Hebreos 4:1 - Emberá Chamí

¹ Dachi Akõreba biawãra jara b̶uu dachi wabid̶a ichiba kʉrrjĩrubiaimaa poyaa wãd̶ai panuu. Maamina kauwa panásturu. Makawãebʉrã machid̶ebena ab̶a bid̶a aria wãabai.

Hebreos 4:1 Iomraidhean Croise

Mateo 24:48

Maamina mau trajabarii kachirua niibʉrã, ichi sõd̶e “mʉ chibari isa neebai” ai.

Hechos 3:19

Machiba chi kachirua ida b̶ud̶aped̶a Dachi Akõremaa nésturu. Maka wauduubʉrã machiba kachirua wauped̶aad̶a Dachi Mechiuba perdonaped̶a sõbiabiai,

Romanos 11:20

Biawãra maka b̶uu. Maamina Dachi Akõreba ãchi ida b̶usii Cristod̶e ijãad̶aabasiid̶eeba. Maabae machi jʉrʉ adausii Cristod̶e ijãasid̶aud̶eeba. Maud̶eeba machi judiorã audeara biꞌia nuree kʉ̃risiarã́sturu, maumaarã Dachi Akõre wapeadee panásturu.

Romanos 3:23

Biawãra jomaurãba kachirua waubadaud̶eeba, Dachi Akõre biꞌia niid̶ebena awara nuree.

1 Corintios 10:12

Maud̶eeba ab̶auba ãrea ijãa b̶uu kʉ̃risia b̶uubʉrã, ara ichi du ab̶a kauwa b̶uai b̶uu kachiruad̶e ida b̶aebiamaaba.

2 Corintios 6:1

Daiba Dachi Akõre ome ichi traju wau panuud̶eeba, machimaa chi chuburia id̶iiduu Dachi Akõreba ichi sõbiad̶eeba kariba b̶uu ʉ̃rʉbena ida b̶urãad̶amera.

Gálatas 5:4

Chi nuree machid̶ebenarãba kʉ̃risiabadau Moisesba b̶ʉd̶a waubadaud̶eeba, Dachi Akõreba chi jipa nureerã baara b̶ui. Cristo ãyaa wãsid̶au maud̶e ichi sõbiad̶eeba jipa duanubiad̶a ida b̶usid̶au.

2 Timoteo 2:13

Dachiba jara panuu kĩra waud̶awẽebʉrã, dachi maka panumina, ichiba jara b̶uu kĩra waubarii, ara ichiba jarad̶a meraabai b̶uud̶eeba.

Hebreos 12:15

Kauwa panásturu Dachi Akõreba ichi sõbiad̶eeba kariba b̶uu ab̶au bid̶a ida b̶urãad̶amera. Maud̶e kauwa panásturu machi tãed̶e ab̶a bid̶a ne karr kachirua kĩra panarãad̶amera. Mauba ãbarãmaa kachirua kʉ̃risiabiaped̶a ara mau kĩra panabiabarii.

Hebreos 12:25

Maud̶eeba kauwa duanásturu Dachi Akõreba jara b̶uu ida b̶urãad̶amera. Chi ichiba nau iujãad̶e Sinaí ead̶e jarad̶a ida b̶uped̶aad̶arã kastikad̶ebena poyaa jĩichoad̶aabasii. Maud̶eeba chi ichiba bajãad̶ebena dachi sõd̶e jara b̶uu ida b̶uuduubʉrã ¿jĩichoad̶aika? Jĩichoad̶aabai b̶uu.

Hebreos 13:7

Machi karrarã kĩrabásturu. Maarãba Dachi Akõre bed̶ea machimaa jaradeasid̶au. Kʉ̃risiásturu ãchi saka nibasid̶au maud̶e maka nid̶auba kãare sakasii. Ãchiba Cristod̶e ijãa panad̶a kĩra machia bid̶a ijãa panásturu.

Hebreos 3:11

Maud̶e ichi kĩruped̶a biawãra naka jarasii: “Mʉʉba kʉrrjĩrubiaimaa jãarã wãd̶aabai”».

Hebreos 4:11

Maud̶eeba dachiba aude jʉrʉd̶ai panuu Dachi Akõreba kʉrrjĩrubiaimaa wãd̶ai baita. Makarã ab̶a bid̶a b̶aebai chi nabẽrarã ijãaped̶aad̶a b̶aeped̶aad̶a kĩra.

Hebreos 4:9

Maud̶eeba bari panabadau ewari ẽbẽrarã Dachi Akõred̶erã baita wabid̶a b̶uu.