Hebreos 12:9 - Emberá Chamí

⁹ Dachi nau iujãad̶ebena akõrerãba dachi iadaabachid̶aud̶eeba dachiba maarã wapeabachid̶au. Mauba ¿ewaricha chokae nuread̶ai baita dachi Bajãad̶ebena Akõre makaa wapead̶aabai panuka?

Hebreos 12:9 Iomraidhean Croise

Lucas 18:2

Naka jarasii: «Puurud̶e juez b̶uasii. Mauba Dachi Akõre maud̶e ẽbẽra wapeaka basii.

Lucas 18:4

Maamina wãaruucha chi juezba ichiba jara b̶uu ũrii kʉ̃riaka basii. Maamina ãrea id̶ii ida b̶ukaud̶eeba ara ichi du ab̶a jarasii: “Mʉʉba Dachi Akõre maud̶e ẽbẽra wapeakau. Maamina nau wẽra akabichia nee b̶uud̶eeba mʉ sõ kachiruai naed̶e, ichiba id̶i b̶uu waui”».

Juan 3:6

Dachi naweba chi warr adaud̶a nau kakuad̶ebena need̶abʉ, maamina waya chiwid̶i need̶a Dachi Akõre Jaurid̶eeba need̶abʉ.

Hechos 2:30

Maamina David Dachi Akõre baita berreabarii basii. Maud̶eeba kuitaa b̶uasii Dachi Akõreba biawãrad̶eeba jarasii chi ichid̶ebena neeruu ab̶a ichi bari israeld̶ebenarã rey b̶ui.

Romanos 1:3

Mau bed̶ea bia ichi Warr ʉ̃rʉbena jara b̶uu. Ichi Warr Dachi Mechiu Jesucristo nau kakuad̶e Israeld̶ebena rey Davidd̶ebena need̶abʉ. Maud̶e ichi biu b̶uad̶a chokae jiradusiid̶e Dachi Akõre Jauriba unubisii mau Dachi Akõre Warr joma poyaa nii.

Romanos 9:5

Ãchi nabẽraed̶ebenarã chi mechiurã nureasii. Ãchid̶ebena Cristo ẽbẽra kakuad̶e chi naweba adausii. Mau jomaurã Akõrebʉ. Ichimáburu dachiba ewaricha biꞌia berread̶ai panuu. Biꞌia b̶uu maka b̶uai.

Santiago 4:10

Chi waabenarã audeara mechiuwãe nuree, Dachi Mechiu daad̶e nésturu. Maka mauba machi chi mechiurã b̶ui.

Santiago 4:7

Maud̶eeba Dachi Akõre juad̶e panásturu. Jʉbawãe nii ijãarã́sturu. Maka ichi machid̶ebena ãyaa wãi.

1 Pedro 5:6

Maud̶eeba Dachi Akõre juad̶e panásturu, chi ne joma poyaa waubarii Ichi daad̶e chi mechiu kĩra nureewãe baita. Maka chi ichiba b̶ui ewarid̶e, machi chi mechiurã b̶ui.

Apocalipsis 22:6

Maabae angelba mʉʉmaa jarasii: «Joma nau bed̶ea biawãrabʉ maud̶e biawãra makaaruu poyaa ijãa panuu. Dachi Akõre Mechiuba ichi baita berreabadaurãmaa ichi bed̶ea berreabiabarii. Ichiaburu chi ángel bajãad̶ebena bʉisii ichi baita bari trajabadaurãmaa kuitaabiamera kãꞌãabariwãed̶e makaaruu».