Hechos 16:1 - Emberá Chamí

¹ Maud̶e Pablo Derbe puurud̶e neeped̶a Listra puurud̶aa wãsii. Aria Jesusd̶e ijãa nii Timoteo abadau b̶uasii. Timoteo nawe judio basii; Jesusd̶e ijãa nibasii. Ichi akõre griego basii.

Hechos 16:1 Iomraidhean Croise

Hechos 14:1

Iconio puurud̶e ãchiba waubadau kĩra Pablo maud̶e Bernabeba judiorã araa ãbua imibadau ded̶e ed̶a wãsid̶au. Ãchiba jaradea panuu kakua ãrea judiorã maud̶e griegorãba Jesusd̶e ijãasid̶au.

Hechos 14:21

Derbe puurud̶e Pablo maud̶e Bernabeba chi bed̶ea bia Jesús ʉ̃rʉbena jarasid̶aud̶e ãreaba ijãasid̶au. Mau maad̶akare Listra puurud̶aa, Iconio puurud̶aa maud̶e Antioquiad̶aa waya wãsid̶au.

Hechos 14:6

Maamina mau kuitaasid̶aud̶e Licaonia druad̶aa miru wãsid̶au. Listra puurud̶aa maud̶e Derbe puurud̶aa wãsid̶au. Joma mau Licaonia druad̶e nibasid̶au.

Hechos 17:14

Ara makʉd̶e ãbarãba Pablo mard̶aa bʉisid̶au. Maamina Silas maud̶e Timoteo Berea puurud̶e paneesid̶au.

Hechos 18:5

Maka b̶uud̶e Silas maud̶e Timoteo Macedonia druad̶ebena neesid̶au. Maad̶akare Pabloba ewaricha Dachi Akõre bed̶ea jaradea b̶uabachii. Ichiba judiorãmaa jarabachii Jesús biawãra Dachi Akõreba Dachi Karibabarii deai jarad̶a.

Hechos 19:22

Maud̶eeba ichi aid̶abadaurã Timoteo maud̶e Erasto Macedonia druad̶aa naa bʉisii maamina ichi Asia druad̶e b̶eesii.

Romanos 16:21

Ãba Timoteo mʉ ome ãbua jaradea b̶uuba kʉ̃ria b̶uu machi biꞌia duanad̶ai. Maud̶e mʉ ãbarã judiorã Lucioba, Jasonba maud̶e Sosipateroba kʉ̃ria panuu machi biꞌia duanad̶ai.

1 Corintios 16:10

Ãba Timoteo machimaa neeruubʉrã, ichi machi tãed̶e biꞌia irsibísturu wapearãamera. Dachi Mechiuba kʉ̃ria b̶uu ichiba biꞌia wau b̶uu mʉʉba wau b̶uu kĩra.

1 Corintios 4:17

Maud̶eeba Timoteo machimaa bʉiruu. Dachi Mechiud̶eeba mʉ warr kʉ̃riabarii kĩra nii, maud̶e jipa nibabarii. Ichiba machimaa kĩrababiai mʉ Jesucristo ome saka jipa nii. Mʉ maka nibai chi ẽbẽrarã Jesucristod̶erã duanabariicha jaradea b̶uu.

1 Corintios 7:14

Mau Jesusd̶e ijãawẽa b̶uu mukĩra Dachi Akõre baita b̶eesii ichi wẽraba ijãa b̶uud̶eeba. Ara mau kĩra chi Jesusd̶e ijãawẽa b̶uu wẽra Dachi Akõre baita b̶eesii ichi kimaba ijãa b̶uud̶eeba. Makawãe basirã machi warrarã Dachi Akõre baita nuread̶aabai basii. Akõrerã Dachi Akõre baita panuud̶eeba ãchi sid̶a Dachi Akõre baita panuu.

2 Corintios 1:1

Mʉ Pablobʉ. Dachi Akõreba ichi kʉ̃riad̶eeba mʉ Jesucristoba bʉid̶abʉ. Dachi ãba Timoteo mʉ ome b̶uu. Nau karta b̶ʉʉruu ẽbẽrarã Dachi Akõred̶erã Corintod̶ebena baita maud̶e joma ichi ẽbẽrarã Acaya druad̶e nuree baita.

2 Corintios 1:19

Silvanoba, Timoteoba maud̶e mʉa bid̶a machimaa Dachi Akõre Warr Jesucristo ʉ̃rʉbena jaradea panasid̶au. Jesucristoba waui ad̶a waya wauwẽa akau. Ichiba waui ad̶a joma waubarii. Daiba «nau biawãra» ad̶aabasii, maad̶akare «seta» ad̶ai baita.

Filipenses 1:1

Mʉ Pablobʉ. Timoteo mʉ ome b̶uu. Dai Jesucristo baita bari trajabadaurãbʉ. Mʉʉba nau karta ãbarã Filipos puurud̶ebenarã baita b̶ʉʉruu: ijãabadaurã nubadaurã, ijãabadaurã aid̶abadaurã, joma ẽbẽrarã Dachi Akõred̶erã Jesucristo ome nureerã baita.

Filipenses 2:19

Dachi Mechiu Jesusba kʉ̃riaruubʉrã mʉʉba Timoteo isa machimaa wãbii. Maka ichi waya mʉʉmaa neeruud̶e mʉ sid̶a kĩrajʉʉ b̶uai machi saka panuu kuitaai b̶uud̶eeba.

Colosenses 1:1

Mʉ Pablobʉ. Mʉ Jesucristoba bʉid̶abʉ, Dachi Akõreba mau kʉ̃riasiid̶eeba. Dachi ãba Timoteo mʉ ome b̶uu.

1 Tesalonicenses 1:1

Mʉ Pablobʉ. Nau karta b̶ʉmaa b̶uu chi ãbarã Tesalónica puurud̶ebenarã baita. Machi Dachi Bajãad̶ebena Akõred̶ebʉ maud̶e Dachi Mechiu Jesucristod̶ebʉ. Mʉ ãba Silvano maud̶e Timoteo mʉ baara panuu. Daiba kʉ̃ria panuu Dachi Akõreba maud̶e Dachi Mechiu Jesucristo bid̶a maarã sõbiad̶eeba machi kariba panad̶amera maud̶e jirukaraayuwãe panabiad̶amera.

1 Tesalonicenses 3:6

Maamina Timoteo machimaa b̶uad̶a daimaa neesii. Machiba Cristod̶e ijãa panuu ʉ̃rʉbena maud̶e machi kʉ̃ria ʉ̃rʉbena ichiba biꞌia jarad̶e neesii. Ichiba jarasii machiba kʉ̃riad̶eeba wabid̶a dai kĩrababadau maud̶e unu kʉ̃ria panuu, daiba machi unu kʉ̃ria panuu kĩra.

2 Tesalonicenses 1:1

Mʉ Pablobʉ. Nau karta b̶ʉʉruu ãbarã Tesalónica puurud̶ebena baita. Machi, Dachi Bajãad̶ebena Akõred̶ebʉ maud̶e Dachi Mechiu Jesucristod̶ebʉ. Ãba Silvano maud̶e Timoteo mʉ ome panuu.

1 Timoteo 1:18

Mʉ warr Timoteo, mʉʉba Dachi Akõreba naa jarabʉid̶a bichi ʉ̃rʉbena kʉ̃risiaruud̶e, bichiba waui b̶uu jarabʉiruu. Maka Cristod̶e ijãa b̶uud̶eeba, kʉ̃risia jipa b̶uud̶eeba chi biawãra bed̶ea uru b̶uase waabenarã tãed̶e kokoroa chĩobarii kĩra. Waabenarãba mau kʉ̃risia bia uru panad̶a ida b̶ud̶aped̶a ãchiba Cristod̶e ijãa panuu ida b̶usid̶au.

1 Timoteo 1:2

Timoteo, mʉʉba nau karta bichi baita b̶ʉʉruu. Mʉʉd̶eeba Cristod̶e ijãasiid̶eeba bichi biawãra mʉ warr kĩra b̶uu. Mʉʉba kʉ̃ria b̶uu Dachi Bajãad̶ebena Akõreba maud̶e Dachi Mechiu Jesucristoba kĩra chuburia panad̶amera, ãchi sõbiad̶eeba aid̶a panad̶amera, maud̶e jirukaraayuwãe panabid̶amera.

2 Timoteo 1:2

Timoteo, nau karta bichi baita b̶ʉʉruu. Mʉʉba bichi ãrea kʉ̃ria b̶uu mʉ warr kĩra. Kʉ̃ria b̶uu Dachi Bajãad̶ebena Akõreba maud̶e Dachi Mechiu Jesucristo bid̶a bichi kĩra chuburia panad̶ai, ãchi sõbiad̶eeba aid̶a panad̶ai maud̶e jirukaraayuwãe panabid̶amera.

2 Timoteo 1:5

Mʉʉba kĩraba b̶uabarii bichiba Cristod̶e biawãra ijãa b̶uu bichi tata Loida maud̶e bichi nawe Eunice bichi naed̶e ijãa panad̶a kĩra. Mʉʉba kuitaa b̶uu bichia bid̶a arab̶aud̶e Cristod̶e ijãa b̶uu.

2 Timoteo 3:11

maud̶e mʉ wãraa panuu kachirua waud̶ai baita. Antioquiad̶e, Iconio puurud̶e maud̶e Listrad̶e mʉ kachirua waud̶ai baita wãraaped̶aad̶a bichiba biꞌia kuitaa b̶uu. Mʉ ãrea biꞌiwãe b̶uasii. Maamina Dachi Mechiuba joma maud̶ebena karibasii.

Filemón 1:1

Mʉ Pablobʉ. Jesucristo kakua jʉ̃a b̶uu. Dachi ãba Timoteo nama b̶uu. Ãba Filemón, daiba bichi kʉ̃ria panuu. Bichiba dai kĩra Dachi Akõre traju wau b̶uud̶eeba mʉʉba nau karta bichi baita b̶ʉʉruu.

Hebreos 13:23

Kuitásturu dachi ãba Timoteo jʉ̃a b̶uad̶a awara wãsii. Mau isa mʉʉmaa neeruubʉrã, machi ichiad̶e wãaruud̶e mʉʉba mau adooi.