Hechos 13:1 - Emberá Chamí

¹ Ãbarã Antioquía puurud̶ebena tãed̶e Dachi Akõre baita berreabadaurã, maud̶e Cristo ʉ̃rʉbena jaradeabadaurã nureasii. Bernabé, Saulo, Lucio Cirened̶ebena maud̶e Simón b̶uasii. Simón trʉ̃ «Chi Parr» abachid̶au. Manaén sid̶a b̶uasii. Ichi Galilea druad̶ebena jaradea ua b̶uabarii Herodes ome ãbua warisii.

Hechos 13:1 Iomraidhean Croise

Mateo 27:32

Arabena wãsid̶aud̶e kokoroarãba ẽbẽra Simón abadau unusid̶au. Mau Cirene puurud̶ebena basii. Ãchiba mau Simonmaa Jesús cruz adoebisid̶au.

Lucas 3:1

Tiberio César 15 años Romad̶ebena chi aude mechiu niid̶e Poncio Pilato Judea druad̶e chi jaradea ua b̶uabarii basii. Herodes Galilea druad̶e chi jaradea ua b̶uabarii basii. Chi ãba Felipe Traconite druad̶e maud̶e Iturea druad̶e chi jaradea ua b̶uabarii basii. Lisánias Abilene druad̶e chi jaradea ua b̶uabarii basii.

Hechos 11:30

Mau chi nejarr peped̶aad̶akare, Bernabé maud̶e Saulomaa urubʉisid̶au chi Judead̶ebena ijãabadaurã nubadaurã baita.

Hechos 12:25

Bernabeba maud̶e Sauloba Jerusalend̶e chi nejarra ãbarã baita dead̶aped̶a waya wãsid̶au. Juan, ara mau Marcos abadau, adoesid̶au.

Hechos 13:9

Maabae Saulo, Dachi Akõre Jauri ichi baara b̶uabachiid̶eeba, Elimasmaa apii ichiaped̶a naka jarasii:

Hechos 15:32

Judas maud̶e Silas Dachi Akõre baita berreabadaurã basii. Maud̶eeba ne ãrea jarasid̶au ãbarãba biꞌia ijãad̶amera maud̶e chaarea panad̶amera.

Hechos 15:35

Pablo maud̶e Bernabé Antioquiad̶e paneesid̶au. Maarã maud̶e ãbarã ãrea baarauba chi ijãabadaurã jaradea panasid̶au maud̶e Dachi Mechiu bed̶ea jarabachid̶au.

Hechos 19:6

Maabae Pabloba ichi jua ãchi ʉ̃rʉ kub̶usiid̶e Dachi Akõre Jauri ãchimaa neesii. Maud̶e bed̶ea didiwaraad̶e berreasid̶au maud̶e Dachi Akõre baita berreasid̶au.

Hechos 21:9

Ichiba kaurã duurã kimare uru b̶uasii. Mau wẽrarã Dachi Akõre baita berreabadaurã basii.

Hechos 4:36

Maka wausii ẽbẽra Levid̶ebena need̶a, Joseba. Mau mukĩra Chipre islad̶ebena basii. Mau chi Jesusba bʉid̶arãba Bernabé abachid̶au (mau jara b̶uu «Kĩrajʉʉbibarii»).

Hechos 9:1

Mau ewarid̶e Sauloba wabid̶a Dachi Mechiud̶e ijãa nuree kenai baita b̶uabachii. Paare mechiu b̶uumaa wãped̶a id̶isii karta b̶ʉkua deamera. Mau karta Damasco puurud̶e judiorã araa ãbua imibadau decha adooi kʉ̃risia b̶uasii. Kartad̶e b̶ʉ b̶uasii chi ãchi tãed̶e Jesús Od̶e nibad̶a mukĩrarã maud̶e wẽrarã sid̶a jidauped̶a Jerusalend̶aa joma adooi b̶uu, jʉ̃a bʉikad̶ai baita.

Romanos 16:21

Ãba Timoteo mʉ ome ãbua jaradea b̶uuba kʉ̃ria b̶uu machi biꞌia duanad̶ai. Maud̶e mʉ ãbarã judiorã Lucioba, Jasonba maud̶e Sosipateroba kʉ̃ria panuu machi biꞌia duanad̶ai.

1 Corintios 11:4

Ãbarã araa ãbua imiiduud̶e chi mukĩra ichi borod̶e ne jʉ̃ped̶a Dachi Akõremaa ʉtaa id̶iiruubʉrã maebʉrã Dachi Akõre baita berrearuubʉrã, ichi chibari Cristo wapeawẽa nii unubi b̶uu.

1 Corintios 13:2

Mʉ Dachi Akõre baita berrearuubʉrã, Dachi Akõreba kʉ̃risia kuitaabiwẽa b̶uad̶a joma kuitaa b̶uubʉrã, Dachi Akõre kʉ̃risia kuitaa joma kuitaa b̶uubʉrã, maud̶e sõd̶eeba biawãra ijãa b̶uud̶eeba ea poyaa ãyaa b̶uuruubʉrã, maud̶e waabenarã kʉ̃riawẽa b̶uubʉrã, mʉ baleswãe nii kĩra nii.

1 Corintios 13:8

Ẽbẽrarã kʉ̃riai wãꞌãekau. Maamina ewari ab̶a Dachi Akõre baita berreabadau waa berread̶aabai, dachiba ũrid̶akau bed̶ead̶e berreabadau waa berread̶aabai, Dachi Akõre Jaurid̶eeba kuitaaped̶aad̶a jaradeabadaurãba waa jaradead̶aabai.

1 Corintios 14:29

Ara mau kĩra Dachi Akõre baita berreabadau ome maebʉrã õbea berread̶ai panuu. Maud̶e jomaurãba ãchiba berrea panuu kauwa ũrid̶ai panuu biawãra kuitaad̶ai baita.

1 Corintios 14:32

Dachi Akõre baita berreabarii barikia berreakau, maumaarã esed̶aubarii berreai baita.

1 Corintios 9:6

Bernabeba, mʉa bid̶a Dachi Akõre bed̶ea jaradea nibad̶ad̶e awara traju waubadau ne uru panad̶ai baita. Maamina ¿waabenarã kĩra daiba jaradea panuud̶eeba ne adau panad̶ai panuuwãeka?

Gálatas 2:13

Maud̶e waabenarã ãbarã judiorãba chi ãbarã judiowãerã ida b̶usid̶au Pedroba biawãrawãe wau b̶uu kĩra. Maka wau panuud̶eeba Bernabé bid̶a ara mau kĩra kachirua wausii.

Gálatas 2:9

Ãbarã chi mechiurã Santiagoba, Pedroba maud̶e Juanba kuitaasid̶au Dachi Akõreba ichi sõbiad̶eeba biawãra mʉ judiowãerãmaa bʉisii. Maud̶e ãchi mʉ ome maud̶e Bernabé ome jua deasid̶au kuitaabid̶ai baita arab̶au kʉ̃risia uru panuu. Ãchiba jarasid̶au daiba judiowãerãmaa jaradea panad̶ai, maud̶e ãchiba judiorãmaa jaradea panad̶ai.

Efesios 4:11

Ara ichiba chi nuree b̶usii ichiba bʉid̶arã nuread̶amera, waabenarã b̶usii Dachi Akõre baita berreabadaurã nuread̶amera, waabenarã b̶usii chi bed̶ea bia Cristo ʉ̃rʉbena jarad̶e nibad̶amera, maud̶e waabenarã b̶usii chi ijãabadaurã nubadaurã maud̶e jaradeabadaurã nuread̶amera.

Filipenses 4:22

Joma ẽbẽrarã Dachi Akõred̶erã namabenarãba biꞌia panábad̶e a jarabʉi panuu. Ãbarã Romad̶ebena chi aude mechiu nii baita trajabadaurã bid̶a biꞌia maka jarabʉi panuu.

1 Tesalonicenses 5:20

Dachi Akõre baita berreabariiba jara b̶uu ida b̶urã́sturu.