Hebreos 4:12 - Emberá Chamí

¹² Biawãra Dachi Akõre bed̶ea chokae nii maud̶e poyaabarii nii. Ichi bed̶ea espada muriacha peed̶ea kĩra b̶uu. Ichi bed̶eaba dachi kʉ̃risia maud̶e dachi sõba wau kʉ̃ria b̶uu joma arakʉd̶e kuitaabiabarii dachi kʉ̃risia, dachi jauri maud̶e dachi sõ id̶u tõoruu kĩra.

Hebreos 4:12 Iomraidhean Croise

Lucas 8:11

Mʉʉba nebʉrʉd̶a naka jara b̶uu: chi netaa Dachi Akõre bed̶eabʉ.

Juan 12:48

Maamina chi mʉ ida b̶uu b̶uuba, mʉ bed̶ea ũri kʉ̃riawẽeba, mau Dachi Akõréburu kastikai. Kaad̶ebena ewarid̶e Dachi Akõreba kuitaabii mau mʉʉba jarad̶a bed̶ea ijãabasiid̶eeba.

Juan 6:51

Mʉ chi panbʉ, chi chokae b̶uabibarii, chi bajãad̶ebena need̶a. Barikiuba mau pan kooruubʉrã ewaricha chokae b̶uai. Chi mʉʉba dea b̶uu pan mʉ kakuabʉ. Mʉʉba mʉ kakua deai, mauba ẽbẽrarã chokae nuread̶amera.

Hechos 2:37

Mau ũrisid̶aud̶e joma ãchi sõd̶e ãrea kʉ̃risia baraa duaneesid̶au. Maud̶eeba ãchiba Pedromaa maud̶e chi waabenarã Jesusba bʉid̶arãmaa id̶isid̶au: —Ãbarã, ¿kãare waud̶ai panuma?

Hechos 4:31

Dachi Akõremaa ʉtaa id̶id̶ai ida b̶usid̶aud̶e chi panad̶amare de uri kob̶eesii. Maud̶e joma Dachi Akõre Jaurid̶eeba duaneesid̶au. Mauba Dachi Akõre bed̶ea wapead̶awẽa jara kopaneesid̶au.

Hechos 5:33

Judiorã mechiurãba mau ũrisid̶aud̶e, ãrea kĩrud̶aped̶a Jesusba bʉid̶arã kenad̶ai kʉ̃riasid̶au.

Hechos 7:38

Maud̶e Moisés drua sirua wãꞌãe b̶uud̶e joma israeld̶ebenarã ome b̶uasii. Aria Sinaí ead̶e ichi ángel ome berreasii. Bed̶ea dachi saka nuread̶ai panuu ʉ̃rʉbena adauped̶a dachi nabẽraed̶ebenarãmaa jarasii.

Romanos 1:16

Mʉ kĩra nejasiakau chi bed̶ea bia Jesús ʉ̃rʉbena jaradeai baita, chi mau bed̶ea ijãaduu Dachi Akõreba ichi poyaad̶eeba joma karibabariid̶eeba; naa judiorã karibai maud̶e judiowãerã sid̶a.

1 Corintios 1:24

Maamina Dachi Akõreba chi nuree judiorã maud̶e chi nuree judiowãerã iusii Cristod̶eeba karibai baita. Maarãba kuitaa panuu Dachi Akõreba Cristod̶eeba chi poyaabarii maud̶e kʉ̃risia kuitaa unubiasii.

2 Corintios 2:17

Daiba chi nejarra adaud̶ai baita Dachi Akõre bed̶ea jaradea nibad̶aabai ãreaba waubadau kĩra. Maumaarã Cristo ome panuud̶eeba Dachi Akõreba dai bʉisii. Maud̶e ichi daad̶e kʉ̃risia sõbiad̶eeba jaradeabadau.

2 Corintios 4:2

Ne joma kachirua ẽbẽrarãba mirubia waubadau maud̶e mia kĩra nejasia waubadau daiba ida b̶usid̶au. Waabenarã setaa kũruad̶akau. Dachi Akõre bed̶ea ãyaa jaradead̶akau, maumaarã chi biawãra bed̶ea arakʉd̶e jaradeabadau. Maka Dachi Akõre daad̶e jomaurãmaa kuitaabiabadau daiba jipa wau panuu.

Efesios 5:13

Maamina ne joma ʉ̃d̶aad̶e b̶uuduud̶e saka b̶uu unubibadau,

Efesios 5:26

Ichiba maka wausii dachi Dachi Akõre baita biꞌia b̶ui baita. Ichi bed̶eaba dachi kachirua jeraasii baniaba jeraad̶a kĩra.

Efesios 6:17

Maud̶e sõd̶eeba ãrea kuitásturu Dachi Akõreba machi biawãra karibasii, kokoroaba ichi borod̶e chaarea b̶uu jʉ̃barii kĩra. Mau awara Dachi Akõre bed̶ea ichi Jaurid̶eeba ãrea kuitásturu. Dachi Akõre bed̶ea espada kĩra b̶uu, kachirua ome poyaabariid̶eeba.

1 Tesalonicenses 2:13

Daiba ewaricha machi baita Dachi Akõremaa ichíturu kid̶ibai abadau. Machiba Dachi Akõre bed̶ea daid̶eeba ũrisid̶aud̶e ẽbẽra kʉ̃risia kĩra ijãad̶aabasii. Maumaarã mau bed̶ea biawãra chi Dachi Akõre bed̶ea kuitaaped̶aad̶ad̶eeba ijãasid̶au. Ara mau bed̶eaba machi chi Cristod̶e ijãabadaurãmaa biꞌia waubia b̶uu.

1 Tesalonicenses 5:23

Mʉʉba kʉ̃ria b̶uu Dachi Akõreba machi jomad̶e ichi baita biꞌia panabiayu. Mauba dachi jirukaraayuwãe panabiabarii. Mʉʉba kʉ̃ria b̶uu Dachi Akõreba machi jauri, machi kʉ̃risia maud̶e machi kakua ãrea biꞌia nu b̶uayu. Maka Dachi Mechiu Jesucristo neeruud̶e machi ab̶a bid̶a kachirua a jarad̶ayuswãe panad̶ai.

Hebreos 13:7

Machi karrarã kĩrabásturu. Maarãba Dachi Akõre bed̶ea machimaa jaradeasid̶au. Kʉ̃risiásturu ãchi saka nibasid̶au maud̶e maka nid̶auba kãare sakasii. Ãchiba Cristod̶e ijãa panad̶a kĩra machia bid̶a ijãa panásturu.

Hebreos 6:5

ichi bed̶ea biꞌia b̶uu ũriped̶aad̶akaud̶e maud̶e chi kaad̶ebena iujãa neei poyaabariiba ẽbẽrarãba ne poyaa waud̶akau unuped̶aad̶akaud̶e

Santiago 1:18

Ichi kʉ̃riad̶eeba ichi bed̶ea biawãrad̶eeba dachi chokae b̶uabiasii. Maka ne uu nub̶uud̶ebena nabena chaud̶a ichimaa dead̶a kĩra dachi joma ichiba waud̶ad̶ebena ichi baita biꞌia panuu.

1 Pedro 1:23

Nau kakua biui b̶uud̶eeba machi chiwid̶i naweba waya adaud̶aabasii, maumaarã Dachi Akõre biukau niid̶eeba chiwid̶i adausid̶au. Dachi Akõre bed̶ea wãꞌãekauba chokae b̶uai deabarii. Mau bed̶ead̶eeba machi chiwid̶i wãwa kĩra adausid̶au.

Apocalipsis 1:16

Ichi jua biare pusterrea 7 uru b̶uasii. Ichi okarrd̶ebena espada kid̶a muriacha peed̶ea era b̶uu neesii. Ichi kĩedarr ʉmada ted̶echoa kĩra b̶uasii.

Apocalipsis 19:15

Dachi Akõre Bed̶ea abadau okarrd̶eeba chĩobarii neko peed̶ea b̶uu nee b̶uasii druachabenarã poyaai baita. Ichi kĩra chuburiayuwãe joma nau iujãad̶ebenamaa ichid̶e ijãabia b̶uai. Uva biraduaruu kĩra, ãchi maka kastikai, Dachi Akõre Joma Poyaabarii kĩru kub̶uud̶eeba.

Apocalipsis 19:21

Chi neko ichi okarrd̶ebena awara nee b̶uuba waabenarã joma kenasii. Maabae joma chi kiuru mikiad̶a kobadau ʉtʉ ũub̶aribadaurãba mau kiuru kosid̶au jãwaaduud̶aa.

Apocalipsis 2:16

Maud̶eeba waya Dachi Akõremaa nésturu. Mau makad̶awẽebʉrã, kãꞌãabariwãed̶e mʉ machi kastikad̶e wãi. Maud̶e espada mʉ okarrd̶ebena neeruuba mau ẽbẽrarã ome chĩo b̶uai.

Apocalipsis 2:23

Mʉʉba chi warrarã kinibiai. Maka joma ãbarãba kuitaad̶ai mʉʉba jomaurã kʉ̃risia kuitaa nii maud̶e chi sõd̶eeba wau kʉ̃ria panuu. Mʉʉba machiba wauped̶aad̶a kĩra kastikai.

Apocalipsis 20:4

Maabae mʉʉba rey ãkaurã ãrea unusii. Mau ʉ̃rʉ akʉ b̶eemaa Dachi Akõreba dead̶akasii ẽbẽrarãba wauped̶aad̶a ichiad̶amera. Maud̶e ẽbẽrarã boro tʉʉtaped̶aad̶a jauri unusii. Maka boro tʉʉtasid̶au Jesusba jaradead̶a ijãa panuud̶eeba maud̶e Dachi Akõre bed̶ea jaradea panuud̶eeba. Ãchiba ãnimara kachirua nii maud̶e chi ara ichi kĩra juaba ne kaped̶aad̶a ãrea kʉ̃riad̶aabasii. Ichi seña ãchi daub̶ʉʉrʉd̶e juad̶e bid̶a ida waubid̶aabasii. Ãchi chokae jiradud̶aped̶a Cristo baara karrarã 1.000 años paneesid̶au.