Hechos 11:16 - Emberá Chamí

¹⁶ Maud̶e chi Dachi Mechiuba jarad̶a mʉʉba kĩrabasii: “Biawãra Juanba baniaba ẽbẽrarã boro easii, maamina Dachi Akõreba ichi Jauri machimaa deai”.

Hechos 11:16 Iomraidhean Croise

Mateo 3:11

»Mʉʉba baniaba machi boro ea b̶uu waabenarãmaa unubiad̶amera chi kachirua waud̶ai ida b̶uped̶aad̶a. Maamina mʉare ab̶a neei chi mʉ aude mechiu nii. Maud̶eeba ichiba jʉ̃rʉd̶e jʉ̃barii poyaa enai b̶uuwãe. Ichiba Dachi Akõre Jauri deai. Maamina ijãad̶awẽebʉrã kastikakuai.

Mateo 3:6

Ãchiba kachirua wauped̶aad̶a ichi daad̶e jarabachid̶au. Maabae Juanba ãchi Jordán dod̶e boro eakuabachii.

Marcos 1:8

Biawãra mʉʉba baniaba machi boro easii maamina ichiba Dachi Akõre Jaurid̶eeba boro eai».

Lucas 24:8

Maabae wẽrarãba kĩrabasid̶au Jesusba maka jarad̶a.

Lucas 3:16

Maamina Juanba jomaurãmaa jarasii: «Biawãra mʉʉba baniaba machi boro ea b̶uu. Maamina mʉ audeara chi mechiu nii neei. Mauba jʉ̃rʉd̶e jʉ̃barii mʉ mau enai baita biꞌiwãe b̶uu. Mauba Dachi Akõre Jauri deai. Maamina ijãad̶awẽebʉrã kastikakuai.

Juan 1:26

Juanba naka panausii: —Mʉʉba baniáburu boro eabarii. Maamina chi mʉare neei b̶uad̶a machi tãed̶e b̶umina machiba mau unud̶akau. Mau mʉ audeara chi mechiu niid̶eeba, mauba jʉ̃rʉd̶e jʉ̃barii enai baita mʉ biꞌiwãe b̶uu.

Juan 1:33

Ara mʉʉba mau unuka basii. Maamina mʉʉba boro eamera Dachi Akõreba bʉisiid̶e naka jarasii: “Bichiba unui mʉ Jauri ẽbẽra ʉ̃rʉ neeped̶a mau baara b̶eeruu. Unuuruud̶e bichiba kuitaai mauba ichi Jaurid̶eeba boro earuu”.

Juan 14:26

Maamina mʉ Chacha mʉ trʉ̃d̶eeba ichi Jauri bʉi machi Aid̶abarii b̶uamera. Dachi Akõre Jauriba ne joma machimaa jaradeai. Ichiba mʉʉba jarad̶a machimaa joma kĩrababiai.

Juan 16:4

Maamina mʉʉba joma mau machimaa jarakuaruu, mau ewari neeruud̶e mʉʉba jarad̶a kĩrabad̶aped̶a perawẽa nuread̶amera. »Mʉʉba naed̶e machimaa mau jaraabasii, machi baara b̶uasiid̶eeba.

Hechos 1:5

Biawãra Juanba baniaba ẽbẽrarã boro easii, maamina kãꞌãabariwãed̶e Dachi Akõreba ichi Jauri machimaa deai.

Hechos 20:35

Joma mʉʉba wausiid̶eeba machimaa kuitaabiasii ãrea traja panuud̶eeba chi nejarr barauwãe ked̶ee aid̶ad̶ai panuu. Kĩrabad̶ai panuu Dachi Mechiu Jesusba naka jarasii: “Bibuara b̶uu ab̶aumaa deai, chi mau adaui bad̶amaarã”».

1 Corintios 12:13

Chi nuree dachid̶ebena dachi judiorãbʉ, chi nuree dachid̶ebena judiowãerãbʉ, chi nuree dachid̶ebena chi chibari baita bari trajabadaurãbʉ, chi nuree dachid̶ebena chibariswãe nureerãbʉ. Maamina Dachi Akõre Jauri ara ab̶a niiba dachi jomaurã kakua ab̶ad̶e b̶usii. Joma dachiba Dachi Akõre Jauri arab̶au nii adausid̶au.

2 Pedro 3:1

Ãbarã, nau chi ome karta mʉʉba machi baita b̶ʉmaa b̶uu. Karta ome b̶ʉd̶ad̶e mʉʉba chi biawãra bed̶ea kĩrababia b̶uu jipa kʉ̃risiad̶amera.