Hechos 12:4 - Emberá Chamí

⁴ Pedro jidaubiped̶a jʉ̃abisii. Maabae kokoroarã 16 adoeped̶a kimãrecha Pedro nubiasii. Herodesba kʉ̃risia b̶uasii Pascua ewari wãꞌãed̶akare, Pedro nebʉra jarai jomaurã daad̶e.

Hechos 12:4 Iomraidhean Croise

Mateo 24:9

»Mau ewarid̶e ẽbẽrarãba machi jidau dead̶ai, kachirua waud̶aped̶a bead̶amera. Mʉʉd̶e ijãa panuu kakua jomaurãba machi kĩramaad̶ai.

Mateo 26:5

Maamina jarasid̶au: —Bari panabadau ewarid̶e jidaud̶aabai ẽbẽrarã kĩrubid̶aabayua».

Marcos 14:1

Ewari ome baaruud̶e judiorãba Pascua ewari waud̶ai basii. Mau bari panabadau ewarid̶e pan ẽesãabibariiwãe b̶uu kobadau. Paare mechiurãba maud̶e Moisesba b̶ʉd̶a jaradeabadaurãba jʉrʉbachid̶au Jesús setaa saka kũraad̶ai. Maka jidaud̶ai basii maud̶e beabid̶ai basii.

Lucas 21:12

»Maamina joma makai naed̶e machi wãraad̶ai biꞌiwãe paneebiad̶ai baita. Chi nuree jidaud̶aped̶a judiorã araa ãbua imibadau ded̶e adoed̶ai. Maabae machi nebʉra ichiad̶aped̶a chi jʉ̃abadau ded̶e jʉ̃akuad̶ai. Mʉʉd̶e ijãa panuu kakua ãchiba machi chi jaradea ua b̶uabadaurã maud̶e chi reyrã daad̶e adoed̶ai.

Lucas 22:33

Maud̶eeba Pedroba Jesusmaa naka panausii: —Mʉ Mechiu, mʉ bichi ome bari jʉ̃a b̶uad̶a wãi kʉ̃risia b̶uuwãe; maumaarã bichi ome biui kʉ̃risia b̶uu.

Juan 19:23

Maad̶akare Romad̶ebena kokoroarãba Jesús cruzd̶e jirab̶usid̶aud̶e ichiba anab̶ari jʉ̃barii jʉ̃ b̶uad̶a kimare kõetad̶aped̶a ãchicha adausid̶au. Ichiba chi mau ekare jʉ̃ b̶uad̶a sid̶a adausid̶au. Mau ʉtʉʉba ed̶aa b̶ari kaapirud̶a b̶uasii.

Juan 21:18

Mʉʉba biawãra jaraaruu: kũudrãaed̶e bichi du ab̶a paru jʉ̃bachii bichi wã kʉ̃riaruumaa wãi baita. Maamina bichi chõra b̶eeruud̶e waabenarãba bichi jua jirad̶ai paru jʉ̃bid̶ai baita. Maabae adoed̶ai bichi wã kʉ̃riawẽa b̶uumaa.

Hechos 12:3

Herodesba unusii judiorã mau kakua kĩrajʉʉsid̶au. Maud̶eeba Pedro sid̶a jidaubisii. Maka wausii pan ẽesãabibariiwãe kobadau ewarid̶e.

Hechos 12:5

Pedro jʉ̃abaud̶e jidau uru panuumisa ãbarãba Dachi Akõremaa ãrea ʉtaa id̶i panasid̶au ichi karibamera.

Hechos 4:28

ãchiba maka wausid̶au bichiba naed̶e kʉ̃risia b̶uad̶a kĩra. Bichi ãrea poyaad̶eeba naed̶e maka b̶usii ãchiba maka waud̶amera.

Hechos 4:3

Pedro maud̶e Juan jidaud̶aped̶a jʉ̃a bʉikasid̶au. Kiusiid̶eeba noremaud̶aa b̶usid̶au.

Hechos 5:18

Maud̶eeba chi Jesusba bʉid̶arã jidaud̶aped̶a jʉ̃a bʉikasid̶au.

Hechos 8:3

Maud̶e Sauloba chi Jesusd̶e ijãabadaurã jʉrʉsii waa ijãarãad̶amera. Decha wãped̶a mukĩrarã maud̶e wẽrarã jidaukuaped̶a jʉ̃a b̶ubadaumaa errb̶ari adoebachii.