Hechos 10:1 - Emberá Chamí

¹ Cesarea puurud̶e ẽbẽra Cornelio abadau b̶uasii. Ichi Italia druad̶ebena kokoroarã chi jaradea ua b̶uabarii basii.

Hechos 10:1 Iomraidhean Croise

Mateo 27:27

Ara makʉd̶e Pilato kokoroarãba Jesús de mechiu Pretorio abadaud̶aa eneesid̶au. Aria waabena kokoroarã ichi ad̶u jũrasid̶au.

Mateo 27:54

Romad̶ebena kokoroarã jaradea ua b̶uabariiba, ichi kokoroarã bid̶a Jesús nu panasid̶au ab̶auba aid̶arãad̶amera. Maamina ioromiaba makaaruu unusid̶aud̶e ãrea perad̶aped̶a jarasid̶au: —Biawãra nau mukĩra Dachi Akõre Warr basii.

Marcos 15:16

Ara makʉd̶e chi kokoroarãba Jesús de mechiu Pretorio abadaud̶e ed̶a adoesid̶au. Aria waabena kokoroarã joma iukuasid̶au.

Lucas 7:2

Aria kokoroarã jaradea ua b̶uabarii b̶uasii. Mau baita bari trajabarii ãrea kʉ̃ria nii uru b̶uasii. Maamina mau ichi baita bari trajabarii ẽpermo b̶uud̶eeba biumaa b̶uasii.

Juan 18:12

Maabae Romad̶ebena kokoroarãba, ara ãchi mechiu maud̶e chi Dachi Akõre de nubadaurãba Jesús jidaud̶aped̶a jua jʉ̃sid̶au.

Juan 18:3

Maud̶eeba Judasba kokoroarã ãrea romad̶ebenarã maud̶e Dachi Akõre de mechiud̶ebena nubadaurã mau ne uu nub̶uud̶aa uad̶osii. Maarã chi paare mechiurã maud̶e fariseorãba Judas ome bʉisid̶au. Maarãba ʉ̃d̶aa koabarii, lámpara maud̶e miasu uru panasid̶au.

Hechos 10:24

Mau norema Cesarea puurud̶e neesid̶au. Cornelioba ichi ded̶ebenarã maud̶e ichi kõpaerorã biarã iusiid̶eeba ichi ded̶e esed̶au panasid̶au.

Hechos 21:31

Pablo bea kʉ̃ria panuumisa ab̶auba Romad̶ebena kokoroa chi aude mechiuba jarad̶e wãsii joma Jerusalend̶e panuurã kĩrusid̶au.

Hechos 21:8

Norema wãd̶aped̶a Cesarea puuru mechiud̶e neesid̶au. Aria Felipe ded̶e paneesid̶au. Mau Felipe chi bed̶ea bia Jesús ʉ̃rʉbena jarabarii basii. Ãbarã aid̶abadaurã 7 jʉrʉ adauped̶aad̶ad̶ebena ab̶a basii.

Hechos 22:25

Maamina ichi pebebad̶ai baita jʉ̃ʉduud̶e Pabloba kokoroarã jaradea ua b̶uabarii aria b̶uumaa jarasii: —¿Machiba Romad̶ebena ab̶a pebebad̶ai panuka ichi nebʉra ichiad̶ai naed̶e?

Hechos 23:23

Maabae kokoroarã mechiuba chi jaradea ua b̶uabadau ome iuped̶a maabae jarasii: —Jʉrʉ adause, 200 kokoroarã, 70 kokoroarã murad̶e wãbadaurã maud̶e 200 miasuba tĩubadaurã, maabae nau ẽsabud̶e las 9d̶e Cesarea puurud̶aa wã́sturu.

Hechos 23:33

Cesarea puurud̶e neesid̶aud̶e karta chi karrmaa deasid̶au. Maud̶e Pablo sid̶a ichimaa adoesid̶au.

Hechos 25:1

Festo mau druad̶aa neeped̶a chi mechiu bai baita, ewari õbea baaruud̶e, Cesarea puurud̶ebena Jerusalend̶aa wãsii.

Hechos 25:13

Mau maad̶akare judiorã rey Agripa ichi neekau Berenice ome Cesarea puurud̶aa Festo ichiad̶e wãsid̶au.

Hechos 27:1

Mau ewarid̶e chi jaradea ua b̶uabariiba dai Italia druad̶aa wãd̶ai panuu a jaraped̶a Pablo maud̶e chi nuree jʉ̃a b̶uped̶aad̶a Julio juad̶e b̶usii. Mau Julio kokoroarã Augusto abadaud̶ebena chi jaradea ua b̶uabarii basii.

Hechos 27:31

Maamina Pabloba kokoroarã jaradea ua b̶uabariimaa maud̶e ichi kokoroarãmaa jarasii: «Jãarã jãba mechiud̶e paneeduuwãebʉrã machi kinid̶ai».

Hechos 27:43

Maamina kokoroarã jaradea ua b̶uabariiba Pablo karibai kʉ̃ria b̶uasii. Maud̶eeba ida kenabiabasii, maumaarã joma chi ũu kuitaa nuree naa mard̶e wãbiakuasii ibud̶aa ũu wãd̶amera.

Hechos 8:40

Maud̶e Felipe Azoto puurud̶e neesii. Maabae puurucha chi bed̶ea bia Jesús ʉ̃rʉbena jara wãsii ab̶a Cesarea puurud̶e neeruud̶aa.