Hechos 19:3 - Emberá Chamí

³ Maud̶e Pabloba id̶isii: —Maka b̶uubʉrã ¿saka boro eabisid̶ama? Ãchiba panausid̶au: —Juanba jarad̶a kĩra boro easid̶au.

Hechos 19:3 Iomraidhean Croise

Mateo 28:19

Maud̶eeba joma puuru b̶eecha wãd̶aped̶a jaradeásturu mʉ baara wãd̶amera. Maarã Dachi Akõre trʉ̃d̶eeba, chi Warr trʉ̃d̶eeba, Dachi Akõre Jauri trʉ̃d̶eeba boro eásturu.

Lucas 7:29

Jesusba jara b̶uu ũrisid̶aud̶e ẽbẽrarãba maud̶e Romad̶ebena baita chi nejarra pebadaurã jarasid̶au Dachi Akõreba wau b̶uu jipa b̶uu, Juanba ãchi boro ead̶ad̶eeba.

Hechos 18:25

Mau Apolosmaa naed̶e Dachi Mechiu Jesús O ʉ̃rʉbena jaredeabachid̶au. Jesús ʉ̃rʉbena ãrea kĩrajʉʉ berreabachii maud̶e arakʉd̶e jaradea b̶uabachii. Maamina boro eai ʉ̃rʉbena chi Juanba jaradea b̶uad̶áturu kuitaa b̶uasii.

Hechos 8:16

Maka wausid̶au Dachi Akõre Jauri wabid̶a mau ãbarãmaa neewẽa b̶uasiid̶eeba. Ab̶aburu Dachi Mechiu Jesús trʉ̃d̶eeba boro easid̶au.

1 Corintios 12:13

Chi nuree dachid̶ebena dachi judiorãbʉ, chi nuree dachid̶ebena judiowãerãbʉ, chi nuree dachid̶ebena chi chibari baita bari trajabadaurãbʉ, chi nuree dachid̶ebena chibariswãe nureerãbʉ. Maamina Dachi Akõre Jauri ara ab̶a niiba dachi jomaurã kakua ab̶ad̶e b̶usii. Joma dachiba Dachi Akõre Jauri arab̶au nii adausid̶au.