Hebreos 5:12 - Emberá Chamí

¹² Machiba Jesusd̶e ijãaped̶aad̶a ãrea baaruu. Maud̶eeba id̶i machi Dachi Akõre bed̶ea jaradeabadau nuread̶ai panasid̶au. Maamina Dachi Akõre bed̶ea biꞌia adua panuud̶eeba poyaa biꞌia jaradead̶akau. Ab̶auba machimaa chi Dachi Akõre bed̶ea ʉ̃rʉbena naa jaradead̶a waya jaradeai b̶uu, ju dobiiruu kĩra. Machi warrarã kĩra nureed̶eeba, kiuru kod̶ai bad̶amaarã ju b̶aa dod̶ai panuu.

Hebreos 5:12 Iomraidhean Croise

Mateo 17:17

Jesusba jarasii: —¡Machiba Dachi Akõred̶e ijãad̶akau! ¡Machi chi kachirua nuree! Machiba ijãad̶amera ¿sakaed̶aa mʉ dauchia jãadua b̶uaima? Warr namaa enésturu.

Marcos 9:19

Jesusba jarasii: —¡Machiba Dachi Akõred̶e ijãad̶akau! Machiba ijãad̶amera ¿sakaed̶aa mʉ dauchia jãadua b̶uaima? Mau warr namaa enésturu.

Hechos 7:38

Maud̶e Moisés drua sirua wãꞌãe b̶uud̶e joma israeld̶ebenarã ome b̶uasii. Aria Sinaí ead̶e ichi ángel ome berreasii. Bed̶ea dachi saka nuread̶ai panuu ʉ̃rʉbena adauped̶a dachi nabẽraed̶ebenarãmaa jarasii.

Romanos 3:2

Makawãema. Ãread̶e judiorã bai ãrea biꞌia b̶uu. Naa mʉʉba jaraaruu maka panuu Dachi Akõreba ichi bed̶ea maarãmaa deasiid̶eeba.

1 Corintios 14:19

Maamina ãbarã araa ãbua imiiduud̶e, mʉʉmaarã dachiba ũrid̶akau bed̶ead̶e 10.000 bed̶ea berreai bad̶amaarã dachiba ũribadau bed̶ead̶e jua ab̶a bed̶ea jaradeai b̶uu.

1 Corintios 14:20

Ãbarã, warr chekerã kĩra panásturu. Ãchiba kachirua ãrea adua panuu. Maamina Dachi Akõre Jauriba waubi b̶uu ʉ̃rʉbena chõrarã kĩra kʉ̃risia panásturu. Waa warr chekerã kĩra kʉ̃risiarã́sturu.

Gálatas 4:3

Ara mau kĩra Cristod̶e ijãad̶ai naed̶e dachi warraed̶ebena kĩra nureasii. Mau ewarid̶e dachiba nau iujãad̶ebena jauri mechiurã ijãa panasid̶au, chibari baita bari trajabarii kĩra.

Filipenses 3:1

Mau awara ãbarã, Dachi Mechiud̶eeba kĩrajʉʉ panásturu. Mʉʉba nau bed̶ea naa b̶ʉsmina, ara mau b̶ʉi baita ida b̶ukau. Maka kachiruad̶ebena machi nu b̶uai.

Colosenses 3:16

Bed̶ea Cristo ʉ̃rʉbena machi sõd̶e uru panásturu. Joma Dachi Akõre kuitaad̶eeba chiya jaradeásturu maud̶e chiya aid̶ásturu biꞌia ijãad̶ai baita. Dachi Akõre bed̶ead̶e b̶ʉ kub̶uu karísturu, ãbarãba karibadau maud̶e Dachi Akõre Jauriba karibi b̶uu sid̶a Dachi Akõremaa karísturu. Sõd̶eeba ichíturu kid̶ibai jara panuud̶eeba karísturu.

Hebreos 10:32

Kĩrabásturu machiba naed̶e chi biawãra bed̶ea kuitaasid̶aud̶e saka panasii. Mau ewarid̶e machi ãrea biꞌiwãe panad̶a dauchia jãadua panasid̶au.

Hebreos 5:11

Mau ʉ̃rʉbena daiba ãrea jaradea kʉ̃ria panuu. Maamina chaarea b̶uu arakʉd̶e jaradead̶ai, machiba kauwa ũrid̶akaud̶eeba.

Hebreos 5:13

Chi ju b̶aa do nuree wabid̶a chuburi nureed̶eeba saka jipa waui adua nuree.

Hebreos 6:1

Maud̶eeba Cristod̶e kuitaa wari kãri bad̶ai panuu. Dachiba ichi ʉ̃rʉbena naed̶e kuitaaped̶aad̶a akabichia aramáturu jaradearã́duru. Waya jaradead̶aabai chi kachirua wau panuu kakua biud̶ai panuu, kachirua ida b̶ud̶aped̶a Dachi Akõremaa need̶ai panuu, Dachi Akõred̶e ijãad̶ai ʉ̃rʉbena, boro ead̶ai ʉ̃rʉbena, ãbarã ʉ̃rʉ jua kub̶uud̶ai ʉ̃rʉbena, biud̶arã chokae jiradud̶ai ʉ̃rʉbena maud̶e Dachi Akõreba kastikaped̶a ewaricha ãrea biꞌiwãe panad̶ai ʉ̃rʉbena sid̶a.

1 Pedro 2:2

Dachi Mechiuba sõbiad̶eeba machi karibabarii kuitaasid̶au. Maud̶eeba warr ea adaud̶aba ju do kʉ̃ria b̶uabarii kĩra Dachi Akõre bed̶ea biꞌia kuitaa kʉ̃riásturu. Ichi bed̶ea chi biawãra ju b̶aara kĩra nii. Ichi bed̶ea kuitaaduubʉrã, warid̶ai ab̶a ichiba machi karibaaruud̶aa.

1 Pedro 4:11

Ab̶auba jaradearuubʉrã, Dachi Akõre bed̶ea jaradea b̶uud̶eeba kauwa jaradeai b̶uu. Ab̶auba waabena aid̶aaruubʉrã, Dachi Akõreba dea b̶uu poyaabariid̶eeba aid̶ai b̶uu. Ne joma wáusturu jomaurãba Jesucristod̶eeba Dachi Akõremaa biꞌia berread̶amera. Ichíturu ewaricha biꞌia berread̶ai panuu. Biꞌia b̶uu ne joma ichi juad̶e uru b̶uai. Ãrea biꞌia b̶uu maka b̶uai.