panasid̶au. Joma mau judiorã Esteban ome oa kachirua berrea duaneesid̶au.

Romanos 1:7

Mʉʉba nau karta b̶ʉʉruu joma Romad̶ebena ãbarã baita. Dachi Akõreba machi kʉ̃ria b̶uu maud̶e iusii ichi ẽbẽrarã nuread̶amera. Mʉʉba kʉ̃ria b̶uu Dachi Bajãad̶ebena Akõreba Dachi Mechiu Jesucristo ome ãchi sõbiad̶eeba machi aid̶a panad̶ai maud̶e jirukaraayuwãe panabiad̶ai.

2 Timoteo 1:17

Maumaarã Roma puurud̶e neeped̶a mʉ jʉrʉ b̶uaped̶a unusii.

Apocalipsis 11:8

Chi biuped̶aad̶a chi Jerusalén puuru mechiud̶e jirata b̶ari panad̶ai. Mau puuru «Sodoma» maebʉrã «Egipto» abadau, aria ãchi Mechiu Jesús cruzd̶e jirab̶u beasid̶aud̶eeba.