Hebreos 4:9 - Emberá Chamí

⁹ Maud̶eeba bari panabadau ewari ẽbẽrarã Dachi Akõred̶erã baita wabid̶a b̶uu.

Hebreos 4:9 Iomraidhean Croise

Mateo 1:21

Mariaba warr ab̶a adaui. Mau warrba ichi puuru ãchi kachiruad̶ebena karibakuai. Maud̶eeba mau trʉ̃ Jesús b̶use».

Tito 2:14

Dachi baita Jesucristoba ara ichi ida beabisii ne joma kachiruad̶ebena karibai baita. Dachi ara ichi baita biꞌia b̶usii ichi puurud̶e panad̶amera maud̶e ne joma biꞌia wau kʉ̃ria panad̶amera.

Hebreos 11:25

Ichimaarã kachirua wau b̶uud̶eeba kĩrajʉʉ b̶uadaui bad̶amaarã, biꞌia b̶uasii ẽbẽrarã Dachi Akõred̶erã ome ãbua ãrea biꞌiwãe b̶uai.

Hebreos 3:11

Maud̶e ichi kĩruped̶a biawãra naka jarasii: “Mʉʉba kʉrrjĩrubiaimaa jãarã wãd̶aabai”».

Hebreos 4:1

Dachi Akõreba biawãra jara b̶uu dachi wabid̶a ichiba kʉrrjĩrubiaimaa poyaa wãd̶ai panuu. Maamina kauwa panásturu. Makawãebʉrã machid̶ebena ab̶a bid̶a aria wãabai.

Hebreos 4:10

Ẽbẽra Dachi Akõreba kʉrrjĩrubiaimaa wãaruubʉrã, ichiba wau b̶uad̶ad̶ebena kʉrrjĩrui Dachi Akõreba joma wauped̶a kʉrrjĩrud̶a kĩra.

Hebreos 4:8

Josueba israeld̶ebenarã Dachi Akõreba biawãra kʉrrjĩrubiaimaa adoed̶a basirã Dachi Akõreba june kʉrrjĩrubiai ʉ̃rʉbena berreabai basii.

1 Pedro 2:10

Naed̶e machi Dachi Akõre puuruwãe basii, maamina jãabae Dachi Akõre puurubʉ. Naed̶e Dachi Akõreba machi kĩra chuburiawẽa b̶uasii, maamina jãabae kĩra chuburia b̶uu.

Apocalipsis 14:13

Mau maad̶akare mʉʉba bajãad̶e ab̶aba jaraaruu ũrisii: «Chi kartad̶e naka b̶ʉse: “Id̶iid̶eeba chi Dachi Mechiud̶e ijãa biubadaurã biꞌia panad̶ai”». Maud̶e Dachi Akõreba naka jarasii: «Biawãra biꞌia panad̶ai. Maarã biꞌiwãe panad̶ad̶ebena kʉrrjĩru panad̶ai, maarãba biꞌia wauped̶aad̶a waa chau kãriid̶eeba».

Apocalipsis 21:4

Ãchi dau b̶aa ichiba joma poabiai. Naed̶e b̶uad̶a joma wãꞌãesiid̶eeba, maarã waa biud̶aabai, jẽad̶aabai, kĩra nomaa jẽad̶aabai, maud̶e waa biꞌiwãe panad̶aabai».