Hechos 19:10 - Emberá Chamí

¹⁰ Año ome maka wausii. Maka joma Asia druad̶ebena judiorãba maud̶e judiowãerãba Dachi Mechiu Jesús ʉ̃rʉbena ũrisid̶au.

Hechos 19:10 Iomraidhean Croise

Hechos 13:12

Sergio Pauloba mau unusiid̶e ãchiba Dachi Mechiu ʉ̃rʉbena jaradea panuu ãrea biꞌia ũrisiid̶eeba ijãasii.

Hechos 16:6

Pablo ichi ome nibad̶a sid̶a Frigia druad̶e maud̶e Galacia druad̶e nibasid̶au Dachi Akõre Jauriba chi bed̶ea Jesús ʉ̃rʉbena Asia druad̶e ida jarabiad̶aabasiid̶eeba.

Hechos 18:11

Maud̶eeba Pabloba año ab̶a ʉ̃rʉ ẽsa Dachi Akõre bed̶ea aria jaradea b̶eesii.

Hechos 18:4

Bari panabadau ewaricha Pablo judiorã araa ãbua imibadau ded̶e berrea b̶uabachii judiorãba maud̶e griegorãba Jesusd̶e ijãad̶amera.

Hechos 19:20

Maka Dachi Akõreba ichi poyaad̶eeba waud̶a kakua chi Dachi Mechiu Jesús ʉ̃rʉbena bed̶ea kaitawẽ trʉ̃ poasii. Maud̶e Jesusd̶e ijãabadaurã aude baraasii.

Hechos 19:22

Maud̶eeba ichi aid̶abadaurã Timoteo maud̶e Erasto Macedonia druad̶aa naa bʉisii maamina ichi Asia druad̶e b̶eesii.

Hechos 19:8

Jed̶ako õbea Pablo judiorã araa ãbua imibadau deed̶aa wã b̶uabachii. Aria wapeawẽa judiorã ome berrea b̶uabachii Dachi Akõreba ichi warr Jesusd̶eeba, ichid̶irã ichi juad̶e ua b̶uu ʉ̃rʉbena, mau ãchiba ijãad̶amera.

Hechos 2:9

Dachi tãed̶e Partiad̶ebena, Mediad̶ebena, Elamd̶ebena, Mesopotamiad̶ebena, Judead̶ebena, Capadociad̶ebena, Pontod̶ebena, Asiad̶ebena,

Hechos 20:18

Ichimaa neesid̶aud̶e Pabloba jarasii: «Machiba kuitaa panuu mʉ nau Asia druad̶e neesiid̶eed̶ebena saka machi tãed̶e nibabachii.

Hechos 20:31

Maud̶eeba kauwa panásturu. Kĩrabásturu mʉʉba año õbea ãyadaa maud̶e ẽsabud̶e jẽa b̶uuba machicha chi setaa jaradeabadaurã ʉ̃rʉbena kauwa nuread̶ai jara b̶uasii.

Hechos 6:9

Maud̶e waabenarã judiorã Cirene druad̶ebena maud̶e Alejandría puurud̶ebena panasid̶au. Ãchi judiorã araa ãbua imibadau de “Chi chibari baita bari trajabarii enakuaped̶aad̶arã” abachid̶au. Waabena judiorã Cilicia druad̶ebena maud̶e Asia druad̶ebena panasid̶au. Joma mau judiorã Esteban ome oa kachirua berrea duaneesid̶au.

Romanos 1:16

Mʉ kĩra nejasiakau chi bed̶ea bia Jesús ʉ̃rʉbena jaradeai baita, chi mau bed̶ea ijãaduu Dachi Akõreba ichi poyaad̶eeba joma karibabariid̶eeba; naa judiorã karibai maud̶e judiowãerã sid̶a.

Romanos 10:12

Dachi Akõre jomaurã Mechiud̶eeba judiorã maud̶e judiowãerã sid̶a arab̶aud̶e waubarii. Ichimaa chi chuburia id̶iiduu joma karibabarii.

Romanos 10:18

Maamina mʉʉba id̶iiruu: ¿Judiorãba mau bed̶ea ũrid̶aabaska? Biawãra ũrisid̶au. Dachi Akõre bed̶ead̶e naka b̶ʉ kub̶uu: «Ichi ʉ̃rʉbena joma nau iujãad̶e jarasid̶au. Mau bed̶ea kaitawẽ jarad̶e wãsid̶au».

Gálatas 3:28

Mau jara b̶uu judio griego ome arab̶aud̶e panuu, chibari baita bari trajabarii chi chibariswãe nii ome arab̶aud̶e panuu, maud̶e mukĩra wẽra ome arab̶aud̶e panuu. Joma machi ẽbẽra ab̶a nii kĩra nureebʉ, Jesucristo ome ãbua nureed̶eeba.

Colosenses 3:11

Dachi Akõreba maka wausiid̶eeba ichi daad̶e griego judio ome arab̶aud̶e nii. Mukĩra chi kakua tõo nii mukĩra chi kakua tõowẽa nii ome arab̶aud̶e nii. Drua ãibena, ne adua nii ome arab̶aud̶e nii. Chi chibari baita bari trajabarii, chi chibariswãe nii ome arab̶aud̶e nii. Cristo chi aude bibuara nii. Ichi jomaurã sõd̶e b̶uu.

2 Timoteo 1:15

Bichiba kuitaa b̶uu joma ãbarã Asia druad̶ebenarãba mʉ istu b̶ʉisid̶au. Maarãd̶ebena ãba Figeloba maud̶e Hermogenesba maka wausid̶au.

1 Pedro 1:1

Mʉ Pedrobʉ, Jesucristoba bʉid̶abʉ. Mʉʉba nau karta b̶ʉʉruu Dachi Akõreba jʉrʉ adaud̶arã Ponto druad̶e, Galacia druad̶e, Capadocia druad̶e, Asia druad̶e, Bitinia druad̶e maud̶e drua awarad̶ebenarã kĩra panabadau baita.

Apocalipsis 1:11

Mauba jarasii: «Bichiba unuuruu kartad̶e b̶ʉped̶a ãbarã 7 puuru b̶eed̶e duanuurãmaa urubʉise: Efesod̶aa, Esmirnad̶aa, Pergamod̶aa, Tiatirad̶aa, Sardisd̶aa, Filadelfiad̶aa maud̶e Laodicead̶aa».

Apocalipsis 1:4

Mʉ Juanbʉ. Nau karta b̶ʉmaa b̶uu ãbarã Asia druad̶e 7 puurud̶ebenarã baita. Mʉʉba kʉ̃ria b̶uu Dachi Akõreba ichi sõbiad̶eeba machi aid̶a b̶uai maud̶e jirukaraayuwãe b̶uabiai. Mau chi nibad̶abʉ, chi niibʉ maud̶e chi neei baita b̶uubʉ. Maud̶e mʉʉba kʉ̃ria b̶uu Dachi Akõre rey ãkau bia b̶uu daad̶e 7 jauri panuuba maka wau panad̶ai.