Hechos 15:9 - Emberá Chamí

⁹ Dachi Akõreba dachi ãchi ome kĩra aꞌawaraa waubasii. Ãchiba ijãasid̶aud̶e ãchi sõ jeraasii.

Hechos 15:9 Iomraidhean Croise

Hechos 10:15

Chi mimiba waya jarasii: —Chi Dachi Akõreba biꞌia b̶ud̶a mau miadaa b̶uu a jararã́se.

Hechos 10:28

Maabae Pedroba jarasii: —Machiba kuitaa panuu dai judiorã judiowãerã baara nibad̶akau panuu maud̶e judiowãerã ded̶e ed̶a wãd̶akau panuu. Maamina Dachi Akõreba mʉʉmaa kuitaabisii ab̶au ʉ̃rʉbena mʉʉba mau Dachi Akõre daad̶e biꞌiwãe b̶uu a jaraabai, maebʉrã mau miadaa b̶uu a jaraabai.

Hechos 10:34

Maud̶e Pedroba jarasii: —Biawãra ʉ̃raburu mʉʉba kuitaaruu Dachi Akõreba ab̶a chi ab̶au aude kʉ̃riakau.

Hechos 11:12

Dachi Akõre Jauriba mʉ maarã baara wãabai a kʉ̃risiawẽa wãbisii. Cesarea puurud̶e need̶aped̶a dai ãchi jaradea ua b̶uabarii ded̶e ed̶aa wãsid̶au. Nau 6 ãbarã mʉ baara panasid̶au.

Hechos 14:1

Iconio puurud̶e ãchiba waubadau kĩra Pablo maud̶e Bernabeba judiorã araa ãbua imibadau ded̶e ed̶a wãsid̶au. Ãchiba jaradea panuu kakua ãrea judiorã maud̶e griegorãba Jesusd̶e ijãasid̶au.

Hechos 14:27

Need̶aped̶a ãbarã araa ãbua imisid̶au. Maud̶e nebʉrʉsid̶au joma Dachi Akõreba ãchid̶eeba waud̶a. Jarasid̶au saka Dachi Akõreba wausii judiowãerã bid̶a Jesusd̶e ijãad̶amera.

Romanos 3:22

Maka Dachi Akõreba waubarii ara ichiba jara b̶uu kĩra, Jesucristo dachi kakua biusiid̶e, ichi ũribaba nibad̶a unubiasiid̶eeba. Maka ichiba joma chi Jesusd̶e ijãaduurã chi ichid̶irã jipa nuree baara duanubarii. Ab̶a bid̶a kĩra awara unukau.

Romanos 3:9

Maud̶eeba ¿kãare jarad̶aima? ¿Jarad̶aika dai chi judiorã waabenarã audeara biꞌia nuree? ¡Makawãema! Mʉʉba nau kartad̶e kuitaabiasii judiorãba maud̶e judiowãerã bid̶a kachirua waubadau.

Romanos 9:24

Dachi mau ẽbẽrarãd̶ebenabʉ. Dachi Akõreba dachi joma iusii. Chi nuree judiorãbʉ maamina chi nuree judiowãerãbʉ,

1 Corintios 1:2

Mʉʉba nau karta b̶ʉʉruu chi ẽbẽrarã Dachi Akõred̶erã Corintod̶ebena baita. Jesucristod̶eeba Dachi Akõreba machi awara b̶usii ichi baita biꞌia nuread̶amera. Ara mau kĩra ichiba druacha joma Dachi Mechiu Jesucristomaa ʉtaa id̶ibadaurã awara b̶usii. Ichimaarã Mechiubʉ maud̶e Dachi Mechiubʉ.

Gálatas 3:28

Mau jara b̶uu judio griego ome arab̶aud̶e panuu, chibari baita bari trajabarii chi chibariswãe nii ome arab̶aud̶e panuu, maud̶e mukĩra wẽra ome arab̶aud̶e panuu. Joma machi ẽbẽra ab̶a nii kĩra nureebʉ, Jesucristo ome ãbua nureed̶eeba.

Gálatas 5:6

Cristo Jesusba mukĩra chi kakua tõo b̶uai maebʉrã mukĩra chi kakua tõowẽa b̶uai biꞌia unuwẽa b̶uu. Maumaarã chi ichid̶e ijãa b̶uud̶eeba ichi ome ãbua b̶uu maud̶e waabenarã kʉ̃ria b̶uu.

Efesios 3:6

Ichiba kuitaabiawẽa b̶uad̶a naubʉ: judiowãerãba chi bed̶ea biꞌia Cristo ʉ̃rʉbena ijãa panuud̶eeba judiorã ome ãbua Dachi Akõreba deaid̶ebena adaud̶ai, arab̶au kakuad̶e panuu, maud̶e Dachi Akõreba Jesucristod̶eeba deai jarad̶a ãbua uru panuu.

Colosenses 3:11

Dachi Akõreba maka wausiid̶eeba ichi daad̶e griego judio ome arab̶aud̶e nii. Mukĩra chi kakua tõo nii mukĩra chi kakua tõowẽa nii ome arab̶aud̶e nii. Drua ãibena, ne adua nii ome arab̶aud̶e nii. Chi chibari baita bari trajabarii, chi chibariswãe nii ome arab̶aud̶e nii. Cristo chi aude bibuara nii. Ichi jomaurã sõd̶e b̶uu.

1 Pedro 1:22

Chi biawãra bed̶ea ijãa panuud̶eeba machi kachiruaswãe paneesid̶au. Maud̶eeba ãbarã biawãra kʉ̃ria panuu. Sõd̶eeba biawãra ãrea chiya kʉ̃ria panásturu.