Hebreos 3:5 - Emberá Chamí

⁵ Moisés Dachi Akõre baita bari trajabariid̶eeba ẽbẽrarã Dachi Akõre ded̶ebenarã ome joma arakʉd̶e wausii. Ichiba kuitaabiasii Dachi Akõreba kaad̶ebena ewarid̶e kãare jarai b̶uu.

Hebreos 3:5 Iomraidhean Croise

Mateo 24:45

»Chibari baita bari trajabarii kʉ̃risia kuitaa b̶uuba jipa waubarii kĩra duanásturu. Ichi chibariba chi waabenarã bari trajabadaurã ichi juad̶e b̶usii chi kod̶ai baaruud̶e kobia b̶uamera.

Mateo 25:21

Chi chibariba jarasii: “Biꞌia b̶uu, trajabarii bia nii, bichiba jipa waubarii. Mʉʉba b̶aꞌãra dead̶aba bichiba biꞌia wausiid̶eeba mʉʉba maucha aude deai. Ed̶a neese mʉ ome kĩrajʉʉ b̶uai baita”.

Lucas 12:42

Jesusba panausii: —Chibari baita bari trajabariiba kʉ̃risia kuitaa b̶uud̶eeba jipa wau b̶uubʉrã, chi de chibariba chi waabenarã chibari baita bari trajabadaurã mau chibari baita bari trajabarii juad̶e b̶ui chi kod̶ai baaruud̶e kobia b̶uamera.

Lucas 24:27

Maabae Dachi Akõre kartad̶e ichi ʉ̃rʉbena b̶ʉped̶aad̶a joma kuitaa jarasii. Moisesba b̶ʉd̶a maud̶e Dachi Akõre baita berreabadaurãba b̶ʉped̶aad̶a joma kuitaa jarasii.

Lucas 24:44

Mau maad̶akare ãchimaa jarasii: —Mʉ wabid̶a machi baara b̶uasiid̶e jara b̶uabachii mʉ ʉ̃rʉbena naa b̶ʉped̶aad̶a joma makai b̶uu. Mau Moisesba b̶ʉsii, Dachi Akõre baita berreabadaurãba b̶ʉsid̶au, maud̶e Salmos kartad̶e bid̶a b̶ʉ kub̶uu.

Juan 5:39

Machiba Dachi Akõre bed̶ea kauwa ichiabadau kʉ̃risia panuud̶eeba Dachi Akõre ome ewaricha chokae nuread̶ai. ¡Mau kartad̶e mʉ ʉ̃rʉbena berrea b̶uu!

Hechos 28:23

Maud̶e ãchiba ewari ab̶a b̶usid̶au. Mau ewari neesiid̶e ẽbẽrarã ãrea Pablo b̶uumaa neesid̶au. Daped̶eed̶ebena ab̶a kewaraad̶aa Pabloba berreamaa b̶uasii Dachi Akõreba ichid̶irã ichi juad̶e ua b̶uu ʉ̃rʉbena. Moisesba b̶ʉd̶ad̶eeba maud̶e Dachi Akõre baita berreabadaurãba b̶ʉped̶aad̶ad̶eeba jaradea b̶uasii Jesusd̶e ijãad̶amera.

Hechos 7:37

Ara mau Moisesba israeld̶ebenarãmaa jarasii: “Dachi Akõreba mʉ bʉid̶a kĩra ichi baita berreabarii ab̶a machimaa bʉii. Mau ẽbẽra ara machi puurud̶ebena bai. Mauba jaraaruu ijã́sturu”.

Romanos 3:21

Maamina id̶ibae Dachi Akõreba kuitaabiasii mau Moisesba b̶ʉd̶a awara saka ẽbẽrarã chi ichid̶irã jipa nuree baara duanubarii ara ichiba jara b̶uad̶a kĩra. Moisesba b̶ʉd̶ad̶e maud̶e Dachi Akõre baita berreabadaurãba b̶ʉped̶aad̶a kartad̶e bid̶a mau ʉ̃rʉbena b̶ʉ kub̶uu.

1 Corintios 4:2

Biawãra chi chibari baita bari trajabariiba ichi jaradea ua b̶uabariiba waubi b̶uu joma jipa wau b̶uai b̶uu chi jaradea ua b̶uabariiba biꞌia unumera.

1 Timoteo 1:12

Dachi Mechiu Jesucristoba mʉʉmaa poyaabarii deasii ichi bed̶ea jaradea b̶uamera. Kuitaasii mʉʉba ne joma jipa waui ichi baita. Maud̶eeba mʉ iusii ichiba kʉ̃ria b̶uu wau b̶uamera. Mau baita mʉʉba ichíturu kid̶ibai b̶uu ai.

Hebreos 1:1

Nabẽraed̶e Dachi Akõreba dachi nabẽrarãmaa b̶es ãrea bed̶ea ne jomad̶e berreabachii. Ichi baita berreabadaurãd̶eeba maka berreabachii.

Hebreos 3:2

Dachi Akõreba waubid̶a Jesusba joma arakʉd̶e wausii Moisesba Dachi Akõre ded̶ebenarã ome waud̶a kĩra.

Hebreos 3:4

Chi de waubarii barau. Maamina chi joma waud̶a Dachi Akõrebʉ.

Hebreos 8:5

Paarerãba wau panuud̶eeba unubibadau bajãad̶e saka b̶uu. Maud̶eeba Moisesba chi ãnimara e de waui naed̶e Dachi Akõreba ichimaa naka jarasii: «Joma arakʉd̶e kauwa wause mʉʉba ead̶e unubid̶a kĩra».

Hebreos 9:24

Cristo Dachi Akõre de ẽbẽrarãba wauped̶aad̶ad̶e ed̶a wãabasii, mau ab̶aburu Dachi Akõre de chi biawãra b̶uu bajãad̶e kub̶uu kĩra b̶uasiid̶eeba. Cristo bajãad̶e Dachi Akõre daad̶e wãsii, ichi oa chesiid̶eeba dachi baita ichimaa chi chuburia id̶ii baita.

Apocalipsis 15:3

Chi arpa chaamaa panuud̶e Moisés chi Dachi Akõre baita bari trajabarii kari, maud̶e chi Oeja Kaebe Nii kari karimaa panasii. Naka karisid̶au: «Dachi Mechiu, Dachi Akõre, chi Joma Poyaabarii, bichiba wau b̶uu ãrea bibuara b̶uu. Bichiba wau b̶uu ʉ̃rʉbena ẽbẽrarãba kuitaa kʉ̃risiad̶akau. Jomaurã Mechiu, bichiba wau b̶uu jipa b̶uu maud̶e bichi bed̶ea ab̶a b̶uu biawãrabʉ.